زوجك يدرس برا الديرة تفضلي معاي

مرحبا بنات
اش رايك نسوي تجمع حق المتزوجات الي رياييلهم يدرسون برا

الهدف من هالتجمع ان كل وحده منا تتكلم عن تجربتها مع سفر زوجها وابتعاده عنها واشلون قادرة اتعيش حياتها وتمشي امور بيتها وزوجها مسافر
ساعات تصير لج مواقف تحتاجين فيها ريال يكون معاج
او عندج شغلة ما تقدرين انتي تسوينها لازم ريال مثل المعاملات الحكومية

يعني اشياء وايد نقدر نتكلم فيها وانفضفض وانصبر بعض

مثلا انا ببدي في شغلة وايد افكر فيها واحاتيها واكيد الي زوجها يدرس برا تفكر مثلي
خاصة اذا كان يدرس في دولة عربية
والسبب ان بعض هالدول عندهم جميع انواع الزواج مرخص وعادي ويقدر اي واحد انه يتزوج بسهوله يعني عرفي مسيار زواج سياحه كل شي متوفر
لا وفوق هذا اعلانات الزواج عند مداخل الكلياات الي يدرسون فيها
والله انه هالموضوع امضيق خلقي
وزوجي يقول ان وايد من الي معاه يدرسون متزوجين بهالطريقة
الله يستر عليه ويحفظه ويعمي عيونه عن بنات الحرام ويصبره ويقوي ايمانه يارب
ناطرة مشاركاتكم وتفاعلكم وكل وحده تقول لنا عن تجربتها وخبرتها علشان كلنا نستفيد

تصدقين زوجي سافر علاج مع أبوه شهر ما قدرت أتحمل بغيت أموت
الله يعينكم ويصبركم ويحفظهم ويوفقهم ويردهم لكم سالمين انشالله

بصراحة كل وحدة ريلها مسافر يدرس بره وممشية أمورها وشايلة
بيتها بروحها انا أعتبرها Super Woman يعطيكم العافية حبايبي

حياتي الدول العربيه فيها بلاوي
الله يكافينا الشر
وخاصه الدوله اللي هابين فيها شباب هذا الوقت من دون ذكر للاسماء
والله اعرف وايد متزوجين ومستقرين
يروحون شزينهم ويردون ميانين لووووووووووووووووووووووووووووول
والله من البلاوي اللي يشوفونها
بس ما قول الى الله يحفظهم عن الحرام
والله يعوف زوجي ببنات الحلال والحرام ولا يملى عينه غيري
واجمعين
تراني حيل غيوره على زوجي ولمى يسافر يدرس برى عادي اقدر ادبر اموووووووووووووري
بس اموووووووووووووووووووووووووووت من الحره والغيره تاكلني
شسوي طبعي جذيه

انا ريلي مساافر لندن دراسه وحالتي حاله ولايعه جبدي بس حدي دايخه وقفلت باجر اشرح وضعي بالتفصيل

اشلونج عمرى صاحبة الموضع انا لى مداخله وحابه بس انقل راى الطلبه اللى بالخارج لغرض الدراسه وسبب زواجهم طبعا , انا طبعا اكنت ادرس برا وحاليا زوجى اللى يدرس,

شوفى اشلون يمززون الشباب العزابى ريج المتزوج على الزواج :

يعنى العزابى يقول : والله قطعه , اهو جسم عليها , اهى مؤخ…. و اهو صد… ,تالى يروح هالعزوبى ويحيب ربعه شهوود ويتزوج هالاجنبيه ويظل معاها الى ان يتخرج , عاد ان طاب له المقام سحبها الكويت ولا بس يخلص شغله على ما نتنهى بعثته

الحين بو العيال او المتزوج :
يفكر , اشلون هالعزابى اخذ هالشقرا الحمرا , خبركم البنات مثل سلة الفاكهه مشكلين , بنظر الرجل كل وحدة لها مذاق خاص @@, بالتالى اهو بس يفكر اشلون يحرب مثل هالعزوبى !! عاد اهو وشطارته ياتلقح ياتنحاش.

الشغله الثانيه :
الزوج اللى ماعندة ولد , يجى اهنى يشوفله بنت الحلا ل من ديرته ولا من ديرة مجاورة او من نفس الديرة اللى يدرس فيها , عشان ايييله ولد وهذى حادثه صارت وانا كنت متواجد فيها حضرت زواج الشخص من الزوجه الثانيه

بصراحه انا كل اقول للبنات اللى تقدر وتسمح ظروفها ترافق زوحها لاتخلى , الريايييل من اللى يشوووفا مايتحملووون . يشيشون بعضهم بعض بس تعالى سمعى الشعر اللى يسونه على المرا هذيل اللى يدرسووون على كبر بعد الشعر كله من السر ونازل مايخلووون وصايف اللى وحدة اتقول انا سمعت الشعر استحيت مالى ويه .

