|
|
السلام عليكم
تهاوشت مع زوجي امس على مشكله سخيفه ومادري منو الغلطان بس حتى هو غلط لما خذاني بيت اهلي واخذ مني مفتاح بيتي ليش ما ادري
امس انا وزوجي شحلونا نتابع تلفزيون ونضحك وجنه البخت بعد السحور رحت اكل حبوب الفحم مالات الغازات لاني بطني يطلع صوت شوي المهم قالي شنو هالحبوب قلت له مادري قالي شنو؟ قلت له حبوب عاديه ومادري شنو قالي قولي ولاتطولين السالفه انحرج اقوله حبوب عشان فيني غازات قلت له خلاص ماكو شي حبوب عاديه ويلا نام عشان دوام وسكرت الباب وطلعت وصرخ ناداني تعالي انا اكلمج لاتروحين وتخليني فاهمه والا لا ؟ قلت له مارحت بس انت ليش معصب؟ ولاتعلي صوتك عشان لا اعلي صوتي قالي ماعليته يلا جاوبي قلت مابي اقول المهم سوا لي حركه بايده روحي روحي وقالي يلا روحي روحي قلت له انا ماشتغل عندك روحي روحي انت روح روح وسويت له نفس الحركه قالي صج ياهل انقلعي برا ويعه سكرت الباب وسكت وانا حيل معصبه ومتضايقه على كلمه انقلعي رحت حطيت راسي ونمت ولما قعدت اليوم قالي لبسي هدومج قلت ليش؟ قال يلا روحي لبسي هدومج قلت بروح بيت اهلي؟قال اي لبست وقالي عطيني مفتاح البيت عطيته وركبنا السياره قلت له متى تيي تاخذني وقالي اذا صرتي مره ماترادد وتعرف تحترم زوجها يصير خير قلتله انا احترمتك بس تعصب بدون سبب وانا مو قطعه اثاث تقطني وين ماتبيني وتاخذني متى ماتبي قالي اي اثاث قلت له احترم نفسك اذا انا اثاث انت شنو؟ لاتخليني اقول انت شنو؟؟ قال شفتي شلون ملسونه وماتحترميني احس انج واحد من ربع ماجنج مره تراددين المهم قلت له عطني مفتاح البيت عشان صج اروح بيت اهلي قالي شلون تروحين بيت اهلج صج؟ قلت له عطني المفتاح واعلمك شلون اقعد ابيت اهلي قالي ماكو مفتاح نزلت بيت اهلي وقلت له اذلف زين ونزلت
انا وايد احبه بس صاير عصبي ولساني طويل بس ماحب اصير جاريه عنده يقط علي حجي واسكت الحين شسوي اخاف اطول قعدتي واخاف ادق او اسوي شي ويتعود يغلط علي وارد له بنات قولولي منو غلطان شسوي؟؟
الريال يكره المرا اللي تجذب يتنرفزون ويطفرون
بس اسمحيلي انتي غلطتي لما رديتي عليه وقلتيله انت روح روح
جان سكتي عنه وطلعتي من الغرفه
الله يهديكم لبعض امين
عشان ما تتلاسنون مع بعض وكل واحد يقط كلام جارح على الثاني
خذيها قاعده اذا قام يصارخ سكتي خليه يصاارخ بروحه لين يشبع .. وانتي لا تستفزينه
والواضح انه اثنينكم عصبيين لازم تتفاهمون مع بعض بخصوص هالشي مايصير انتي واهو عصبيين
انتي من اول جان قلتيله شنو هلحبوب مافيها شي بعد زوجج ابتستحين منه
قوليله احبوب حق البطن
اهو حسباله احبوب منع الحمل يمكن
انا احس انج وايد طولتيها معاه
من جذي عصب
وعموما رياييلنا مادري اشفيهم صايرين جباريت اللهم ياكافي ما يتفاهمون
الله يهديكم ويسخركم حق بعض
تبين الصج انتى غلطانه باالاساس ونرفزتيه
سالج ومارديتي ! مشيتى وحقرتيه وهو قاعد يكلمج ! يقط حجي وتردين عليه بنفس الاسلوب مايصير ياماما مهما صار انتى جدامه مره يعنى لو تمثلين جدامه انج تضايقتى وانج انصدمتى من اسلوبه او عصبيته ترا مو شجاعه اذا صرخت بصرخ ؟؟ ترا مايمشون بالتهديد كلش بالعكس تعاندين يعاند واسلوبج شوى مو حلو وياه
ترا احنا الحريم من الله فينا عاطفه وحنان حتى اللى يغلط علينا نحتويه ونحرجة – اهوا قالج بنفسه جنج واحد من الربع قط كلمه قطيتي نفس الكلمه الله يهديج بس
الحين راددتى وقطيتي كلام ويوم وداج رحتى تدقين وتعتذرين – اعزميه على الفطور عند اهلج او خلى احد من اهلك يعزمه عشان يجيكم واهتمى فيه اذا جا يتفطر عندكم وتاسفي ولاعاد ترسلين دام مايرد عليج
شفيها يعني
خير وش فيها!!
سلامات تسوين مشكله عشان ماتبي تقولي حبوب شنو
اكيد بيقول هالحبووب ليش وبيستغرب رفضج تقولين حق شنوو
الله يهداااج
مايصير تراددينه حتا لو كان اهو غلطان
جان سكتي وعطيتيه نظره المعصبه ومشيتي عنه
وبعدها اهو بيندم انه كلمج بهالاسلوب وانتي تفاهمي معاه لما يكون هااادي
وتبينين له انج تضايقتي من اسلوبه وانج هالمره طوفتي
بس ماعليه صار اللي صار
انتي اللي عليج ما تدقين ولا تدزين مسجات وخلي ابوج ولا امج يدقون عليه
علبو يسلمون وبعدها خل يقوله عسا ماشر شصاير بينكم ويحاول يصلح الامور
وخل يبين ابوج ولا انج انج ماتكلمتي بالموضوع معاهم نهاااءي جنج ماتدرين انه داقين
.gif "Eh S(2)")
فعلا اسلوبج جنج واحد من ربعه هذا ريلج يا عمري فديتج انتي مفروض ماتراددينه بهالطريقه كلامج له غلط بغلط عموما انتي تبين الحل صح؟؟
الحل انج تدقين عليه وتعتذريله وتفهمينه انها حبووووب للغاااازات من غير لف ودوران وجذب (معقوله الناس تجذب على ابسط الامور)وقوليله حبيبي انا كنت منحرجه منك وانت اصريت انك تعرف وخذيتني بالصراخ ولازم تقوليله انا مادري شفيني هالايام عصبيه ادري اني غلطانه وعد مني بحاااول اني ما اطول حسي انت تاج راسي ومن هالحجي الحلو وانشالله يرضى عليج بس جد انا زوجي ساعات اتنرفز وردود افعالي تكون بسيطه وعنده اني قليلة ادب وارادد .gif "Eh S(4)")
السكااااااااات ولاتدقين عليه وخلاص اخذتي حقج بلسانج وقلتي كل شي بقلبج له ما يحتاج
وخليه يشبع ممن رايه
لحد ما هو يتصل عشان يجيج وياخذج