سؤال هل الحب بين الطرفين ضروري لنجاح الزواج واستمراره؟؟؟

يا بنات في سؤال محيرني

هل الحب بين الطرفين ظروري لنجاح الزواج ؟؟؟؟ انا ما اتكلم عن الحب قبل الزواج انا اتحجى عن الحب عموما سواء قبل الزواج والا بعد الزواج

يعني اذا الريل زييين وطيب وقايم بواجباته بس ماكو حب بقلوووبهم , فهل الحب بيكون ضروري ؟؟ لنجاج الزواج واستمراره ولضمان سعادتهم ؟؟؟؟؟؟؟؟؟؟؟؟

ناطره ارائكم واذا في تجارب بعد

والله هذي مشكله عويصه
اذا الزوج مو مقصر باي شي…. بس انتي مو حابته ولا متاقلمه عليه ولا بالعته
مصيبه….والله يعين اللي تحس بهالشعور…لان الزواج كله يقوم عالحب
حب الزوج والراحه النفسيه معاه والراحه الجنسيه…شي كبير باليوم العادي
عيل شلون اذا مرت عليج سنين وانتي بس تجاملينه بالكلام وبالضحك وبالفراش
بهالحاله مالج الا تتاقلمين على وضعج وتحاولين انج تشوفين شنو محاسنه وتحبينها…ولازم تحبينه
عشان المركب يسير…وادعي دايم ان الله يدخل حبه بقلبج

انا برايي الحب هو اساس الحياة الزوجيه….لو في حبي حتا لاصرت مشكله راح تنحل لانهم يحبون بعض
بس اذا مافي حب وصارت مشكله محد راح يحن لثاني لانه بلاساس مافي مشاعر حب بينهم
فا انا اقول الحب ثم الحب ثم الحب

الحب يخليج توثقين بوايد اشياء يحققلج الراحه والسعاده ووايد اشياء !! ضروري والا ماراح يستمر الزواج

الحب بين الزوجين أهـــم شـــــــــــي
إذا ماكو حب تصير الحياة مالها طعم
بدون الحب مافي تضيحيات
بدون الحب مافي تنازل
بدون الحب مافي غفران
بدون الحب مافي شوق ولهفه
بدون الحب مافي اهتمام
إذا انفقدت هذي الأشياء بين الزوجين بتصير حياتهم ماصخه مالها أي طعم

طيب واذا كان الزوج من طرف واحد اللي اهوو الزوج بس؟

أكيـــــد ضـــروري //

الحب هو اساس كل شئ بمعنى انتي اذا حبيتي زوجج وكان الحب من الطرفين بتطوفون لبعض اغلب الزلات اما اذا العكس الله المستعان

الحب اساس كل شي فلازم يكون من الطرفين مومن طرف واااحد زيسسسسسسسسسسلمو

طيب سؤال ثاني

اني اعيش مع زووج فيه كل المواصفات الزينه بس ما احبه مو احسن ما نكون نحب بعض بس اهو خاين والا اناني والا باقي العيوب اللي الحريم يتشكون منها هني بالمنتدى؟؟

الحب اساسي بالحياه الزوجيه ودايما الحب الحقيقي ينزرع بقلوبهم مع العشره بعد الزواج ان كان انسان صالح ومومقصر في حق مرته وعياله
والله يحنن قلوب كل ازواج وزوجات المسلمين يآلف بين قلوبهم امين

ابب

بهالحاله تمشى الحياه بشكل طبيعى وفى ناس ترتاح وايد من هالحاله لان غالبا الحب الجنونى يسبب المشاكل
مثل الغيره وامور ثانيه
لكن الاكيد والى انا متأكده منه ان الحب لازم يكون موجود بسبب العشره الطيبه بين الزوجين
ومهما طال الوقت الزوج والزوج بيحبون بعض بشكل كبير مع مرور الوقت
وشكرا

اعتقد ان الحب اساس العلاقه الزوجيه …

لأن من وجهة نظري ان بدون حب ما تستمر العلاقه الزجيه ….