|
|
السلام عليكم
حبيباتي اول مره احط موضوع عن اهل ريلي بس محتاره بجم شغله
ابي هل ممكن ام تكره ولد ولدها ؟
تسئلوني ليش لاني انا حاسه جذي وبارب يكون غلط احساسي
اهل ريلي يهبلون عسل احبهم كلهم ولامره تضايقت منهم لاني بعيده بس ازورهم مره وخلاص
ماحب القيل والقال وهذي شسوت وهذي شحطت
وانا نوعي يمكن يزعلهم هالشي يحسون اني انا مومخليه ريلي يزورهم الا مره مع اني والله ماقوله لاتزور
اهوا خذا اطباعي وانا جم مره اقوله دق اسئل وهالحجي بس ماحن بس اذكره لاني بصراحه انا امي الللي اهيا امي
مووايد ازورها بس ادق ومتى ماقدرت ازور
عاد زارتني خالتي اليوم ولدي مووايد يقرب منها ويسلم ويروحلها اكثر شي يروح حق عمي ابو ريلي
وامي نفس الشي يحبها بس يروحلها يسلم يلمها بس اكثر شي يحب يقعد مع ابوي
مادري ليش احس اهيا تخرعه تسويله حركات بويهها اهوا صج يخاف يركض يلمني يبجي ولا تحره تروح اطق ابوه
على غشمره بس اهوا حتى لوانا تغشمرت جذي يطقني انه ليش اطقين ابوي بس اهوا ماقدر يكلمها اليوم فقعد يبجي
ثاني شي شسوت خلت ريلي يمها تلمه وتبوسه اهوا احتر بعد وقعد يبجي جان تصارخ تقوله كيفي ولدييييي
انا ماخذه السالفه ضحك والله موشايله عليها ولاشي بس اقول ياربي اذا اهوا مومتقبلج لازم تخلينه يحبج ويتقبلج وولدي مومثل عيال عيالها الثانيين متعودين عليها
ادري طولت بس تحملوني
مع الحجي والضحك جان اقولها عاد خالتي زوري لاتقاطعين البيت بيتج جان تقولي انا بصراحه زعلانه عشان جذي ماييج قلتلها ليش عسى ماسر انا زعلتج بشي
جان تقولي يوم كنتي مريضه وزرتج وامي كانت موجوده ولدي سلم على الكل بس ماسلم عليها وانا مالاحظت مي لاحظت
قالتله ماما عيب روح سلم على ماما كبيره اهوا راح جان يلف ويهه ويقول اففففففف ريحه موحلوه وانا وامي ضحكنا
تقول مازعلت زعلت ليش ضحكتو وانا موذاكره السالفه بس تاسفت قلتها موقصدنا نضحك عليج لا والله بس ولدي صج يضحك ويهه لمن يشم ريحه ماتعجبه خشمه يفرش ويصير ويهه يضحك وضحكنا عليه
وهذي سالفه ثانيه ولدي موبس معاها مع الكل اهو عمره سنتين بس في طبع يشميشم الناس حتى الاكل والله اذا موحلوه ريحته ماياكل حتى ابوه ايي من الدوام معرق يبي يبوسه يقول افففف بابا روح سبه يعني روح تسبح وحاولت انه ولدي من زمان فيه هالطبع
ياريت فهمتني اني ماقصت عنها بس ضحكت عليه يجوز انه كرهته من هالسالفه او كرهتني مادري
شورو علييي
ولكن طريقة تعاملها مع حفيدها
غريبة علي الحفيد نفسه وتثير غيرته
بدون قصد
وانتي باين عليج طيبه
ويكفي انصاتج لها وهي تشتكي وتتكلم
وانتي اعتذرتي بطريقة لبقه اقنعتني وبالتأكيد اقنعتها
فوفو
السافه اللي قالتها لي قديمه وايد يعني صارلها تقريبا سنه وشايله علي وحاطه بقلبها
الحين قمت اتذكر تصرفاتها مع ولدي بكل زياره قمت اقول يمكن ماتحبه
