دشو يا معلمات النجدة ؟؟؟؟؟؟؟؟؟؟؟؟؟؟؟

قوة ابلات شلونكم
بغيت اسالكم وابيكم تساعدوني :

انا خريجة جامعة الكويت تخصص تاريخ
وموظفة بوزارة حكومية صارلي 5 سنوات ودرجتي الثالثة
لو بغيت اروح للتربية مدرسة :
1- شلون درجتي بتروح ولا تبقى
2- الراتب نفس المدرسة الي توها متعينة ولا يحسبولي ال5 سنوات
3- دايم اقرا د هـ بدرجات المعلمين شنو هذول وهل تفرق بالراتب ، وشنو راح يكون حرفي لو بنقل تربية
4- وكم رواتب المدرسات ومسمياتهم ودرجاتهم بالحروف الي نفس حالتي بالطريقتين يعني ( لو كنت مدرسة من خمس سنين ولو نقلت الحين )

ولكم جزيل الشكر
بنات عفية ساعدوني مالي غيركم مااعرف مدرسات عشان اسالهم ومرة رحت لوزارة التربية اسال وياريت ما رحت

ساعدوني اب اب

معاشج بيكون على حسب درجتج الوظيفية الحالية + الكادر المستحق للمسمى الوظيفي (د) ..
وراح تحتفظين بسنوات خبرتج و كل شي لانج تابعة لديوان الخدمة المدنية ..
جم بيصير معاشج و الله مادري ..

أتوقع على د تتعين وكادرج عليه

والراتب تعرفينه وقتها

تبين نصحيتي خليج بوظيفتج أحسن ترا التدريس مو سهل

الناس تنحاش منه

خبرتك ودرجتج محوسبه نفس ما كنتي وتتعينين معلم د

بس والله شقا

يعني معاش يوصل ١١٠٠تقديريا

اتوقع موفرق اللي بخليج تبدلينه بالراحه

اب اب اب

اسالي

لا الخبرة ماتنحسب تروح عليج
بس الدرجة الثالثه ماتروح عليج تتعين ع الدرجة الثالثة
واسالي في الخدمة المدنية احسن احنا مرات نسمع حجي ونقوله
مو شرط عندنا الخبر اليقين

سنوات العمل تضاف للخدمه مو للخبره يعني تضاف لسنوات التقاعد. اما الدرجه طبعا على حسب شهادتج. والمسمى معلم دال والخبره صفر
بس انتبهي لشغله انتي لج خمس سنين يعني على مشك تجيلج الدرجه انا اقول انطري الدرجه وبعدها حولي لان يمكن التحويل ياخر عليج الدرجه والله اعلم

سنوات العمل بالوزاره تضاف لج عشان التقاعد بعدين يعني ماتروح للتقاعد وتتعينين معلم د لانج توج جديده والمعاش والله مادري بس ماراح يكون اقل من الالف وشي اذا بتحولين صج روحي ابتدائي سمردحه ونصابج بالاسبوع ما يتعدا عشر حصص والمادة التعليمية سهله يعني راحه وتعامل مع الطالبات حلو وسلس احسن من المتوسط والثانوي هذا رايي وانتي لج حرية الاختيار
اتمنى اكون فدتج بشي وموفقه يارب