زوجي بيجي من السفر قريب

مرحبا
بنات زوجي باقي له شهر ونص ويجي من امريكا
قولولي وش اسوي من حركات واستعدادات
شورو علي افكار جديده
بصراحه مو عارفه افكر

لانه زعلني يوم راح ومااخذني

up up up بعد زعلج وتبين تفاجئينه فاجئيه بطراق على ويهه الله يرده بالسلامه لج

اولا حبوبه انسى الزعل ولا تنكدى على نفسك
مومعقول يجى بعد غياب يلاقيك مبوزه وزعلانه ههههههه
ثانيا حاولى تغيرى من نفسك وتسوى نيولوك اصبغى شعرك
قصيه مثلا
حضرى الى حتلبسيه لما يجى بالسلامه وحضرى المكياج والبرفان
عشان تكونى جاهزه
بالنسبه للبيت ممكن نغيرى مكان الاثاث ليعطى شكل جديد
تضيفى لمسات بسيطه خداديات زينه بسيطه
اكتبيله كارت وحطيه على السرير وورد
وتكونى محضره صنف اكل بيحبه حسب غدا ولا عشا
وربنا يسعدك ويصلحلك الحال بينك وبين زوجك

سبحان الله نفس اللي صار فيني مع ريلي سافر وما وداني معاه وزعلني بس راضاني قبل لا يسافر كنت بحرمه من المفاجأه بس غيرت رايي وبسويله ليله رومانسيه يوم بيرد يعني بجهزله هديه وبحط شموع وحركات في شقتي وبنفرد معاه بروحي بتكون ليله حلوه انشالله
الله يوفقج انشالله

هههههههههههههههههههههههههههههههههههههههههه
ودي اسويها بس تهقين بعدها وش بيسير

اب اب اب
الله يرد لج بسلامة

الله يرده لج بالسلامه
غيري بتسريحه شعرج ولوونه
فاجئي بهديه وقميص نوم وعشا حلووو

الله يرده لكـ بالسلامة يارب وتقر عينكـ بشوفته
صيري وحده خباااال …. يعني أي شيء يقوله أضحكي …. وإذا قال شفيكـ ؟؟!!!!
قولي ما أدري من الوناسة بردتكـ أمشي وأضحكـ أحس الدنيا مو شايلتني من الفرح …
هع يعني سوي بهارات وخلطات لزوم الشغل والهبال ..

الله يرده لج بالسلامه يارب
إشتري كفر يديد وشراشف لغرفة النوم لون يكون حلو
وفوط جديده حطيهم بالحمام على البانيو وغرفتك النوم إذا مافيها قعده سويلك مكان للقعده إنتي وياه
وطاوله وصحن فواكه حلو ككاو وطبعا قميص يديد وشوفيلج قبل لا يرجع حنه مثل التاتو على الساق أو الزند أو الظهر حركات يعني فراشات قلوب ههههههههه
بعد شفكر فيه وعطر خفيف وبودرة جسم بودرة أوبيوم سان لوران للجسم وايد حلوه وريحتها بروحها مع كريم الجسم وايد مغري
الله يسعدكم ولما يرجع لا تفكرينه وتقولين زعلانه خليها حق بعدين خخخخخخخخخخ يوديج بدالها مكان ثاني شهر عسل يديد
وخليج كلج دلع وانوثه يعني سايحه ههههههههههه
وهاتيله هو بعد هديه يلبسها لج مثل روب حلو تحته بيجامه مثل شورت يعني علشان يحس إنك ولهانه عليه
وآسفه إذا طولت عليج

الله يرده لك بالسلامه ويسعدكم انسي الزعل وكفايا عذاب البعد

خخخخخخخخ لا لا اتسوينها فديتج اتغشمر معااج بس قهرني لانه زعلج وماوداج معاه بس تغلي عليه اشوي عشان مايرد يزعلج مره ثانيه الله يهنيكم حبيبتي

البنات ماقصروووو

سكر فتافيت كفت و وفت

حبيبتي اثقلي شوي مو تضحكين ومادري شنو لازم يحس باانه اخطا عسى ماشر شنو هالريال متزوج وللحين يسافر بروحه متى ماطقت براسه ترى ايام العزوبية ولت والسفرات والهياته ينساها اذا فكر يروح بروحه هذا اللي ضيع الرياييل المنزوجين يسافرون والزوجه تزعل ولما يرد يحصلها فاكه الكشرة مستانسه بردته لها الحمدلله والشكر وسالفة غير لون شعرج واللوك حبيبتي المفروض هالشي ينبع من داخلنا حنا يامعشر الاناث مب عشانه ولاعشان غيره لاان الريال من يشوف زوجته مهمتمة بعمرها وبكشختها وتجددها المستمر ماراح يستغني عنها في كل شي حتى في سفراته العمليه ..