ذهبج بعد سنة من العرس

سلام بنوتات
ما طول عليكم وبدش بالموضوع
لاحظت ان كل عروس يمر على عرسها سنة او سنة ونص ان ذهبها يا تبيعه اوو الخدامة اتبوقه
؟!؟!؟!؟!؟!؟!؟!؟!؟!؟
الي تبيعه ياليت على شي يسوى
تبي اطلع اصورها او تشتري لاب توب او تلفون يديد وماعندها افلوس اتقوم وتبيع الذهب
ولي يكون ذهبها مبيوق
اتقولج كنت حاطته بالكبت بس اقفل الغرفة ويوم البوقه اتكون ناسيه تقفلها
نصيييييييييييييييييييييييييييييييييييييحة لكل العرايس
لاتبيعون ذهبكم حتى لو معتازة يكفي انه ذكرى لايام حلوة
و اشتري تجوري للذهب عشان لاينباق وتنقهرين عليه
وان شاء الله الكل يستفيد ؛)
والي تسال وين القى تجوري عند الغانم ويوريكا

كلامج عدل وخوش نصيحه حق كل عروس الذهب ذخر واذا مليتي منه لا تبيعينه غيري من دقته

انا ما افكر اني ابيعه

والذهب ما نحطبه ببيوتناا

نحطه عند امي عسى الله يخليهاا لناااااااااا

حاطه كل ذهب خوااتي فيه بالتجووري

وماعندها سالفه اللي تبيع هذهبها و تشتري لاب توب او تلفون .. ووين زوجهاا ما يشتري لهاا هالشغلات العاديه

شكرا ع النصيحه ..

وادعيلي

يسلموو
عيش وملاس- وشهامة
شرفني مروركم

مستحيل افكر ابيعه هذا ذكرى اكيد باحتفظ فيه وما يندرى الايام الجايه شيصير فيها

إي صاجة في بنات جذي ..

الله يهديهم ..

الذهب ذخر للمرة ..

ما تبيعه إلا بالشديد القوي ..

مشكوورة ع النصيحة ..

ماشريت ذهب في عرسي .ولا احبة

الحلا توتة- رحيق الورد -ياسمين العمري
يسلموو عالرد وشرفني مروركم

بس ياسمين حتى لو ماتحبين ذهب لازم تشترينه لانج عروس

انا بعت نصه لاني انفصلت بس النص الثاني ماودي ابيعه لانه يذكرني بنفسي وانا عروس

الله يعوضج خير يارب

على قولة يداتنا

الذهب زينه وخزينه

لا اشدعوه اشحقه نبيعه الله لايحدنا ونبيعه انا شريت تجوري صغيرون من شركة الاتحاد بومفتاحين يهبل كل شغلي المهم فيه بنات انا عندي الارقاب ملوت عرض الذهب والاديدين مخمل اسود اللي حابه تاجرهم تقولي

حناين الكويت -فنر الحياه
يسلموو عالمشاركة وشرفني وجودكم حبيباتي

صح بنات الذهب خشوه تجي ايام راح تحتاجونه فيها غير انه للكشخه

على فكره كل البنات الي قالو انهم خاشين ذهبهم بالتجوري

ياريت كل وحده تعطيني عنوانها بالضبط والرقم السري حق التجوري والى عندها مفتاح تجيبه بعد

لا تقولون تبي تبوقنا ابدا ولا يمكن انا بس بتاكد انه ذهبكم بامان لووووووووووووووووووووووووووووووووول

لا والله انا اشترت الذهب بس ما لبستو الا مرة وحدة وشايلتو بالكبت