شلون اعالج بالخارج ردوا علي ولو برفع الموضوع والله يرزقكم يارب

السلام عليكم .. انا راح افيدج بخصوص العلاج بالخارج على نفقة وزارة الصحه .. بما اني خبيره بهالمجال

اولا .. الشروط والأحكام الخاصه بارسال مرضى العقم للعلاج بالخارج على نفقه وزارة الصحه .

1- ان يكون الزوجين كلاهما كويتي الجنسيه او احدهما كويتي الجنسيه .. وتتحمل الوزاره تكلفة علاج المستشفى للزوجين ولا تتحمل الوزاره المخصصات الماليه لطرف الغير كويتي ..( يعني اذا كان الزوجين اثنينهم كويتين تصرف لهم المخصصات اثنينهم واذا كان احد الزوجين غير كويتي تتحمل الوزارة تكلفة المستشفى فقط وما تصرف له مخصصات) والمقصود بالمخصصات هو مصروف الجيب .
2- ان يكون الزوجين قد مضى على زواجهما سنتين .
3- ان لا يكون للزوجين او احداهما طفل سليم .
4- ان يكون الزوجين قد قاموا بمحاوله علاج واحده كامله على الاقل. ( يعني عمليه طفل انبوب اذا كان العقم من الزوجه .. وعمليه خزعه او فتح الخصيه اذا كان العقم من الزوج ) سواء بالمستشفيات الحكومه او الخاصه .

ثانيا .. الاجراءات المتبعه لابتعاث المرضى للعلاج بالخارج ..

(تعبت اتكلم بالفصحي ابي اكملج بالعاميه )

شوفي حبيبتي تروحين ادارة العلاج بالخارج وأول شي تروحين لمكتب الدكتور احمد العنزي المتخصص بحالات العقم تلقين هناك سكرتيره مصريه اسمها مي وهي خوش بنيه حليوه .. قوليلها ابي اسوي لجنه طبيه عاد هي راح تعطيج ورقه لجنه طبيه وتعبي بياناتج فيها بخط الايد وتختم عليها ختم العلاج بالخارج .. تاخذين منها هالورقه وترفقين معاها تقاريرج الطبيه اللي مسويتهم قبل وتودينهم مستشفى الصباح قسم اطفال الانابيب عند سكرتاريه اللجان ( الحين حاطين قسم لجان العقم بروحه يعني احسن من قبل ) وتعطينهم اوراقج وراح يحطونلج موعد عشان تقابلين اللجنه بعد شهر ( مواعيده بعيده ) وبيوم اللجنه تروحين انتي وزوجج وبعد ماتخلصين اللجنه وتطلعين راح يقولون لج راجعي العلاج بالخارج بعد اسبوع عشان النتيجه .. طبعا راح تلقين النتيجه عند السكرتيتره نفسها .

واذا طلعت النتيجه موافقين ان شاء الله .. راسليني على