زواج رجل بعد وفاة زوجته الاولى ب24 ساعه!!!!!!!!!!!!

بسم الله الرحمن الرحيم

السلام عليكم ورحمة الله وبركاته..

هذا خبر قرأته في أحد المنتديات صراحه صدمني ..وهذا نص الخبر..

زواج رجل بعد وفاة زوجته الاولى بـ24 ساعه

أكمل مواطن مراسيم زواجه من امرأة ثانية بعد وفاةزوجته الاولى بأربع وعشرين ساعه
ونشرت الصحيفة ان "حزن الرجل على فراق زوجته التي لم يمر على وفاتها سوى 24 ساعه لم يثنه من اتمام مراسيم زواجه الثاني, فقد اكمل رجل خمسيني تجهيزات زواجه الثاني يوم الخميس الماضي بعد وفاة زوجته الاولى مساء الاربعاء الماضي وكانت لا تزال ايام العزاء في ساعاتها الاولى.
والمفارقة ان المتوفية كانت ادخلت الى المستشفى ووضعت في العناية المركزة بعد صدمتها بخبر خطبة زوجها, وقد استغل الزوج هذه الفرصة ليحدد موعد الزفاف من دون ان ينتظر مصير زوجته, وتصادف الموعد بعد وفاتها بساعات في حين اتم العريس مراسم العرس بزواجه الجديد في موعده المحدد رغم توافقه مع حالة الحزن والعزاء التي يعيشها ابناؤه واسرة زوجته الاولى…….انتهى …

معقوله فيه قلب إنسان كذا ما قدر حزن ابنائها وأهلها ..وعلى الأقل إذا ماهمه ابنائه ولا قدر العشره اللي بينهم يأجله ثلاث أيام …حتى يخلص العزاء

لاحول ولاقوة الابالله من جد ماعنده قلب

!!!! كش عليه !!!!

لاحول و لاقوة الا بالله

حسبي الله عليه
حتى تراب قبرها مانشف
حرااااااااااااااااااااام عليه ومالت عليه بعد

كشششششششششششششششششششششششششش عليه على قولت العوبه

حسبي الله ونعم الوكيل يكفي ان هو السبب بدخولها المستشفي وبعدها وفاتها هم وكمل العرس الله لا يوفقة وين ما راح يعل الحوبة ما تعداه يعل المره اليديده تقلب حياته جحيم وانشاالله يبجي دم ويصيبة اكتآب من المره وتخلية مثل الخروف وراها وتمصخره جدام اللي يسوى واللي ما يسوى ولا ليلة ليل ولا نهاره نهار وانهاية يدخل مستشفى الميانين لا وبعد محد يزور …. عديم احساس ….. وهالخبلة المفروض يوم شافتة تزوج بعد وفات زوجته بيوم تخاف لانة هالريال ما حسب حساب للعشره ولا عنده ولاء حتى عالاقل لين يخلص العزا حسبي الله ونعم الوكيل فية

اب اب لعيووووووونج

عيل اقري وانصدمي

هذي سالفه لواحد نعرفه يعني صج

مرته مريضه صار لها جم سنه ( الشايب بنهاية الستينات)وعمر معاها واحفاده رياييل
وهم يذرون التراب بعد الدفان التفت على ولده الكبير وقاله

((((((((يالا دورولي على مره )))))))))))))

والولد يا عوينتي وييه يسبح من الدموع على فراق امه

شنو هالقلب يومنك منت مقدر هالموقف العظيم على الاقل قدر وااااااارحم ولدك الحزين على فراق امه

قالوها الاولين الريال ما عنده وفا

معقووووووووووووله؟؟؟؟

رياييل ما يهمهم العشرة ولا المشاعر

وان شاءالله زواج الهم والغم عليه …………

باط جبدي

وذنبها برقبته ليوم الدين

الله يستر من رياييلنا عقب جم ساعة بتزوجون عقبنا

يمكن مخرف …………. هههههههههه

لا…لا موووووصــج الواحد يكون في البداية حززززين شلون من ثاني يوووووم !!!

واااي حقيييير

الريايييل مالهم امان
وحدة قالتلنا قصة واحد من معارفهم خذاها عن حبب ويموووت فيها واهيه تحبه وتموووت فيه وهذاك هدايا وسفرات ومو مقصر عليها طبعا بس ماتت ما صار ٤٠ يوم الا واهوه خاطب وزواجه قريب .
واحنا الحريم وعليا اذا وحدة منا ريلها توفى نقول مانبي نتزوج نبي نربي عيالنا انا اعرف حريم رياايلهم توفو واهمه اصغار وارفضو يتزوجون لانهم يفضلون يربون عيالهم على انهم يتزوجون
الحريم معروفين يضحوون بنفسهم عشان غيرهم والريال ما يفكر الا بنفسه