سؤال عن وزارة المالية

السلام عليكم

انا من خلال بحثي بالمنتدى

وجدت انه افضل واسهل وزارة هي المالية

واقصد انه اسهل يعني عادي اسوي ربط عليها بديوان الخدمه ويرشحوني هذا المقصد, لانه قريت بالمنتدى اكثر من وحدة ترشحت بدون واسطة

لانه تعرفون باجي الاماكن مستحيل ترشيح الا بكتاب ترشيح واحتياج

فبعرف الحين لو اسوي ربط عليها وانا شهادتي حقوق , اذا رشحوني بأي ادارة يحطوني القانونية؟ وجم الراتب؟

وصج في مقابله ويمكن ما انقبل؟ ولا هالمقابله حق التخصصات المالية الثانية؟ لانه اعتقد حقوق ما يحتاج مقابلة واصلا اهما عارفين انه مجرد ادارة قانونية وقعده يعني مو شي اساسي

وشكرا

صح كلامج اختي الماليه مافيها واسطات او سوالف كتاب ترشيح
اتوقع يحطونج بالادارة القانونيه وعلا حسب علمي معاشج نفس المحاسبين يعني 920
واذا سويتي ربط لازم تنطرين مالايقل عن سنه واكثر على ما يطلع قبولج

انا محاسبه واعرف ناس مسوين ربط من سنتين وتوة طلع قبولهم

متاكده اختي من الراتب؟

شلون يقولون وزارة الماليه اكثر ب 100 دينار عن باجي الوزارات؟

لانه حقوق بوزارة العدل تقريبا الف دينار !

وبالنسبه للربط والدور اختي انا حاليا بديوان الخدمه اسمي امسجل من سنه ونص ورقمي تقريبا 7 واللي جدامي في 2 رابطين بوزارة المالية

تهقين لو اربط ما اطول؟

والله مادري اختي خبري بهالمعاش من جم سنه واكيد يتهم زياده فتوقعي اكثر من هالملبغ
اما الربط والله مادري اختي انتي ربطي وانشالله ما تتاخرين لانه رقمج قريب واذا حابه تتاكدين جم راح يصير ترتيبج في حال ربطتي روحي الديوان وساليهم يقولون لج جم وحده قبلج مسوين ربط

مشكوره اختي ماقصرتي

معاشج ما اعتقد يصك الالف او فوق الالف مثل ما قالتلج 900 او شوي بعدين منو قال ماكو واسطات ؟؟ انا بالوزاراه واعرف نظامهم يعني عادي الحين هالي جدامج هذيل دورهم يكون واصل من زمان بس قاعدين يزرقون قبلهم غير ان كل الوزارات والاماكن تقدرين تسوين عليها ربط مو شرط بس المالية وانتي شهادتج اعتقد بس بتكون بالقانونيه

اختي مملوحة الوصايف

اقصد انه اعرف كذا وحده دشت عن طريق الربط بدون كتاب ترشيح

زين انا الحين طالعلي ترشيح وزارة العدل تنصحيني فيها؟

تعرفين شنو احسن ادارات فيها؟

وانا مو مشكله احاول

ومشكورين للكل

والله مادري عن العدل بس الي بمجمع الوزارات اسمحيلي ومع احترامي للي يشتغلون هناك تعيييييييييييييييسه المكان والمكاتب والحاله حاله ما انصج اذا باماكن ثانيه تبع العدل ما ادري

صح كلامج

انا اليوم راجعت مجمع الوزارات قسم التعيينات هناك

وسالتهم اذا قبلت الترشيح وين اتوظف وجم الراتب, قالولي اهني بمجمع الوزارات والراتب 950

حيل المكان أأررف وبعيد عن بيتنا ومصافط مادري شلون صايره

وسألته عن ضباط الدعاوي وباجر الادارات قالي ماكو احتياج

بس هذي ادري انه لازم واسطة من البداية

مادري احس راح ارفض العدل واسوي ربط عالمالية

اختي قبل لا ترفضين العدل
روحي حق كل ادارات العدل وسالي الموظفات نفسهم
شلون مكانهم شلون مديرتهم او مديرهم لي متى دوامهم جم الاعمال الممتازه او البونص
واذا في اداره بوزارة العدل تبينها مو شرط يكون عندج واسطه روحي انتي بنفسج للمدير وكلميه عادي المدير اهو يطلبج قسمه
وزارة العدل تضم اقسام ووظايف وايد عندهم في مجمع الوزارات وفي بقصر العدل وفي بمحكمة الرقعي وفي بمحكمة حولي

وروحي بعد وزارة الماليه الشئون القانونيه وساليهم عن مكانهم وشوفي اذا ارتحتي سوي ربط يمكن بسرعه تنحطين يمكن لا

نصيحه اختي مو بس المهم بالوظيفه راتبها بس شوفي لي الساعه جم يداومون شلون المديره تقدر الشغل ولا لا والاعمال الممتازه
سالي الي يشتغلون نفسهم هناك ولا تسالين غيرهم اهم الي اخبر بمكانهم

والله يوفقج ان شالله

عدل كلام السمبتيك شوفي عدل قبل لا ترفضين شوفي الاماكن التابعه للوزاره بس مو بالمجمع اذا برا ممكن ليش لا او دوامهم اقصر من الماليه دوامهم جنه لي 1ونص مادري 2 الا ربع والماليه لي 2.15 والماليه مالها مكان ثاني بالمجمع وبالديره اذا نفس المعاش كلهم 900 او شوي واستخييييييييري وسالي وايد قبل لا ترفضين او توافقين