واخر شي ولدي لمن يبي يروح الحمام عنده يوقف الصغيرون هههه فيمسكه وادري ماسكها او يمكن مستغرب
جان تقولييي اي ونسيت اقولج بنت حماتي عن بنتها تلعب تحت في مالها سوري من شافت ولدي استغربت وسكت مادري شقولها
سئلت خدامتي يوم طلعو جان تقولي باعصااااااااب لا والله ( خدامتي عصبت اكثر مني) لووول
انا شوف هيا يسوي من زمان جذي مومن حسوني
وقامت تتحلطم تقولي مايبون حسوني يروح خلاص مايروح انا قلت يمكن فيها حساسيه من حفاضه او شي
امبيه مادري والله
بس واضح خالتج تبي اهتمام حيل منكم وتبي تدخل بحياتج
امممم
رأيي انج تخلين ولدج يزورها مع ابوه بدونج منها يتعود عليها ومنها تحس انج مو مانعتهم منها
بسانتي اسلوبج حلو لان احس لو عطيتي مجال بتدخل بخصوصيات مالها داعي
يعني خلي مره ولدج وزوجك ومره انتي معاهم وشوفي شنو يناسبج وحاولي تقربين ولدج منها وتهيأينه قبل يروح لهم ولا رحتي خلي سوالفج مع ولدج ان جدتك تحبك واحنا كلنا نحبها سمعيها عشان تستانس لان بهالعمر احس يبون اهتمام زايد
والله لايحرمنا منهم
عاااااااااااااااااااااااااادي شنسوي طوفي واذا عالزعل ياكثر ما يزعلون . طاااااااااااااااااااااااااااااااااااااف
الله يوفقكم
بس والله الكل يدري اطلع من دوامي الساعه اربع يادوب اروح الصالون او شي حق نفسي
فاابي ارتاح بالبيت بس بحاول ازور اكثر بعد شسوي
بس ولدي والله مشكله بعد
يعني تخيلو الاكل اكل يشمه قبل لاياكله وعمي اليوم اهوا دافع عني انا ماتكلمت قال اهوا الولد جذي من زمان
لانه وايد مع عمي فيعرفه لانه عمي اي وقت يزورني في البيت ويقعد مع ولدي وايد فرد اهو عليها انه اهو هذا طبعه
والله ماقدر اغير هالطبع فيه
|
المشاركة الأصلية كتبت بواسطة فرفورهـ
 موكارهته بس يمكن متحسسه منه لانه مايحبهم وهي تعتقد انج انتي الي معودته على جذي…
|
لا والله ولدي يحبهم لمن اقوله بنروح يذكرلي اسامي عيال حماتي انه بيلعب معاهم
بس مع خالتي مووايد اهوا
اهوا مايحب الصرااااخ لانه بيتنا هادددددددي يعني اذا صارخت انا يبجي لدرجه انه يرجع فخذيت طريقه ثانيه
معاه قمت اسحب العابه اللي يحبهم لمن يعتذر اردهم لمن يلمني يبوسني اكلمه اقوله غلط اللي سويته وجذي ماعندي الا هالطريقه
بس هناك اهيا تصارخ وايد فيروح بعييييييييييييييييييييد يلعب معاهم او يبي يروح الحوش يلعب معاهم لوماطلعو معاه عادي بروحه برا
غريب ولدي
اني ماطقيته او زفيته وقتها
قلتلها انا ماطق ولدي يمكن انتي انحرجتي بس هذول اهمه اليهال جان تقاطعني
تقولي عن بنتها ومره ولدها انه اهمه يدممون عيالهم اذا غلطو عليها وهذا الصح عشان يتعلمون
قلتلها بس انا مونفسهم انا ماطق انا اذا صارخت اعاني منه يرجع وبلاوي هالدور اطقه جان تقولي لالا موقصدي اطقينه تعلمينه
سكت مارديت بس مافهمت شنو تقصد