سلبيات وإيجابيـات رياض أطفـال

الســلام عليكــم

أخبـاركـم يـامعلمـات ريـاض أطفــال

عندى سؤال لكـمـ

أبـي كـل وحدهـ فيكـم

تقولي سلبيات وإيجابيـات رياض أطفـال من كـل نــاحيـه

تـرانـي طـالبـه وبتخصص رياض أطفــال ؟؟؟؟

وتشكــرااات

حبيبتي نصيحه دامج ما تخصصتي .. اخناري تخصص غير رياض الاطفال

عبــق الــورد

يعطيـج العافيهـ عالمـرور

بس أبـــي السبب ليش ؟؟

الإيجابيات : تطلعين مبجر .. ماكو تصحيح

السلبيات : – مكروفه اليوم كله تقريبـا وانتي بالصف .. وتمر أيام ما تحصلين حتى نص ساعة تريحين
– الصرف الصرف تقريبا يوميا بالمكتبة وقولي متوسط الميزانية الشهرية على الوسائل وشغل الروضة تصك مية او ميتين دينار
– الشغل يرجع وراج للبيت .. يعني انسي تريحين
– التوجيه كل يوم لهم راي او قرار والمنهج مو ثابت

نصيحتي انحاشي دام ليلحين انتي ما تخصصتي

السلبيات الموجهات الى كل وحدة تبى تبرز نفسها على حساب المدرسات
الكراف الى مو طبيعى
الغيرة بين الناظرات على حساب المدرسات
كثرة المهرجانات ووين مبادراتج يا ابلة
لوغابت زميلتج امسكى طول اليوم ماترتاحين الانص ساعة
نصيحة نصيحة الى ماتخصصت رياض اطفال تهج موتنحاش لان الموجهات والناظرات يبون شئ لهم موللطفل يعنى الى تقولج يا ابلة الطفل
هو المهم قطى كلامها ورا ظهرج يبن شئ هن يستانسن منة مو الطفل يعنى شئ ابداعى للكبارية
حسنتين فية مثل ماقالولج الطلة مبجر وماكو تصحيح

عذرا على الاطالة

يا قلبي لكل مجال حسناته وسيئاته

الدوام تتعودين عليه

بالنسبه لي اكثر سلبيه صارت لي اني صرت اكره شي اسمه أطفال بالبيت

لاحظي

يعني من ارد البيت ما ودي اشوف رقعة ياهل ولا حتى اسمع صوته

وايد سلبيات

لا تروحين روضه

وموضوعج يبيله قعده

ألا ليت الشباب يعود يوما والله لويدور الزمن وأكون بموقفج هذا

ما أختار رياض الأطفال أتخصص ميكانيكا سيارات ولااتخصص رياض أطفال

أحسن شي الطلعة مبجر بس ماتسوى علينا كراف حتى في البيت تحاتين درسج ووسائلج ثاني يوم وياليت يعجبهم إذا حضرت المديرة أو الموجهة طلعت نقد من تحت الأرض لو الدرس توب وماكو منهج تمشين عليه يعني اعصري مخج وطلعي افكار من المريخ
هذا غير الشكاوي اللي ماتخلص من أهالي الأطفال والله صرنا مثل الخدم لعيالهم حتى الحمام عزكم الله يبونا ندخل معاهم
يعني باختصار معلمة الروضة صايرة مصخرة لكل من هب ودب هذا غير انج حتى اعيالج بتملين منهم لأنج طول اليوم مع
الأطفال وازعاجهم في الصف.

نصيحة يا بنت عتيبة انحاشي والله لويرجع الزمن مارحت هالمجال

هذا اضافه انج تكونين تحت رحمه مشرفه ما تخاف الله فيج او ناظره ما ترحم ..

والله عاد انا ليلحين تربية عملية و اللي اشوفه اني ابتلشت صج بالتخصص و الابلات ملوت الصف مستانسين لانهم قاطين الشغل و الصف كله علي انا و فوق راسي و انا ليلحين تربية عملية اشلون اذا مسكت صف كامل لما اتوضف الله يستر بس و مثل ما قاللولج لما ترجعين من البيت صج مالج خلق يهال انا عيالي مالي خلقهم و زوجي يتحلطم علي انتي اجابلين اعيال الناس و عيالج مالج خلقهم والله الله يحقق اللي في بالي و اللي افكر فيه ساعتها يتغير النظام اللي ماشي الحين قولوا امين
و على فكره اشدعوه عيالنا يفهمون شي بالروضة الياهل ياخذله مو اقل من 10 مرات اصراخ بويه و باجر اذا كبر تعالوا قولوا ليش تعقد احسن جنه قاعدين في معسكر ولا جيش اليهال جنهم الات يمشون و اللي يطقونهم و اللي ما يخلونهم ياكلون الوجبة عشان اتشيطنوه بلالالالالالالالاوي الله يكافينا شرها بس ان شاء الله اسوي اللي في بالي و تشوفون اسمي قريب ان شاء الله قولوا امين كلكم

ونسيتي الموجهات هالنوعيات اللي ذكرتيها يا كثرها في رياض الأطفال مصيبة

البنات كفو ووفو
السلبيات اكثر للاسف

لووووول يعني انا تخصص رياض أطفال بس لما الحين صارلي 3 بس شوفي انا عن نفسي ما توظفت بس احسه حلو يعني لما تكونين مع اليهال اذا تحبينهم راح تنسين كل شي يعني العفوية فيه مو مثل التدريس العادي عرفتي سوالف التقييد بعدين كافي الامتحانات والتصحيح يعني الشغل بالرياض fun بس الي اشووفه كل من قاعد يحبط بالنسبة حق التوجيه والمشرفة هذا لا بد منه حتى في التدريس العادي والوسائل والشغل هم لازم بس انا اشووف انه مجرد التعامل مع اليهال وعفويتهم وناسة والله أعلم من أرووح الرياض وتبين رايي كل شي بالدنيا تعب مافيه شي بالساهل اذا مقتنعة توكلي على الله انا وايد سمعت سلبيات وناسة لما تيين بعدين وتشوفين اطفالج يحبونج وأثرتي فيهم شوفي الإنجاز وقتها بغض النظر عن كل الكلام والنقد الي يطلع من التوجيه راح تقدرين تتعودين انشالله

الايجابيات : الطلعه امبجر ، وسهل تدريسهم

السلبيات : تعب طووول اليوم ،،، حنه ورنه طوووووول اليوووم ،،، غير التدريس يكلفونج بمهام ثانيه تدريب واوبريت وسواااااالف وشغلات للروضه ،،، ووووووووووو ،،، ولما ارد البيت هم احضر ،،، احس روحي ليلحين طالبه بالمدرسه

بصراحه انا احب شغلي بس واااااااااااااااااايد متعب

فكري عدل عدل وانتي على راحتج