شكله ماكو بيبي هالشهر :(

السلام عليكم

حدة ضايق خلقي

حاسه بعوار الدوره بطني وظهري يعوروني وعوار بصدري قبل يومين نزل علي لون بيجي مايل للبني و امس ماكو شي واليوم نفس الشي شكلها مسعده بتنزل
الدورة يتلي الشهر اللي طاف تاريخ 12/9
و خواتي يقولون حللي هرموني يمكن حمل ضعيف لان علامات الحمل و الدورة يتشابهون
بس انا حاسه انها دورة واخاف اروح احلل ويضيق خلقي زياده
شرايكم بنات احلل و لا انطر

نطري حبيبتي اذا تاخرت عن موعدها ب 3 ولا 4 ايام روحي حللي

وانتي ارتاحي ولا تمشين وايد

لان الدوره والحمال نفس الاعراض
وان شاء الله يكتب لج الحمل هالشهر

لا اختي انتظري لما تنزل حتى ترتاحين والله انتظار التحليل حاله تتعبج

بس حللي منزلي

الدوره اللي يتني بالرمضان كانت جذي دم بيج وبني بس مره وانتظرت لحد ما شرفت

الله يبلغج ويبشرج بالحمل يااارب

نطري

الله يرزقج بس اتوقع تو الناس على التحليل

باخذ برايكم وانطر
لاني عارفه نفسي على ما تطلع نتيجه التحليل راح اكون منتهيه
الله يكتب اللي فيه الخير

الله يتمم عليج يارب وان شاء الله يصير لي نفسج بس ما اعتقد كلش ماعندي احساس اني حامل

ان شاءالله تفرحين بحملج هالشهر يارب و تنضمين لنا يارب

تفائلي بالخير حبيبتي
و الله كريم ان شاء الله
نطري جم يوم و سوي تحليل دم
و ان شاء الله خير ؛*

لا حبيبتي تفائلي والله يكتبلج الحمل السليم الثابت ويفرح قلبج ربي ان شاءالله وانا انصحج نطري يطوف على الدورة يوم وسوي تحليل لان اذا ما بين الحين هذا مو معناه ان ماكو حمل فا عشان تتأكدين نطري والله يكتبلج الي فيه الخير يا رب

لا حبيبتي انطري واذا نزلت شنو يعني الشهر الجاي انشالله تحملين

يا بعد عمري

آنـا نفسج تاريخ دورتي كان 12-6

وكانت إتييني آلام الدورة وتلويني

وماقدرت أصبر أكثر ولو اني ادري مو حامل لان اعراض الدورة باينه بشده

قمت وحللت 13-6

مافيني أصبر اكثر

حللت بالبيت وطلعت حامل الحمدلله

يا حياتي لا يضيق خلقج لان بالذات الحمل كل ما تأخر خيره

والله آنـا بغيت احمل اول ماتزوجت بغيت حيييل لان اهلي واهله طايرين اول معاريس عندهم احنا

وكل مايتني الدورة ظاق خلقي

ولما حملت طلع احسن وقت حملت فيه يا سبحان الله

وحامي انتهى قبل بداية الكورس بإسبوع الحمدلله

و ولادتي تكون بّإذن الله بعد امتحانات الفاينل ب اسبوعين

شوفي لو حملت قبلها جان الوحام ظل معاي بالدراسه ونزل معدلي

وجان ولدت بإمتحانات الفانيل وتأخرت حيل وفوق هذا اكون تعبانه

وهذ1 اخر كورس لي

لي يومج اقول الحمدلله على كل حال

صدقيني فيها خيره انتي ما تعرفينها :d

هالعلامه البنيه بشاره حمل .. هذي علامه انغراس البويضه الملقحه ببطانه الرحم

الحامل تشوف هالعلامه قبل اسبوع من تاريخ الدوره

بشري بالخير

يارب تكونين حامل بس نطري لا تحللين الحين
واذا نزلت الدوره لا يضيق خلقج خيره من رب العالمين