|
السلام عليكم يابنات..
ياريت تساعدوني بموضوع محيرني جدا جدا جدا
اول ماتزوجت قبل سنتين اكتشفت انه فيني كيس على واحد من مبايضي وسويت عمليه المنظار والحمدلله افتكيت منه ولكنه اثر على الانبوب يعني انا الحين عندي انبوب واحد شغال والحمدلله على كل حال وبعد العمليه انصحتني الدكتوره اني اييب عيالي ورا بعض لاني مهدده (الله لايقول انشالله) بان يطلع الكيس مره ثانيه على المبيض الثاني وكنت مقتنعه بالفكره ليمه حملت وولدت الحمدلله بالسلامه قبل شهر … انصدمت بانه الامومه وايد صعبه ومسؤوليه تخلي القلب يخلص وبديت اتخوف من فكره اني احمل على طول بالثاني، انا الحين قريب اطلع من النفاس بس بالنفاس شفت ليالي سوده صار فيني ارق من كثر مااحاتي خاصتا انه امي مره كبيره وما تقدر تساعدني بشي يعني انا اسم قاعده عند اهلي انا بروحي بتربيه عيالي وام زوجي بس تفلسف عالفاضي مامنها فايده….
شرايكم ياامهات اللي عندهم اكثر من طفل واحد؟؟
اقدر اتحمل تربيه طفلين على راس بعض بروحي خاصتا اني من النوع الحار والقلق وابي كل شي يكون كامل ومثالي حق عيالي؟؟؟؟؟؟
ساعدوني بالقرار!!!
وبالنسبه العيال ورا بعض بقولج عن نفسي أول بجري يبت بنوته لما صار عمرها 6 شهور حملت مره ثانيه
وولدت بالسابع تدرين يبت شنو تونز صبيان ويوم ولدتهم صار عمر بنتي سنه يعني رتحت وايد
والله الكل يوم عرف إني حامل بالتونز يقولون راااح تتعبين ومن هالكلام وماإهتميت
وأللحين بنتي عمرها سنه و9 شهور وعيالي التوئم 9 شهور
وهذي آنا دايما أغسلهم ووكلهم وسبحهم وسوي رضعتهم وماأخلي الخدامه تمسك شي إذا تعبت أخليها إساعدني جدام عيني وأنا بعد نفسج أمي مره عوده
وفجذيه سوي حسبه إذا صار عمر ولدج 6شهور وفوق إبدي فكري بالحمال
ويوم تولدين مره ثانيه إنشالله يكون عمر ولدج سنه وشوي
بس من أللحين أقولج تربيه راح تكون سهله إنشالله إذا أنتي ربة بيت ماوراج
شي وياريت تكون معاج خدامه بس شويه تساعدج وجدام عيونج
سوري عالأطاله
اما على كلامج انج حارة وتبين كل شي مثالي ،، طبعا الحرارة ما تييب الا المرض ،، حاولي ما تفكرين وايد دايما قولي حق نفسج انا ليش حارة واحاتي اللي ربج كاتبه بيصير سواء قعدت بمكاني او نقزت فوق تحت
اما المثالية فطبعا كلنا نبي المثالية حق نفسنا وحق عيالنا وهذا شي طبيعي بس انتي دعواتج ان ربج يسهل عليج ،، وخلي الامور على الله سواء حملتي اللحين والا بعدين خليها على ربج وارتاحي
والله يهدي لج عيالج ويرزقج برهم ان شاء الله ويجعلهم من الذرية الصالحة
وسهالاات الامور ترررى
انا طلعت من الاربعين بولدى وسيدة حملت بالثانى
الله يشافيج ياعمري
وبالنسبه العيال ورا بعض بقولج عن نفسي أول بجري يبت بنوته لما صار عمرها 6 شهور حملت مره ثانيه وولدت بالسابع تدرين يبت شنو تونز صبيان ويوم ولدتهم صار عمر بنتي سنه يعني رتحت وايد والله الكل يوم عرف إني حامل بالتونز يقولون راااح تتعبين ومن هالكلام وماإهتميت وأللحين بنتي عمرها سنه و9 شهور وعيالي التوئم 9 شهور وهذي آنا دايما أغسلهم ووكلهم وسبحهم وسوي رضعتهم وماأخلي الخدامه تمسك شي إذا تعبت أخليها إساعدني جدام عيني وأنا بعد نفسج أمي مره عوده وفجذيه سوي حسبه إذا صار عمر ولدج 6شهور وفوق إبدي فكري بالحمال ويوم تولدين مره ثانيه إنشالله يكون عمر ولدج سنه وشوي بس من أللحين أقولج تربيه راح تكون سهله إنشالله إذا أنتي ربة بيت ماوراج شي وياريت تكون معاج خدامه بس شويه تساعدج وجدام عيونج سوري عالأطاله |
اشكرج على التشجيع صراحه شوي طمنتيني
حبيبتي خلي الامور على اللي ربج كاتبه ،، انتي بس عليج شغلة وحده بس ،، علسج بالدعاء ان الله يسهل امرج ويرزقج الذرية الصالحة ،، صدقيني حبيبتي عن تجربة صارت جدام عيني وحده يابت 4 فوق بعض فوق بينهم 11 شهر بس ولا اله الا الله اللحين اللي حافظ القرآن واللي طالب علم ،، احنا وظيفتنا ترى التوجيه بس لكن التربية على الله والهداية على الله ،،
اما على كلامج انج حارة وتبين كل شي مثالي ،، طبعا الحرارة ما تييب الا المرض ،، حاولي ما تفكرين وايد دايما قولي حق نفسج انا ليش حارة واحاتي اللي ربج كاتبه بيصير سواء قعدت بمكاني او نقزت فوق تحت اما المثالية فطبعا كلنا نبي المثالية حق نفسنا وحق عيالنا وهذا شي طبيعي بس انتي دعواتج ان ربج يسهل عليج ،، وخلي الامور على الله سواء حملتي اللحين والا بعدين خليها على ربج وارتاحي والله يهدي لج عيالج ويرزقج برهم ان شاء الله ويجعلهم من الذرية الصالحة |
أجمعين انشالله
اما سالفه الحراره والقلق اتمنى اني اتعدل واصير طبيعيه شوي
الله يشافيج يااارب
وسهالاات الامور ترررى انا طلعت من الاربعين بولدى وسيدة حملت بالثانى |
الله يسهل عليج ويقومج بالسلامه انشالله
انا اقول توكلي على عشان ماتندمين تالي خوفج يرد الجيس وربج كرييييييييييييييم وتعب وااااحد احسن ماتريحين وتبدين من يديد
|
خوش كلام
توكلي على الله والله يكتب لج الي فيه الخير يارب والعافيه
وييبيلج خدامه سنعه ولا سستر اذا عندج مقدره بالشهر 80 على ما اعتقد او 100 وهي تباريهم واذا كبروو عاد تربيتهم سهالات على ايدج ويكونون يفهمون
مشكورين وايد على التفاعل والله يوفق الجميع