الزبدة:

عليكم بالاتصالات الكثيرة , انا مو القصد اخرعكم , بس لابد يحس قطوة ومبطله عيووونج , مومطنشته , عشان يراعى الله ويراعيج اذا بسوى شى , عبرى عن حبح وهيامج, ولو ان هذايزيدااااا توهجااااااااااااا بس عشان يعرف انج فاقدته

والله وياكم بس لا تينووووون رياااايييلكم , ولا يلعب الوسواس فيكم

اصلا اهو اذا سافر اهو اينني وينج شتسوين مع منو ويحاتي وكل شي وانا لا اعاند مو اهو سافر لا اسال عنة ولا شي لاني اكون منقهرة منة وهو جذية بيخاف ويقول هذي ليش ماتسال وبيحس بتانيب الضميير لانة خلاني و هو عارفني ما اقدر يطوف يوم ما اشوفة فيية وفجاه يسافر وما اسال اكييد في شي وتشوفينة 24 ساعة متصل ويسولف.

وي وي وي
اختي سيرين والله ضيقتي خلقي
يربي شنسوي
حتى لو نزعل بيسافرون غصبن علينا
والله ضايق خلقي ياربي شسوي اخش جوازه ولا اقطعه ههههههههههههههههه
يلا الروحه فينا فينا
شنسوي بعد
الله يسخرهم يا رب

الله يعينكم و يصبركم ان شالله

صراحة الله يعينكم ع مسؤلية وفقدان زوج

واااي واااي ميته من القهر فعلا انا من النوع الغيور وايد واكتم بقلبي
وسيرين ما قصرت قالت كلام يعور القلب بس واقع 100 بال 100
انا زوجي ساعات يقط له جم سالفة عن سوالف ربعه العزابيه والمتزوجين
خو المتزوجين رايحين فيها اكثر من العزابيه
والله ياخواتي اني احاتي الشيطان شاطر والانسان ضعيف واذا شاف الي معاه يشجعونه على هالاشياء اكيد ما راح يتردد

الله يستر عليهم اهم بالكويت وجدام عيوننا وتصير لهم مواقف وسوالف مع بنات الحرام الي تارسين الديرة لا شغل ولا مشغلة عيل شلون برا ؟؟؟؟؟
ياربي الله يعيننا ما تسوى علينا هالدراسة
والمشكله دول عربيه ولا يعرفون الدين ولا الاخلاق يمكن الاجانب اهون منهم
والربع بعد كل واحد يسولف على الثاني ما يستحون
الله يعين والله عندي سوالف وايد
بس بنتي تبجي مو امخليتني اركز
ان شاء الله لنا تواصل معاكم

انا زوجي اذا سافر اهو يجنني مليون مره يدق علي مشتاق لج ومتي اجي اشوفج وين رحتوا وين رحتوا انا اسال نفسي انت ماتطلع ياربي هذا شغااااال تلفونات ياربي حتي خطي اقطعوه ويجي يدفع مكالماتي كيفه عاااد اهو يبي اهو يتحمل ههههههههههههه اهو يشتاق لي وانا اشتاق له والبيت من دونه موحلو والله مسؤوليه قوووويه علي تعب صراحه والله يعينا انشاء الله وبالنسبه لزواجهم بره طبعا زوجي واثقه فيه بس هم مافيهم ثقه والله مومقصرين معاهم والواحد دامه يطالع ربه فوقه ماظن يسوي جذيه

الله يعينكم الصراحه انا مع ان المرأه تسافر مع ريلها والله انا يوم بقا يسافر فكر قالي ماتسافرين ومن هالحجي وشغلج(دوامج)….. والله عاد انا ما همني شغلي ولا شي والصراحه رحت معاه والحمدلله سهالات بس عاد كل واحد وظروفه الله يعينكم….

الله يصبركم

زوجي كان يدرس بره
اول سنه كنت معاه بس الصراحه مااستحملت الغربه وانا نوعي مو اجتماعيه مااحب اتعرف

رديت الكويت ودخلت معهد انا ادرس واهوا يدرس وعندي ولد وكنت قاعده فبيت ابوي الله يرحمه

فماعندي مسؤليات وايد

وكان مسوي توكيل عام حق حماي عشان اي ظرف طارئ

وكنت على طول معاه شابكه بالنت يشوفني واشوفه

وكان مايمر اسبوعين الا راد الكويت بنهايه الاسبوع

والحمدالله عدت السنين وصار باش مهندس

والحين يقول بكمل وانا موراضيه لانه عيالي كبرو ومحتاجين ابوهم

ولي الحين يقولي فكري بالموضوع

والله كريم

ااااااااااه قلبتو المواجع

انا زوجي يدرس برا وبقاله سنتين ونص وانا لي الحين مو قادره اتاقلم مع وضعي من دونه انا عايشه مع ولدي في بيت اهلي الحياة صج صعبه بدون ريال وظروفي ما تسمح اني اسافر معاه وكلامكم ينني زياده انا بروحي دايما اتحلطم مع نفسي وكلامكم الحين قلب الموجع اكثر واكثر الحين اهو موجود وانا من الحين ضايق خلقي احاتي لي رد سافر شنو بسوي من دونه و دايما اعاتبه واقوله قرار سفرك بره ظلمني و ظلم ولدك

والله يسهلها ويقوينا على فراقهم