|
|
مساء الخير حبيباتي وأنا بكتب اهني من الهم اللي بقلبي قلت يمكن خواتي اهني يفيدوني بشي انشاء الله
أنا من تزوجت مشكلتي الاولى والأخيره المصروف زوجي حبوب وطيب وهم عليه اقساط وايد ومشاكل
اول سنه كنت اخذ المصروف من امي ويوم درى سوالي سالفه وفوق هذا سكت يعني والله مره قعدت سنه كامله من غير مصروف لو الدينار مع العلم اهو بالجيش ومعاشه فوق الألف كبرت المشكله مع الايام عندي ولدين وحامل ولدي الكبير لما يشوف شي ولا لعبه يطلبه اروح ادبر مني ومني واشتريله والله لو مية فلس حق العصير مايعطيهم والعذر الديون و الخدامه اهلي جابوها لي لاني بالجامعه ما يعطيها المعاش كل سبع وثمان شهور الحين شسوي طبعا الماجله امه اتجيبها والتموين بعد ابي مصروف مثل الحريم مو لي لعيالي بس على ما اتوظف كلمته امه و اهله لما صارت بينا مشكله اهله طلعوني انا الغلطانه والعوبه اللي ما تتحمل ضروف زوجها
ابوي قالي انا اصرف عليج انتي بس عيالج على ابوهم ابوي ما ناقصه الحمد الله نعمه بس يقول ابي مصلحتج ما ابيه يتعود ان في احد يصرف على عياله
ِ
والله قبل لا اتزوج البس احسن لبس واصرف على كيفي والحين كل اللي طالبته شي بسيط يكفي عيالي لو حق بدلات البيت مانبي ملابس طلعه والتبانات وحق حلوياتهم
انا مابي فلوس اروح اشتري كريم ولابدله جديده ومابي اهله يدخلون بكل شي لاني زهقت حياتي
انصحوني خواتي جزاكم الله خير
تحياتي لكم
كلام ابوج صح لازم ما يتعود الناس تصرف على بيته….عشان جذي انا ما اايد المره تعتمد على ريلها اشتغلي و صرفي على روحج و عيالج عشان ما يشوفون غيرهم و يتحسرون …على الاقل ابديلج مشروع صغير مثلا بضاعه او اذا انتي شاطره بالاشغال اليدويه بس لا تقوليله شكثر قاعده تحصلين عشان ما يعتمد عليج 100%
.gif "Eh S(14)")
ما اصدق صراحة انتي مالج شغل من واجبه يصرف عليج وعلى عيالج لا تعطينه مجال ويمصخها اكثر بعدين تخيلو اليوم بنت اخوه تبجي تبي البقاله قال لخدامتي شوفي ماما اذا عندها خرده خل تعطيها
بالله انا اخذ من ابوي عشانه اهو واخوانه
اللي ما يستحي منج و لام أهلج و أهله (اسمحيلي ) ما يستاهل الحشيمة
ترا انا اعاني من هالمشكلة عشان جذي تشوفيني مترفزه … سوري
شدي حيلج بدراستج و توظفي ما يعين غير الشهادة و المعاش و لا الرياجيل صاروا بيبون اللي يصرف عليهم
|
المشاركة الأصلية كتبت بواسطة مسك أبيض
 حبيبتي في مثل يقول لك ابنك على ماتربيه وزوجك على ماتعوديه ، اطلبي منه مصروف لك ولعيالك هذا واجبه وابوك عنده حق مو لازم يتعود ان اهلك يصرفون عليك وحتى لو عنده ديون ومصاريف معقوله مايقدر يعطيك مبلغ حتى لو قليل لك ولعيالك حتى لو 100 دينار او اقل صراحه مااعرف زين للدينار الكويتي بس اعتقد 100 دينار = 1000 ريال ، اختاري وقت يكون رايق وهادئ و قولي له انا ابي مصروف لي ولعيالي كذا مايصير نشوف الشيء ومانقدر ناخذه ….
