سؤااال صبغ الاظافر

السلام عليكم

بنات انا اختي اليوم خلصت من الدوره وتطهرت وكل شي..ولما خلصت ولا حاطه صبغ اظافر
انا قاعده اقولها عيدي السبوح يعني تسبحي من يديد وتطهري..اهي اتقول لا بس امسح الصبغ واتوضى
الحين شنو الصح
انها تمسح الصبغ وتتطهر من يديد
ولا تمسحه وتتوضى وتصلي

تمسح الصبغ وبس ولا تسبح

اشلووون موراضيه ادش مخي !!
اهي لما تطهرت وكان الصبغ باظافرها ما نقض الوضوء والطهور!

الصبغ يعزل الماء ان يوصل للمنطقه سالي فيها انتي بعد انا قبل سالت فيها للحج اني اعيد الاغتسال لكن في حالات اذا ماكانت تدري ممكن يسقط عنها

مره كنت حاطه صبغ شفاف ونسيت امسحه ماتذكرت اللا بداخل الحمام وسبحت لما طلعت وابي امسحه اختي قالت لي عيدي السباحه وعدتها (نفس حالة اختج وبنفس الظرف )

صارت معاي بس انا مسحته وتوضيت بس

والله مادري
اسئلي شييخ وتاكدي

حواتي الله يهديكم شنو تمسحين الصبغ وبس تتوضين
اصل غسل الجنابه او الحائض له اسس مو سبوح عادي وكلنا دارسين بالمدرسه

لازم تعيد السبوح
وللي ما يعرف

اول شي تقولين الشهاده قبل لا تدشين الحمام(اشهد ان لا اله الا الله وان محمد رسول الله)
واذا حبيتي تزيدين( اللهم اجعلني من المتطهرين واجعلني من التوابين)

ثاني شي تغسل مكان العوره عدل بالماء
ثاثلت شي تتوضى
رابع شي تغسل الشعر لو بس بالماي ما يضر عادي
اخيرا توقف تحت الدش وتخلي الماي ينزل على جنبها الايمن وبعدين الايسر

وتستخدم الصابون والشامبو عادي

اي وحده تخلص من الدوره او تخلص من الجماع لازم تشيل صبغ الاظافر واي شي يمنع الوضوع وتغتسل
في فرق بين الاغتسال وبين السبوح العادي

جزاكم الله خير
وانا امي تقول شيلي الصبغ بعدين سبوح الطهاره
ما يصير

امي علمتني جذي
والله اعلم

خل تعييده السبووح احسن

صح كلام أختي بسبوسة لازم تغتسل تمسح الصبغ وترد تسبح من يديد

لازم تعيد الغسل لان صبغ الاظافر يمنع وصول الماء
موفقه

حبيبتي اظن تعيد السبوح

آنا تخيلي مره صارت فيني طهرت الفجر وسبحت وصليت وراحت دوامي ولا استوعب بالمدرسه اني ما شلت الصبغ

اضظريت اسبح لمن لاديت وعدت الصلاة

جزاج الله خير اختي بسبوسة عالمعلومة

و يسلمووووو ~