|
|
هاااي بنات
انا بدش بالموضوع على طول
بقولقكم سالفتي بنات انا عمري 18 وقبل جم يوم رحنا لخوالي بالسعوديه وصارت عندهم عزايم وعرووس وانا رحت المهم بنات انا خطبوني شكثر بالعرس وكانت ردت فعلي عاديه لان هالشي مو غريب وما كنت اوافق عادي وكان مبدأي ان مافي زواج إلا لما اخلص دراســه لما جا اليوم اللي خطبتني فيه وحده وهالوحده تبيني حق ولدها اللي عمره 26 وولدها معرووف عنه الاخلاق وفوق هذا كله وظيفته زينه وراتبه زين والاهم ان شكل واااايد حلوو مادري انا لما خطبتني جاني شعور غير عن كل مره وقررت اني استخير وبالنهايه قلت حق امي كيفج اللي تشوووفينه
بس امي تقول مابيج بعيد عني بالسعوديه ابيج جدام عيني بالكويت بس انا هالمره احس اني ابيه مع العلم ان اللي تقدمولي قبل بالكويت وموناقصهم شي بس مادري ليش قلبي مال لهذا ؟؟
فاا انتوا بنات اشرايكم اوافق ولا لا ونسيت لا اقولكم ام الولد قالت شقتج راح تكوون لج بروحج على ما يخلص بيتكم والخدامه تدش قبلج ع الشقه ؟؟؟؟؟
شرايكم بنات ؟؟؟؟؟؟؟؟؟؟؟؟؟؟
يعني لا تستعجلين مثلي وبعدها تندمين لازم اهلج يسالون عنه وايد وترا الغربه صعبه
وربي يوفقج يارب
بس انتي استخيييري اهم شيء…
وثاااني شيء انتي بدووله مسلمه ويم الكويت يعني مو بعيدة…
واللى الله كااتبه لج راح يصير ان شاءالله
والسعوديه والكويت نفس الشي مامن بعد – وانتي استخيري وشوفي يمكن الله كاتبلج حيات بالسعوديه احسن من لو انج متزوجه بالكويت انتي استخيري وتوكيلي على الله …
وعسى ربي يوفقج مره ثانيه – وموفقه خير حبوبه …
مشكوووورين يا قلبي والله طمنتوني
و حتى على امج صعبه
عمتي زوجت بنتها سعودي و سكنت بمنطقة قريبه من الكويت بعد .. الحين صارلها 25 سنه يمكن .. وعمتي للحين تقول غلطة عمري اني عطيتها سعودي و راحت بعيد عني .. مع ان الريال ماشالله اصل و فصل و اخلاق و وظيفة مرموووقة جدا .. وبالاعياد و رمضان و العطل الرسمية داايم يقطها عند اهلها بس ماهما يكون اسمها اهي بديره و اهلها بديرة
لو يصير ادناة الدون و تبين احد من اهلج تشكين له و لا تفضفضين .. ماتلقين احد ! هذا غير الحكرة و تنطرينه يوديج و اييبج
افففف غلقه .. وانتي توج في بداية عمرج الله يحفظج
استخيري حبيبتي و فكري مليون مره
والله يكتبلج اللي فيه الخير
إذا هو زين ومافي أي قصور ومرتاحتله وانتي مستعدة تعيشين بسعودية .. فصلي صلاة الاستخارة وتوكي على الله
واخذيها مني وان اختج
ترا الغربه صعبه لو هي السعوديه
وديرتنا ماكو مثلها الكل يتمناها
كفايه باجر اذا صار عندج مناسبه وتبين تفصلين ولا تبين صالون اعتقد محدودين بالسعوديه مو مثل الكويت الله يعزها
والكلام اللي ينسمع عن الرجال قبل الزواج ما يجي 1 % من اللي بتعرفينه عنه بعد الزواج
والله يوفقك
ما انصحج تتغربين