زوجها يعشقها والسبب

ماجد: السلام عليكم
ريم:هلا وش فيك متاخر اليوم
ماجد:شويه شغل
ريم:شغل ايش
ماجد:تعبان بعدين احكي لك
ريم: ايوه السوالف برا وعندي مافيك حيل تتكلم
ماجد:اقول لك تعبان وجوعان حطي الغدا
ريم:ايوه هذا اللي همك
حطت الغدا وهي مبوزه واكلو وقعدو شوي قدام التلفزيون
ريم:ليش ساكت كلمني
ماجد:وش اقول انتي تكلمي
ريم:ماتشوفني طفشانه من الصبح قاعده لوحدي وانت ولا حاس فيني
ماجد: لاحول ولا قوه الا بالله
ريم في نفسها-الحين انا نظفت البيت وطبخت وتجهزت وتزينت ولا سمعت اي كلمه حلوه كله صمت ومجامله وهو يجي ياكل ويشوف التلفزيون ولا كأن في وحده جنبه اش المخلوق هذا ومتى بيحس فيني اني انثى ابي اسمع كلام حلو وابي اهتمام وغزل وحب.
ماجد-في نفسه الحين هذي وش تبي انا تعبان وهلكان ونعسان لا اشوف ابتسامه ولا موده ولا اهتمام بس تبي تطلعني غلطان ومقصر وظالم وهي ما تحس في وفي رغباتي. وبصوت مبحوح انا داخل انام
وفي نفسه -بروح انخمد واصحى اطلع للقهوه اعدل مزاجي اللي عكرته علينا هالنكديه اللي ما تخلص طلباتها
مشاري :السلام عليكم
ميساء:وعليكم السلام هلا حبيبي
مشاري:تعبان ياميساء وماني طايق نفسي من الحر
جهزت لك الحمام ياقلبي روح خذ لك دش بتبرد
دخل الصاله الا البراد والريحه الزينه وقال في نفسه الله يخليكي لي ياميساء
تركته ميساء وراحت حضرت الاكل ونادته
جا بعد ما اخذ دش واكلوا وراح جلس على الكنبه اللي بالصاله وفتح التلفزيون
جت ميساء حطت الشاي قدامه وهمست حبيبي شكلك تعبان الله يعطيك العافيه تتعب عشاننا كثير
مشاري انبسط واخذ منها كاسه الشاي
ميساء:مشاري ياقلبي روح خذ لك غفوه وريح راسك شوي
مشاري صدقتي حبيبتي
دخل الغرفه وتمدد على السرير: الله الجو هنا بارد مره ومريح
شوي الا دخلت ميساء وراحت على طول جنبه وتسوي له مساج خفيف لرقبته وايديه وظهره
حس مشاري باحساس مريح وان تعبه كله راح
بعدين قالت له بهمس؟حبيبي انا طالعه بخليك ترتاح
ناظر فيها بحنيه وقال خليكي معاي راحتي بقربك

وبعد ما صحيو من النوم
قعدو بالصاله يتقهوون
شافت ميساء زوجها رايق راحت ولبست لها لبس حلو وجذاب وتعطرت وتزينت واول ماطلت عليه من الغرفه قال:واو اش القمر اللي طل علينا اش الجمال هذا
خجلت وحمرت خدودها ومن داخلها كانت فرحانه وحاسه بانوثتها وجمالها
وجلست جنبه وقعد يسولف لها وهو يناظر بعيونها وهي تسولف له بس بهدوء ورقه وتحاول ماتكثر كلام لانها عارفه ان الرجال ما يحبو ثرثره الحريم
وبعدها قضو اوقات جميله مع بعض .
الان حبيباتي اش استفدتو
1-الرجل ما ينظر لجمالك ولا زينتك
ولا نظافه بيتك واناقته
الا بعد ما تريحيه وتمصي تعبه وغضبه
2-اعطي اللي عليكي وبيجيكي اللي لك
3-الزوجه اللي تكثر كلام زوجها يمل منها ويكره البيت
4-العتاب والشكوى تزيد من صمت الزوج وقد تؤدي الى انفجاره بيوم من الايام وقد يكون انفجاره بفعل _زواج او خيانه.
5-الرجل يحب المراه الغامضه الهادئه المعطيه بصمت التي لا تركض خلفه ولا تشعره بحاجتها اليه

افهمي طبيعه الرجل ولا ترجعي تقول تزينت وما مدحني ولا ناظرني .ما يقعد معاي

واي وحده استفادت شي ثاني لا تبخل علينا ,
انتظر ردودكن

منقول

لا تنسوني من الدعاء بالزوج الصالح الذي يجمع بين كل الصفات الي تمنيتها و بالرزق الكثير الحلال المبارك

مشكورة بس وين الريال اللي يقدر

مشكووووووووووووووورة
كلامك في الصميم

يعطيج العافيه
بس الرجال اللي مايقدر حتى احنا يالحريم مانقدر تعبهم

مو وين اللي يقدر
وين اللي يقعد في البيت ههههههههههههههه
انا اسوي مثل الميساء الحمدلله مع ان يوم يومين اخورها مثل ريم المسكينه ههههه
بس المهم ان مثل ميساء بس بفترات متفرغه من اليوم هههههه

كلام جميل وتطبيقه اروع

الاولى نكديه وماتفهم زوجها

الثانيه تفهم زوجها وتقدر تعبه

الريال مايبي الا الكلمه الحلوه من المره مو لسان شطوله ونكد وهواش

اسمحيلي سوالف وحده بوحده هذي اللي مضيعه اكثر الحريم الريال دايما يمر بضغوطات اكبر

وبامور بره البيت صعبه يحتاج الى قلب حنون وتكون زوجته مثل الام بحنانها وعطائها مو وحده تزيد همومه

بهالحياه

جزاكي الله خيرا
الله يرزقج الزوج الصالح الذي يجمع بين كل الصفات الي تمنيتيها و بالرزق الكثير الحلال المبارك

الريال دوم يلوووم نفسه
ويحب الي تقدره حتى لو مابين

حتى لو يجيبلج عشاء لازم تمدحينه وتعطينه كلام حلو عشان يستمر بالعطاء

يهبل كلامج والله يهديلنااا ازواجناا يااارب
مثل مايبي الكلام الحلوو احنا بعد نبي كلام وتقدير منهم….

اللهـم سخـر لي زوجى بحولك وقدرتك وجملني في عينه.
اللهم زده حبـا لي وصراحـة معي وتعلقـا بي وتفاهما معي ياارحم الراحمين

انا بصراحه اشوف حريم دوم تهاوش ومو عاجبها شي والنفسيه بخشمها وتقول ريلي مو معطيني وجه ومايقدر ؟؟؟
شوفي تصرفاتج عشان تعرفين السبب فوق شينها وتقصيرها تشره وتزعل
وترا كل انسان تجيه لحظات ماله خلق يتكلم ولا كلمه ومنهم اناااااولازم من الطرف الثاني يقدر ويتحمل عشان بالمقابل يتحمل الطرف الثاني والدنياااا هيك
ويعطيكي العافيه