|
|
صحيح الشفاط ينشف الصدر من الحليب .gif "Eh S(2)")
لاني ناويه اشتري شفاط الحليب الكبير من ميديلا
بس اخاف ينشف حليبي وانا ابيه يزيد عشان ارضع ولدي طبيعي.. وانا راح استخدمه بس تقريبا اسبوع او اسبوعين بس ليما يزيد حليبي ان شاءالله … لاني اعطيه صناعي وارضعه من صدري ومو عارفه اشتريه ولا لاء …. لان خاطري يزيد الحليب بصدر … الحليب قليل لان ولدي ماياخذ كل الرضاعه من صدري
من لما ارضعه من صدري لازم اكمله صناعي … انا جربت هذا الشفاط من لما كنت بالمستشفى لان ولدي كمل بالحظانه تقريبا شهرين وكنت اشفط واعطيه وكان حليبي ماشاءلله يكفيه … بس من لما طلعت البيت قم يقل ودخلت له صناعي
هذا الشفاط يطلع الحليب من الصدر اكثر من الشفاط الصغير العادي من ميديلا
وراح اخذه من امازون لانه يكون نص السعر عندنا … غالي .gif "Eh S(6)")
بس مو خسارة اذا راح يزيد حليبي
عطوني رايكم ؟
ومن الشغلات اللي تخلي الحليب يدر وايد طبعا تشربين حليب و البقل بعد وااايد زين
بس خليه عند الضروره
يعني إذا كنتي بتطلعين مشوار
بس الأحسن أن كل ماطلب البيبي حليب تحطينه على صدرج وتخلينه ليما يشبع
علشان أفيدج أكثر في موضوع حاطته العضوه مراسي الحب عن الرضاعه الطبيعية وطرق الرضاعه وكل شي عنه راح يفيدج وايد
إسمه الرضاعه جد وإجتهاد
بس ياريت وحده تقولنا إذا عندها فكرة صج ينشف والا لأ؟
أنا بصراحه لاحظت بولادتي على بنتي الله يحفظها طبعا كانت عنيده ومارضت ترضع مني يوعتها 3 أيام مسكينة وماكانت تنام ليل ولا نهار علشان أرضعها مني مارضت 
بعدين استسلمت وقمت أشفطلها ولاحظت إن بعد فترة بسيطه حليبي نشف
فمادري هل من الشفاط أوعشان بنتي مارضعت مني ؟؟؟
انا دقيت على اخصائية الرضاعه قالت لي ماينشف الصدر في حال انج انتظمتي بالشفط والرضاعه يعني رضعي وبعدين شفطي لمده عشر دقايق من كل صدر … ينششف في حال انج ماترضعين البيبي من صدرج .. وينشف اذا خليتي بين الشفطه والثانيه وقت طويل … قالت لي شفطي كل 3 ساعا ت مع رضاعة البيبي … وقالت لي الصدر لما يمتلى حليب خلاص يرسل اشارات للمخ انه فيه حليب مافيه داعي انك تنتج حليب فيه كفايه .. وكل ماطول البيبي مارضع وماشفطي ماينتج الصدر حليب .. يعني لازم يكون فيه طلب عشان يكون فيه عرض
يعني الشفاط ماينشف الحليب … يبت لكم الخبر اليقين … راح اتوكل على الله واشتريه
اختي سوبر بينك عندنا سعر الشفاط غالي واااايد سعره خيالي بس برا ماراح يكلفني مثل هنيه يعني نص السعر برا
مرت اخوي سافرت 3 ايام العمره كانت تشفط حق بنتها ردت الكويت البنت ماتبي صدر امها وغير جذي نشف الخليب
فقالتلي انه ينشف
الظاهر علشان جذي الحليب نشف من صدري بسرعه لأني ماكنت أرضع بس أشفط
شسوي فيها هالعنيدة الصغيرونة ماكانت ترضى ترضع
والله اني مجبوره اعطيه الصناعي ولا انا والله مابي ادري فيه مامنه فايده غير نفخت البطن …
الله يعافيج اختي ريحانه
انا ناويه اخذ الشفاط بس عشان اشفط فيه عشان يزيد عندي الحليب وانا ارضعه بعد من صدري …انا اذكر لما كان ولدي بالحظانه اشفط كل ثلاث ساعات حتى بالليل والفجر اشفط له حليب وكان الحليب اوكي عندي يعني لازم الانتظام بالشفط مثل الرضاعه لما البيبي ديمن يرضع يكون فيه ادرار حليب جيد
مشكورة وردة النرجس حطت الموضوع … جيكو عليه … واتشوفون الرد