شلون اتاكد ان هذا اهو الشخص اللي انا ابيه ! :(

قوه بنات شلونكم !!
شوفو انا وحده صراحه مادري شفيني .. احس وايد اني مصختها
من ست سنين انخطب و الحمدلله مشالله يكونون خوش ناس منهم خطبه عاديه منهم ناس شايفيني و يبوني
بس ما قدرت ولا مره اني اقول ايي .. و علشان افتك من ضغط اهلي قررت اني اكمل دراستي بره .. و هني بعد صار في جم واحد و النعم فيهم عرفوني و خطبوني من اهلي
بس لي الحين ماني قادره اقتنع و من ايي طاري الزواج و احس اني لازم افكر جد بالموضوع تحوشني حاله كابة
ماني عارفه شلون اقنع عمري باحد .. دايما اخاف اقول ايي و ارتبط و اتوهق و القى عمري ربطت نفسي بشخص مو مقتنعه فيه فما استانس !!

فسؤالي انتو على اي اساس قلتو اي للي تزوجتوهم .. و شلون حسيتو ان صج هذا اهو الشخص اللي تبون تقضون معاه باجي حياتكم !!

ادري سؤالي ماصخ بس طوفولي

السالفه نصيب لما يكون نصيبج بترتاحيله من الله
بس هم موزين ترفضين وايد في وايد بنات ندمو محد قام يطق بابهم الحين وصلو 30

وانا تزوجت على حب ماعرف تقليدي ماحب

شوفي عزيزتي

ترى أصعب قرااااااااااااااااار تتخذينه قرار الزواج

ويوم الملجة لما تصير السالفة صج وعند الملااااااااااااااج اصلا تبجين لأنة سبحان ما تدرين شنو بصير

وليه قبل زواجج بيوم وبتكونين مترددة

وكله يعتمد على زوجج اهوا الي يخليج تقتنعين فيه وترتاحين

بالنسبة للقبول صدقيني للحين ما ياج نصيبج

لأنة لو اهوا نصيبج جااااااااان لقيتي نفسج توافقين بدون تردد

والاساس في هالعملية الاستخاااااااااااااااااااارة وربي يسهل الامور

وترى شي طبيعي تمر على بالج هالاسئلة عقب الخطبة والملجة .. جني تسرعت لو ناطرة جان ياني الاحسن

ولكن عقب سبحاااااااان الله تقولين لو اني مو ماخذة هالشخص جان ندمت بالذات اذا بديته تحبينه وترتاحين له

توكلي على الله ولا تخلين التردد سيد الموقف

ويلة كافي دلع خلينا نفرح فيج هههههههههههههههههههههه

مشكورييين بعد قلبي على الرد السريييع

الاسطوريه !! مو المشكله ان حتى سالفه اني احب مادري مو قادره اقتنع فيها !! ساعات احس عمري معقده !! انا عندي زمله هني و النعم فيهم محتكه فيهم زماله عاديه و ماني قادره اتأثر و الا احس باي شي صوب احد فيهم !

سكرة .. حبيبتي والله طمنتيني .. انا وصلت مرحله ان خلاص بخلي القرار حق امي و الريال جذي جذي دام اهلي مقتنعين فيه معناته ان ان شاءلله مع الوقت بتاقلم و بتعود عليه .. لان يا كثر ما حريت قلب امي بعد قلبي .. لان لو علي انا ناطره اييني الشعور الغير مفهوم اللي يخلي لساني يتحرك غصبن عني و يقول اي اي ابيييييه و هالشي ماله وجود الظاهر

مشكووريين بعد قلبي :**

رفيف

عن نفسي ارفض زواج الحب لاني بصراحه وايد اشوف ناس تحب بعض وبيوتها مشاكل

ومافي حدود بينهم بسبب هذا الحب

اخذي واحد اهلج سألين عنه ويدرون ان هذا زين واذا عن الخوف

لاتخافين وعلى نياتكم ترزقون انتي اللي تكسبين زوجج وتاكلين قلبه والله يوفقج ياغلاتي

حبيبتي الزواج قسمة ونصيب سواء حب ولا تقليدي يعني ما تقدرين تحكمين ولا تقررين بس حبيت أعلق على وجهة نظرج حبيبتي .

بعدين بالنسبة حق صاحبة الموضوع سمعي حبيبتي الزواج صج قرار صعب واذا صارت الصجية تخقين صج اني مو متزوجة بس مريت بشعور اذا أحد خطبج وقعدتي تفكرين أوافق ولا لأ لاني مو مستعيلة على الزواج الحين انشا الله على السنة الياية ابدي افكر جد لاني اكون خريجة ههههههههه

شوفي كل شي قسمة ونصيب ساعات اتشوفين وحدة اتعيب على الي خاطبها واتقول ويع لو شنو ما ارضى ويصير نصيب ويكون هذا نصيبها ما تدرين ربج شكاتب انتي شوفي الي خاطب وكلميه ولمة اتكلمينة واتعرفينة عدل بعدين قرري ترة من اول مرة ما يبين فعلا قرار صعب
ولا اتردين باجر تتحسفين تتمنين ظل ريال طبعا هذي كلمة امي لووووووووووووووووووول
الله يوفقج

انا اقولج لما تكونين جدام الشخص اللي الله كاتبلج النصيب وياه لاول مره على طوووول بتحسين ان هذا اهو الشخص اللي انتي ناطرته

انا هذا كان احساسي

باختصار صلي استخاره واذا ارتحتي ان شاءالله يكون نصيبج و اذا مارتحتي ان شاءالله ربي يعجل نصيبج

شوفي حبيبتي

اذا ياج واحد خلي اهلج يسألون عنه عدل وانتي صلي صلاة استخاره

من استخار ربه ما خاب

ونصيحتي لج حبيبتي لا تردين الخطاطيب واااايد

ترى البنت اللي ترد وايد يوقفون خطاطيبها

ربي يوفقج ويسعدج ويرزقج الزوج الصالح اللي يسعدج ويهنيج ويقدرج ويحترمج

قلت اي على اساس النصيب واستخيري ربج اذا احد اخطبج

الله يوفقج

حبيبتييي والله مشكوره .. انا اوفر مو خايفه انه يكون مو زين لان صج ادري ان انتي اللي تفرضين على لاريال شلون يعاملج !
اللي اخاف منه اني اكتشف بعد الزواج ان شخصيته مو نفس ما ابي طريقه تفكيره و جذي !!
وهذي شغلات ما تنعرف الا مع العشره ! و هني المشكله

اهلا اهلا هيهيهي يعني انتي صافه يمي بالمشكله ! يالله خلينا نسوي رابطه شعارها كيف نقول نعم

مرسيي حبيبتي على التجاوب معاي الخطيب هالمره اعرفه زين المشكله .. زميل معاي من فتره فاعرف عنه الاساسيات ما عليه قاصر ! بس فيه شغلات تخليني متحفظه منها انه اصغر مني بجم شهر