|
|
السلام عليكم كويتيات
الله يسلمكم
أمـــس كنت بـ عرس ناس من اهلنا .. و شفت منظر ما ســرني
و ضايقني وايد
و خلاني اتساءل وايد وايد
انتوا الحين بزمن الوعي و الثقافة
و اقصد بـ أنتو .. أقصد الامهات الجدد او القدم
و كل المقبلين على مرحلة الزواج و الانجاب
و اللي مو واعي يتحمل مسؤولية هالشي تدرون ليش؟!
لان الوعي و الثقافة و العلم الحين بكل مكان
بالنت و الجرايد و الكتب و القنوات التلفزيونية
نرجع للموضوع
و انا مادري اهي سوت جذي من باب شنو " اهي أقصد فيها المرا اللي سوت الحركة اللي ضايقتني )
هل يا ترى اهي سوت جذي من باب مبــدأ عندها ؟
هل سوت جذي عن جهل ؟!
عن تسرع ؟!
عن تهــور ؟!
مادري انا بقولكم لسببين
للفايدة
ثاني شي
للمعرفة ….
اللي سوت هالموقف اخت العروس
عشان جذي موقفها ضايقني . هل لأنه عرس اختج مثلاً سويتي جذي لانج لاهية بالحوسة ؟!
بس بصراحة بصراحة
عذر مو منطقي و لا يقنعني انا شخصياً
:
بعد ما دخلوا المعارس قعدوا اليهال يلعبون و يحوسون
و الشهادة لله ان بهالعرس صحيح كان فيه يهال .. بس حوستهم و لعبهم كان على ذرابة و يسمعون الكلام
هذا الشي كان واضح
المهم قعدوا يلعبون .. شوي و لا 3 بنيات صغار ينسدحون عالارض .. و قعدوا يزحفون بنفانيفهم
شكلهم بصراحة كان كيوووت و يضحك و بعيدين عن الكوشة و الكاميرات!!
يعني حركة كانت ظريفة منهم .. مساكين اندمجوا باللعب و نسوا الدنيا …. لانه اهما بالنهاية اطفاااال
شوي ولا الام انتبهت " اخت العروس " و يت و عطت كل وحدة منهم كـــف و مصعتهم وقفتهم !!!
والله حسيت قلبي انقبض من الحركة
طبت عليهم فجأة .!! و كفخت اطول وحدة اللي يمكن عمرها 4 او 3 سنين و وحدة من الثنتين و الصغيرة ما مداها تطقها
مسكينة ام 4 سنين ما بجت
بس قعدت تفرك خدها و تحكه مسكينة.. صار احمررر!!!
و قعدت تبتسم مسكينة انحرجت من الناس !!
ضاااااايقتني وااااايد
الله يسامحها و يهديها
:
انتوا انشالله فيكم كل خير يا امهات
بس ارجوكم ارجوكم
تحت اي ظرف بالدنيا لا تتسرعين و تمدين ايدج على ولدج او بنتج
كفاية نص شغلهم صاير عالخدم .. و بالنهاية ما اييه من امه غير الطق و الصراخ و المعاملة اللي ما فيها وعي
بحجة انها تربيه ؟!!
معلش لحد يزعل من كلام .. بس للأسف هذا حال وايد ناس
:
تقبلوا ملاحظتي
و تحياتي لكم
لا مو عذر انها اخت العروس تسوي جذي حرام يعني حتى لو ماعجبتها حركتهم تقومهم من الارض وتكلمهم بحده
بس مو جذي عاد ، اندمجت مع الموضوع لاني مثلج ماحب اللي يسوون بعيالهم جذي مرة بالجمعيه شفت واحد مقعد ولده بالعربانه
والولد حاله حال غيره يأشر على أشياء يبي ياخذها وابوه يصرخ ويمد ايده يعني بيعطيه كف يقوله ترى اطقك .
ويكسر خاطري شكلهم لما ينفشلون جدام الناس ،، الله يهدي الجميع ويخليلج عيالج
والله حرام عليهم
ليتهم عندنا يطبقون قانون منع طق الجهال نفس امريكا
الطق ما يفيد
تسلمين و شكراُ على المرور العطر
ليـــدي :
معاج حق اختي
والله ما تدرين شكثر اسرح بحال اليهال بكل مكان .. بالسوق او الجمعية او اي مكان
احس في وااايد جهل في التعامل معاهم
أحس وايد قاعدين ينظلمون
و يقعدون جدام التلفزيون و النت و الخدم ! يعني ماكو حميمية
ماكو قرب و عاطفة بينهم و بين الاهل
و الموقف اللي قلتي عنه هم يعور !
لو كان في وقت او كنت امون عليها " ما تصير لنا " كنت يمكن راح اقرر
و اكلمها او اعطيها ملاحظة عالخفيف …
بس كان صعب اسوي هالشي
حياج الله اختي
نورتي
:
شكراً لمرورج و تأييدج يالغالية
ابد حرام عليها والله عورني قلبي ياناس جاهل
تسمع الكلام اذا كلمتها باسلوب حلو
انا اتضايق اذا احد طق اليهال
ياحياتى مااحب هالمواقف
والله مامد ايدي على عيالي قدام احد مهما يكون بتنعدم عندهم الثقه بالنفس وبيعيشون برعب
لاحشا مو ام متوحشششششششه
الأطفال أحباب الله ، شلون نهين أحباب الله؟