دفعة 2024-2024 ~حياكم استعدوا حق السنه اليديده~ معMiss- madry

انا شفت وايد مواضيع بنات يطلبون شلون يستعدون حق 12

والي سويته حيل فادني ناويه استمر عليه حتى بلجامعه

قلت خل اسوييلهم موضوع دامي فآضيه ~

نبدي معاكم~

ماشاء الله

بسم الله

القرطاسيه :

اخذو لكم دفاتر سلك"بلاستك" احسن الي يكون الغلاف مالها خفيف (ملوت مركز سلطان )
دفاتر ضعيفه حق الاختيار الحر

2 قلمين بو اربع الوان(اخذو ملوت زيبرا 4 الوان +قلم رصاص) كنت اشتري خمسه (كلهم اضيع)

اقلام تحديد فسفوريه"هاي لايت"

ملفين
*عادي
*الي نفس البوم
الاقلام الملونه الي تحتاجونها

النووت الي يلزقون

مطاره ماي (حق الكلاس عشان ماتقولين ابله بشرب ماي وماتخليج وانتي عطشاانه الا مايج عندج هع )

مسطره
مساحه
اقلام رصاص
برايه

ورق ملون

حبر طابعه

جنطه للمدرسه تكون سبوورت من puma او nick احسن لكم لان بالظهر يكون في اسفنج وعلى الجتف بعد
جنطه للبدنيه

الوان

"هذول الاساسيات"

اول يوم دراسه :

تحتاجون نوته صغيره "تسجلون الطلبات +جدول الحصص"
تاخذوون الكتب تتاكدون من عددها كاملين واهم شي (القران والاسلاميه والعربي 4 كتب والانجلش كتابين)
تردون البيت لازم لازم (تجلدون الكتب) ~ لاتقولون كبرنا لا شكو احسن واحفظ للكتاب ما يتششقق الله يعافي الجلاد الذاتي مقصص وخالص .

وتكتبين جدول الحصص بطريقه مرتبه وتحطينه على الطوفه عشان (تذكرين تغيرين الجدول)

لما تردون من البيت شنو لازم تسوين :

-تغسلين ويهج وجسمج (لاتاخذون شور انتبهوو ) ~ لان السباحه تسحب طاقتج وادوخين واحنا عبالنا اتنشط
-تصلين الظهر
-تاكلين غداج مع اهلج ولا تثقلين وايد عشان ما ادوخين
– حلي واجباتج وسوي شغلج لين المغرب عادي (خلصي شغلج وارتاحي)
*عندج تقرير طلعيه اول باول
*صور طبعي ولزقي بهالدفتر
*سطري حق باجر
*حضري الدرس عشان اتجاوبين (ضروري انا قبل ماحب بس لما شفت اابلات يحبون هشي قمت اسويه)
*لقيتي معلومه صوره تقرير عن الدرس الي محضرته طبعيه وعطيه الابله (تحطج ابالها وتقول ممتازه مجتهده معاي انا سويت جذي ولما يصير لي ظرف بيوم الامتحان ياجلونه لي لان سمعتي زينه وعارفيني)

– عقب كل هاذا سوي جنطتج وحطي لبس البدنيه اذا كان عليج
-زهبي لج بطل ماي بارد بثلاجه(حق الدوام) ~(افضل تشترون ماطره بلاستك مالت الجنطه وتعبونها ماي وتحطوون ثلج قطع لما تروحين الدوام بيتم الماي بارد لين نص الدوام (كله اسويها)
-غسلي ويهج وفرشي اسنانج ونامي

في الحصه :

خنقولكم شنو كنت اسوي بحصة التاريخ :

علطول عندي معلومات عن الدرس واطبع واسوي الدفتر الي ماعندكم احلا منه(مامدح بس والله كلام الابلات)

بالصفحه المقابله احط صور عن الدرس ومسطر كشكولي

شنو تحتاجون لابدت الحصه

النوت الي يلزقون وقلم بو اربع الوان وقلم رصاصدفتر
كل ما قالت الابله سوال كتبي وكتبي الاجابه بالرصاص

كنت اكتب الاساله على النوت والزقهم بلكتاب
ولما ارد الزق النوت بدفتر بطريقه مرتبه عشان مايضيعون ومرات اكتبهم بخط ايدي

طول الكورس وانا اسوي هالسالفه واخر السنه الدفتر مخلص فيه كل شي وادرس منه وماضيعت وقت حزة الامتحانات وانا الخص

انا ساعات مالحق اكتبه بنفس اليوم اخليهم لين الويكند يوم الجمعه الظهر(ماعندي شي اكتب وارتبهم)

وكنت حاطه لي مدرسين احصاء وعربي طول الكورس حصتين بالاسبوع يراجعون معآي

اذا ضعاف بمود معينه حطوو مدرسين احسن لكم

شلون كنت اطلع تلاخيص ومذكرات ~

طبعا كنت احوس بلنت وادور تلاخيص مراجعات وكنت القى بمواقع معينه واسيفهم عندي نماذج امتحانات

وفي عضوه تبيع مذكرات احصاء مسائل وجذي حيل مفيده واستفت منها اني عودت ايدي على حل المسائل

تنظيم غرفتي ~

كنت حاطه المكتب بمكان يم بلاك عشان الطابعه والاب توب وحاطه ابجاوره صغيره

وجدامها بورد (لوحه) خشب مضغوط"بايكيا" عشان احط عليه النوت والجدول جدول الامتحانات وكنت بين فتره وفتره اغير من الشكل واحط الوان واحط اوراق تشجعني

وحاطه علب وحده حق الاقلام وحده حق الالوان ووحده للدباسه والخرام الــخ

وحاطه الستاندات ملوت الكتب

وبس والله يوفق الجميع ان شاء الله

اتمنى موضوعي عجبكم وترا تعبت عليه حيل كلمة شكرا تفرحني ..

ولوتسون كوبي لتوقيعي للي مالها خلق