|
حبيبتي تكلمنها بهدوء بيني وبينه مافاد دخلت اهله وامه ما فاد اهلي هم ماكو فايده تخانقنا وهم عمج اصمخ
مشكوره لردج
وليش سكتيله من اول شي
يعني انتي وعيالج شلون تعيشوووووون
واهو مايشتري حق نفسه؟؟
وليش وايد معتمد على اهله؟؟؟
ابوج موملزوم يصرف عليكم شنو الف دينار تروح بالديون
على الاقل خل يقط على كل واحد من عياله 70 الحكومه مو اكثر
كلميه في الموضوع بس اختاري الوقت المناسب واذا قال من وين بعطيج والا ماعندي لاتاخذين من ابوج ولا فلس خليه يحس بالوضع
خل يقولون له عياله بابا نبي لا توفرين لهم كل احتياجاتهم وامج خل تقطع عنكم الماجله شهر عشان يتحرك لان سكوتج يعني رضاج على
الوضع
فإذا كان الزوج ينفق على أولاده ما يحتاجون إليه من المأكل والملبس ولا يقتر عليهم في النفقة ففي هذه الحالة لا يجوز للزوجة أن تأخذ من ماله دون إذنه، أما إن كان الزوج بخيلا ويقتر على زوجه وأولاده فيجوز للزوجة أن تأخذ ما يكفيها وبنيها بالمعروف دون إسراف أو تبذير.
وإليك فتوى فضيلة الدكتور محمود عبد الله العكازي – أستاذ الفقه المقارن بجامعة الأزهر-:
إن من ألزم حقوق الزوجة والأولاد على الأب النفقة والكسوة والسكنى، قال تعالى: (أَسْكِنُوهُنَّ مِنْ حَيْثُ سَكَنتُم مِّن وُجْدِكُمْ وَلَا تُضَارُّوهُنَّ لِتُضَيِّقُوا عَلَيْهِنَّ..) الطلاق : 6. وفيما رواه البخاري حديث: "استوصوا بالنساء خيرًا.." ولا شك أنه في رحاب الأسرة الهادئة المتماسكة تنمو الخلال الطيبة، ويتكون الرجال الذين يؤتمنون على أعظم الأمانات، وتخطب النساء اللائي يقمن على أعرق البيوت .
وإذا كان الإسلام قد جعل للوالدين حقوقًا على أبنائهم، فإنه قد فرض على الوالدين حقوقًا واجبة الأداء لأبنائهم كذلك، منها أن يختار الأب لولده الأم الصالحة التي تنشئه النشأة الصالحة "تخيروا لنطفكم وأنكحوا الأكفاء" وأن يختار له الاسم الحسن؛ حتى لا يكون موضع السخرية بين أقرانه، وأن يؤدبه الأدب الحسن النافع، ويرعاه الرعاية الفاضلة، وأن يرفق به ويرحمه وينبسط معه، ويكون قدوة حسنة له، وأن يطعمه حلالاً، وأن لا يبخل عليه من غير إسراف مهلك أو تقتير مضيع (لِيُنفِقْ ذُو سَعَةٍ مِّن سَعَتِهِ وَمَن قُدِرَ عَلَيْهِ رِزْقُهُ فَلْيُنفِقْ مِمَّا آتَاهُ اللَّهُ لَا يُكَلِّفُ اللَّهُ نَفْسًا إِلَّا مَا آتَاهَا سَيَجْعَلُ اللَّهُ بَعْدَ عُسْرٍ يُسْرًا) الطلاق : 7 ولا يجعله يتطلع إلى ما في أيدي الناس بقدر استطاعته وفي حدود المعقول .
وإني أقول للأخت: إذا كان زوجك ينفق على أولاده في حدود المعقول دون إلحاق ضرر بهم، فقد فعل الواجب عليه شرعًا، ولا حق لكِ غير هذا بالنسبة لسؤالك؛ لأن كثرة النقود مع الأولاد قد تفسدهم أحيانًا، وتبعدهم عن الصواب. أما إن كان يقتر عليهم لدرجة الحرمان والمضايقة بدافع البخل، فلا مانع أن تأخذي من ماله بدون علمه بقدر ما يكفيكِ وأولادكِ بالمعروف من غير إسراف ولا تبذير .
والله أعلم
منقووول