يا بنات ولدي فيه سهال و صارله اسبوعين مو راضي يوقف عنه بلييييييييييييز شنو اعطيه عشان يوقف عنه السهال؟
صباح الخير يا حبيبتي نورامينا حرام عليش اسبوعين ما وديته للمستشفى وجم عمره وأطمنج عليه هل تعطينه محلول أو اعطيه سفن أب بعد أن ترجينه حتى لا يصيبه الجفاف لا سمح الله وأهم حاجة أن تذهبي للمستشفى سلامته ما يشوف الشر
حبيبتي وديه الطبيب لا تخلينه و إنشاء الله ماعليه إلا العافيه
طمنينا عليه بليز
مشكورين حبايبي عالرد , وديته الطبيب تخيلو انا يامريكا و علاجمهم زفت ما يسوون شي سلام الله عالكويت و الله مختارة فيه ما ادري شسوي كاسر خاطري و هو صار فيه جفاف اصلا و حطولة دريب بعد جهد جهيد قلت خل اسألكم يمكن في اعشاب ممكن اعطيه او شي انا اليوم بعد ما يأست عطيت حبة حلوة مغلية بالماي مع شوية شكر بس جنه خبري هذي تمشي البطن ما ادري و الله
وي حبيبتي الله يعينج ..
مادري جنه خبري الموز زين ؟؟
عسى الله يشافيه إن شاء الله …
فيه بالصيدليه تركيبه خاصه للإسهال ممتازة أنا جربتها لعيالي بس أعتقد لازم وصفه من الدكتور … على العموم عطيه موز وروب وسفن أب وكثريله من السوائل عشان يعوض جسمه …
اختي تلاقين بالوول مارت او ولقرين مشروب يوقف الاسهال سالي الصيدلي
أختي ما رديتي علي جم عمره
حبيبتي اغليله شوي كمون وشربيه راح يوقف الاسهال على طول
وفي بالجمعيه حليب نوفولاك خاص لحالات الاسهال بس ان شاء الله مع الكمون راح يكون اوكي انا استعمله حق بناتي
الكمون للاسهال
واليانسون للغازات
وفي عندج بعد اعشاب خاصه للاطفال عند العطار ومو اي عطار روحي حق العطارين اللي بسوق الديره
عاشقة السراب اسفة ما رديت عليج و لدي بعد كم اسبوع بيصير عمره سنة
عليج بالموز والروب
بشري عن ولدج …ان شاء الله احسن ؟؟
عموما انا دايم احط قفشة نشا صغيرة مع الحليب بالرضاعه وان شاء الله يتحسن
عطييييه ماي العيش
الجوافه
البطاط المهروووس
والعيش الملبووج
الجلي
اخر شي اشتري من الصيدليه نفس الماي مادري شسمه بس فيه املاح وفيتامينات عشان ولدج لايصير فيه جفاف
وربي يطمنج علييييييييه
أختي نورامينا طمنينا عليه ما شاء الله البنات قالوا كل شيء ما خلوا لي حاجة اذكرها الشيء الذي حابة اقوله لا تهملي مسألة الأملاح حتى لا يصاب بالجفاف وكما قلتلج سفن أب فيه أملاح والأطفال يستصيغوا طعمه ولكن خضيه حتى تروح الغازات وأن شرب الأملاح التي تجدينها عند الصيدليات فهذا شيء طيب وأنا يوم سألتش عن العمر حتى لا يكون عرضة للتجارب لأن بعض الأشياء لا تصلح لأي عمر والله يشفيه من كل مكروه
حبيبتى اغلى العيش مع ماى وايد بس مو تحطين اي شيء ثانى لا ملح و لا غيره بس ماي و عيش لين يصير لون الماي خابط قريب الابيض عقبها شخليه و لسويتى مميه بس سويها من هذا الماي و لا تزيدينه ماي ثانى و قللى كمية الحليب للنص لا تخافين الماي راح يغذيه كفايه كلها رضعتين و لا ثلاث و بطنه يتسنع و عقب ما يتسنع داومى على هذا الماي ليوم عقب ما يطيب بعدين وقفيه عادى بس عاد اختى لازم تغلينه و تحطينه بمطاره و تتسوى 3 مرات باليوم يعنى مو تخلين الماي بالمطاره طول اليوم لا سويله مطاره الصبح و ثانية قريب العصر و الثالثه بالليل حتى لو ما خلصتيها مو مشكله المهم ما يطول الماي معاج
و اذا يرضى ياكل جربي تغمسيله خبز بجاي اسود يكون شوي ثقيل يعنى الجاي مغلى مو فاتح بس لا تكثرين الشكر حطى شويه بس هذا بسرعه يوقف الاسهال و هم تقدرين توكلينه عيش ابيض مطبوخ بماى و ملح بس و لنضى حطيله بصحن و حطى عليه روب قلبيه و وكليه ترى طعمه ماشي حاله مو شيء شين و هذا هم يمسك البطن و عندج بعد الموز و هم عندج البطاط المفيوح و المشوي هم يمسكون البطن
و عسى ربي يشافيه لج