خياط بعد الولاده

السلام عليكم كويتات

بدش بالموضوع سيده

انا صارلي 25 يوم من ولادتي ولي الحين احس ان الخياط موجود والي مضيق خلقي تكرمون بعد مااروح الحمام احس ان اكو شي مشدود حيييل مثل شي يكهربني !! مع اني ماقطعت الدوا كلش

مادري هذا شنو؟ كل وحده نفسي ولا بس انا ؟

الحمدلله على سلامتج

و عادي طبيعي تحسين مشدوده حبيبتي

لا تحاتيين واذا ماراح نطري تنظفين و راجعي دكتورج

نفس الحاله بس انا كان عندى موعد لفتح الخياط الخارجى بعد 10ايام والداخلى بعد 20 يوم يفضل تروحين لفتح الغرز

والله انا عقب 10 ايام بطلته وايد ارتحت عندى موعد ثانى بس مادرى اذا فى داخلى بعد

الله يسهل عليج حبيبتي

والله انا الخياط طاح بروحة دكتورتى قالتلى ان اطيح بروحة

في خياط يطيح بروحه وفي خياط الدكتور يشيله لج…انتي سألتي عدل ؟؟؟؟؟
المهم احلا شي يطيح الخياط (الخواجوا) اذا ماتعرفينها خلي اي وحده من خالاتج او عماتج تسويه لج
لانه ينطبخ عالنار مع زيت زيتون…وينحط بعلبه وكل ماغسلتي ونشفتي حطي عالجرح منه
وحتى للداخي انا كنت احط وطاح وافتكيت….
صدقيني مجرب ومضمون…ولاتنسين بعد كل يومين تغسلين بالمره

ربي يعينج وافضل تستشرين دكتورتج او دكتورج بعد ماتنظفين حبيبتي

اتوقع عادي ان يكون مشدود لان بعدج والجرح يبيله شوي

و الخيوط والغرز يعتمد في نوعين بروحه يذوب وفي لا يشيله الدكتور وانت لازم تعرفين اي نوع
وشنو قالو لج

يمكن نوع خياطج اللي ينشال بالمستشفى
لان في نوعين واحد يطيح بروحه وواحد ينشال
احسن شي حق هالسوالف المره استعملي منقوعها

حبيبتي واللة ماعندي خبرة بهالموضوع لاني قيصرية والحمدلله على سلامتج ومبروك ماياج

اختي لازم تروحين الدكتور يشيلها لج لان هذي اكيد العقده اللي اخر الخياطه ماتنفج بروحها

مشكورين على الردود بنات …

بس دكتورتي تخوف تزف ههههه مااقدر اخذ راحتي بالاسئلة و مو متعوده عليها

يالله ماعليه الله يسهل ان شاء الله

ياقلبي انا سمعت ان النوم له دور في التام الجرح يعني لاتسهرين وايد

وكمان في كل وحده وطبيعه جلدها روحي للدكتوره اخبر

شلون ما اسهر !! والياهل ؟؟ تبدي سهرته باليل :<