|
|
السلام عليكم شلونكم كويتيات
بنات انا متعقده
طلعلي بتحليل الدم سكر حمل خفيف
و الدكتوره قالت سوي نظام غذائي و اشتري جهاز السكر كل يوم
و اذا تعدى 7 معناته فيج و مايروح
المهم ان نظامهم الغذائي مرض يدوخ حتى امي قالتلي اكلي اكلج اللي كل يوم تاكلينه بس خففيه و ابتعدي عن السكر
سويت اللي قالتلي عليه امي
و يا بنات السكري اذا طار 6ونص
يعني طبيعي
شفيهم يشككون الشخص بنفسه استغفر الله
و اذا صايمه يطلعلي 5 يعني طبيعيه الحمدلله
و موعدي الخميس تشوف شصار معاي بالتحليل
راح تنصدم لما اقولها مو ماشيه عالنظام لوول
انتو شرايكم
مرات يشككونكم باشياء مو فيكم ؟
و هل ممكن التحليل يغلط؟؟؟ لان قبل تحليل الدم عطوني محلول نصه سكر و سوولي التحليل عقبه بساعتين و شي طبيعي يصعد من هالسكر اللي كميته باليوم تحوشني ربعه 
الحمدلله دام تحاليلج زينه تطمني … رفيجتي طلع فيها سكر حمل وخوفتها الدكتوره وبعد فتره عادت التحليل مافيها يمكن انتي جذي كنتي ماكله شي رفع السكر بدمج يومها
اهتمي باكلج وبموعدج قولي للدكتوره وخليها تعيده
موشرط سكر الحمل يثبت معاج اهم شي تلتزمين بالدايت ومايرتفع وبعد الولاده يروح ان شاء الله
انا حالتي غير اكل طبيعي و السكر معاي طبيعي
وسكر الحمل معروف يروح وهالشي اللي نصه شكر اهوا يبن اذا فيج سكر والا لا لان الوحده الطبيعيه من تاكل شي في شكر يرد طبيعي بعد ساعتين عرفتي
وماتشوفين شر
وصرت أتريق كورن فلكس فواكه مع حليب قليل الدسم وغداي عادي بس أخفف وعشاي
خفايف الا في المناسبات وهم شريت جهاز فحص السكر ترا ممتاااااز ومهم لكل الحوامل
لأنج راح تستخدمينه بين فترة والثانية عشان تتطمنين على روحج .. المهم انا حاشني السكر
بالشهر السابع وتميت أخفف أكل لحد يوم الولادة رايحة الطوارئ وانا أقولهم فيني سكر
حمل بس لما فحصوا دمي بالمستشفى كانت نسبة السكر طبيعية لكن وزن ولدي بالسونار
طلع ٤,٥ كجم واضطريت أولد بعملية لأني ماحبيت أخاطر بروحي صراحة ..
مايتعدى ٦,٥ .. الله يتمم عليج ويسهل أمورج ان شاءالله
انا كان فحص السكر يبين عادي مافيني مع اني عدته مرتين بالمستشفى لانهم شكوا بالدبدايه بس ولدي يبته وزنه 4 و250 ومتفخ مع ان زيادتي بالوزن عااديه موو حيييل بحدود الطبيعي واكلي بعد كان عاادي فانتي اهتمي باكلج من غير لا تتبعين نظامهم حرصي على اكلج وان شاء الله مافيح الا العاافيه
فسويت تحليل السكر اكون صايمة من 8 إلى 10 ساعات واشرب محلول الجيليكوز و كل ساعه ياخذون مني دم لمدة 4 ساعات
والحمدلله طلعت النتيجة مافيني سكر
قلت يمكن بين من البداية لأن ماكنت صايمة وبين في نسبة سكر
بس الحمدلله اطمنت
والله يطمن قلبج حبيبتي
واحتمال البيبي يكوون كبير وبتتعبين بالولاده
اهتمي بالاكل واتركي شووكلت
صحيح خففت بسرماتذكر اني التزمت نظام غذائي
والحمدالله على كل حالل ولدت فجأه ومن غير انذار باول اسبوع من الثامن كنت الاسبوع ٣٠
وطلع صحيح كلامها وزن بنتي ماشاأالله كان زين بالنسبه لاسبوع حملي
اهتمي نصيحه وامشي سوي رياضه اقطعي النشويات والسكريات
منها تحافظين على صحتك ورشاقتك ومنها بعد عشان البيبي مايسمن على غير فايده
ويتعبك بالولاده
الل يحفظك ويسهل عليك
راح التزم بالنظام الغذائي ان شاءالله
و كلها فتره و تعدي و من اولد ارد اكل طبيعي
اتعب و بالنهايه ارتاح
و بالاخير الحمدلله و الشكر لله على كل حال
تحاليلج زينه شلون تقولل لج جي
انا مريضه سكر واعرف
ماعندها سالفه
وعسى ربي يتمم ويسهل عليج