|
|
اي يابنات شلونكم و شخبارك
أمبي اليوم صارت لي سالفة بصراحة تضحك على تقهر على أنج تحسين على انها قلة أدب على شي غريب
ادري حيرتكم بس خل أقولكم السالفة
الله يسلمكم اليوم قاعدة عقب الفطور أشرب شاي مع أمي و لا طق باب البيت و لا جايتنا بطايق عرس من معارفنا ( طبعا ضاق خلقي خلصت المعاش و مالي خلق أشتري بدلة جديدة خخخخخخخخخخ)
الامهم يابنات بطلت البطاقة و لا حدها ذربة و حلوة و عليها الدعوة و قايلين في تمام الساعة السابعة و النصف
لكن في شغلة غريبة لفتت نظري
كاتبين أخر شي بالبطاقة " يرجة التكرم بالتواجد قبل ال9:30 "
امانة يابنات شرايكم مو عيب ألزم الناس يجون بهالوقت مادري أكو ناس ظروفها غير
بس لما أمي دقت و سألت خالتها قالت لها أن تبي الناس لهم يكونون بالحفلة قبل الزفة مالت العروس عشان يشوفون زفتها كاملة و عشان و هي تمشي مايكونون الناس يمشون بالصالة و يخربون التصوير لانها مسوية زفة مفاجأة و مادري شنو بتحط
تعرفون السالفة أحس أنها مو حلوة يعني ممكن يقولون للناس تعالوا مبجر احسن مو أشكرا يكتبون بالبطاقة
مو ناقص إلا يكتبون " الرجاء الكشخة و التقيد بالأناقة هههههههههه "
مادري أنا هذا أغرب بطاقة شفتها
و أبي تعليقكم "
كلامج عدل يا قلبي
بس العروس مسويه زفه مفأجاه
لازم تجبر الناس أيون بهالوقت
تصدقين احس أعراس هالأيام من كثر هالفناتق ما صارله لا طعم ولا فرحة بالنسبة لي أهم شي التوفيق
كل شي متوقع يصير ………وانتي صاجه مو حلوه هالكلمه الي كاتبينها بس ما نستغرب منها
الناس صار همهم العرس وطلابة العرس
ما يهتمون بالبنت والولد نفسهم اذا متوفقين مع بعضهم البعض ولا لا
واذا كانت البنت فاهمه يعني شنو الحياة الزوجيه
انا عريت عن الموضوع بس شسوي من الحره الي فيني
بس شوفوا انا بروح العرس و بقولكم شنو صاير
و هم لو انا مكانها بسوي نفس الشي ماراح أخرب زفتي عليهم خصوصا الناس عندنا مايستحون يدخلون متأخر و يمرون على العروس جدام الكاميرا
اي و الله فناتق
خل ضحك شوي ونكتشف أشياء جديدة
والله اسال مجرب
ابيخ حركه الى لما تكونين واقفه بره الصاله واهلج يسنعون فيج ووحده يايه معاج واطالع بروحج مطفيه ليتات الصاله ومسكره الباب عشان الناس اتشوفج عقب ما ترتبين نفسج
وهذه رايي
وفى ناس تكتب جذى عشان مسويين يلوة عروس
مو حلوة اتصير اليلوة وماكو احد بالصاله
>>> نذاله لوووول بصراحه فشله مو أنا اللي أحكم الناس الناس لها ظروف تحكمها اللي بيحضر ياهلابه واللي مايقدر ولا بيتأخر عذره معاه أهم شي انه شرفني وبعدين الحمدلله احنا كلنا ذوق يعني لما نشوف عروس واحنا تونا داشين الصاله أكيد بنوقف لما تدخل أو راح ندش بطريقه ماتربكهم
وعلى طاري الفناتق مره ناس نعرفهم بعد كاتبين في بطاقه الدعوه مالة العرس وسيحيي الحفل كلا من الفنانه كذا والفنانه كذا واااي متنا من الضحك جنه دعوه حق مهرجان
بس تدرين هذي حركه حلوه منهم عشان كلن يذكر الثاني قبل عرسهم ويتشيشون الناس ويحضرون غصب لأنهم بيشوفون شي حلو
و على جذي أنا مرة بعد شفت بطاقة كاتبين على الفحة الثانية الساعة 8 الاستقبال لساعة 9 الزفة الساعة مادري جم مادري شنو
و بعدين كاتبين المطربين من أحياء مادري منو
و بدلة العروس البوشية و بدلة الام من مادري ونين
و المكياج جذي و الحلوييات جذي
عشان الناس ماتسأل
فعادي لا تستغربين
و انا هم مره رحت عرس قبل ماتدخل العروس وزعوا اوراق صغار انا عبالي دعاء حق العروس طلع منو مسوي بدلتها و كوشتها و مسكتها و مكياجها
وفنااتق العروس اذا بنتكلم عنها محنا مخلصين >>>>>>>>> حريم
عاادي ناس يكتبون تعالو الساعه 9 او 8 عشان المطربة (الطقاقة) بتبلش هالحزة الله يرحم ايام زمان……. صادفت معاي مرات الناس توزع بطايق العرس واهم يوزعون يقولون تعالو ترى احنا حاطين فرقة استقبال اول ما تدشوون الفندق وشوفو المصخرة لوين وصلت الفرقة طلعت فرقة رجالية واحنا ندش بكامل كشختنا وعيون العقد هالكبر ومااقوول الا الله يساامحهم