|
|
شخباركم
بصراحه طرت علي بالي فكره وانا نايمه جان افز واشبك واكتبها لكم اقولكم
القصه من الأول
طبعا انا وللاسف معلمة رياض اطفال متخرجه من كلية التربيه الاساسيه
مليت من التدريس جان انحاش
وحولت اداريه
مرتاحه بس احس ان وظيفتي مالها قيمه آآآآآآآآآآآآآآآآآآآآآآآآآآآآآآآه
الحين نرجع للبدايه
الفكره او السؤال الي خلاني افز من نومي الله يسلمكم
نقدر احنا كمعلميات رياض اطفال نرجع ندرس بحيث ان تخصصنا ايتغير
يعني يعادلولنا بعض المواد ونكمل دراسه بتخصص ثاني يعني من رياض اطفال لي مثلا اقتصاد منزلي
انشاء الله فهمتو علي
امانه الي تعرف ترد علي وتبرد قلبي الله يبرد علي قلبها
والي تعرف احد تسأله الله يخليها
تكفون لا اطنشوني نخيتكم
لان الشغل واحد بكل مكان
واذا بتصيرين ابلة رسم والا اقتصاد حطي ببالج مناسبات المدرسة كلها فوق راسج وابله الالعاب بعد
مادري عن اجابه سؤالج بصراحه اول مره اسمع هالسؤال
شكلي بروح الكليه
كملي ماجستير دامج حابة الدراسة !
اشفيج منحبطة
انا عندي لج نصيحة بس شوي يبيلج تتعبين
دشي قسم المعلمات
واقري مشاكلهم من اول صفحة الين خلاص تتعبين وتزهقين
كلنا بالهوى سوى يالغالية
بالعكس انا بنظري مدرسة الرياض ارحم من غيرها
في شغلات اهمه يسوونها احنا ربي فاكنا منها
التدريس اهو اهو سواء كنتي روضة او ثانوي
من اول السلم لآخره متعب
اذا حابة التدريس ترى ارحم شي الرياض اطفال
واذا كارهته تقدرين تدرسين او تحاولين تتعينين بوزارة ثانية
ااما مسألة التخصص الغلط مادري :/
اتوقع فات اوان هالكلمة خلاص والمسألة عندج مجرد تراكمات احباطية لج جمعتيها
وفجأة تفجرت وانتي تتحلمين ههههههههههههههه
الله يشرح صدرج ويهديج للاختيار الافضل لج
لاتخلين احد يحبطج انتي احكمي من خلال تجربتج وبس
التدريس والله حلو والاحلى الاطفال
و الرياض اطفال فيها مزايا وعيوب بس مزاياهم بنظري ترى اكثر من عيوبهم
والله يكتب لج الخيرة
ابي احول وين يقبلويني ماادري والسبه هالشهاده التربويه البحته
اللي تعرف وين يقدرون يقبلون شهاده الرياض الاطفال بلييييييييييييييييييييييييييز الله يجزاها خير تقولي
والله يعين الجميع
ودوام الادارية اكيد لة قيمة كل عمل أدم له قيمة يا أختي بس أنتم للحيين مالقيتة أهمية دوامج ومااكتشفتي
اكتبيلي لي دوامج شنو وانا اقولج شنو قيمتة
والشغل الحلال اهم شيء+احتسبي الاجر بكل ماتقدمينة بدوامج
لي رجعة انتظر ردج
أو ابتدائي حياتيه وتقدر تصير اخصائيه لها اكثر من مجال بعكس لما يكون تخصصج
عام وماله مساند مثل رياض اطفال احمدى ربج قدرتى تنحاشييين لان الحين بتطبق
الوزيره لجنه للي يبون ينحاشون لازم سنوات الخبره عشر سنيين وماتقل عنها
انا ترى ابله مثلج منحاشه وصج حنيت لجو التدريس بس مو لروضه لماده اخف
وارحم بس مافيه الحمدالله على كل حال .
مثلا تكملي ماستر بعلم النفس وتصيري معلمه علم نفس