خل نضع النقاط على الحروف بموضوع الخيانة

السلام عليكم

خلونا نتناقش نقاش علمي وتبادل اراء ..

الخيانه شي لايوصف وشي قذر في كل الميادين وخااااصه في الزواج ..
لاحظت انه المرأة اللي يخونها زوجها تصبر عليه وصح الصبر مفتاح الفرج بس يعني راح تتألم كل ماتشوفه واذا المره خانت ريلها سيده الطلاق اهو الحل بالنسبة له لانه مايقدر يشوفها ويتألم !!! مع انه الحريم احاسيسهم جياشه اكثر من الرياييل … ليش هالاجحاف بحقنا !!! ليش دايما الحريم يضحووون ؟! وناس يقولون المره لازم تضحي وتصبر عشان تحافظ على بيتها وعيالها وتفكر بمستقبلهم ولازم ابوهم وياهم وووو … زين ليش الريال لما اتخذ قرار الطلاق بمرته اللي خانته ليش مايفكر بعياله وراح يكونون بدونه وبينقطون عند امهم او يرفع قضيه ويحرم امهم منهم وليش مافكر انه بيهدم بيته وبيعطيها نفقه وهالسوالف … بيقولون المره الخاينه ماتقدر تبني بيت وتربي عيالها .. ليش يعني الريال الخاين بيقدر يربي عياله ويبني بيته ؟؟؟؟؟

شهالمنطق !!!!!!!!!!!!!!!!!!!!!!!!!!!!!!!!!!!!

الخيانه وحده سواء قام بها الريال ولا المره ماكو شي اسمه الريال يخون عادي والمره تخون لااااااااااااااااااااااااااااااااا … الخيانه سيئة بكل معانيها ومافيها حياديه…. شرايكم؟

اي و الله الخيانة وحدة سواء من ريال و لا من مرة

آآآآآآآآآآآآآآآآآآآآآآه
لي رجعه أقرا باجي الردود عله وعسا نلقى حل

المشكله ان عندنا عادات وتقاليد حلوه بس للأسف تخلينا عنها وسالفة الريال غير والمره غير فكره متمسكين فيها مجتمع ذكوري لأبعد الحدود

شوفي يا عمري موضوعج وايد حلو

كل وحده سواء كان زوجها زين ولا مو زين فهي ما ترضا بالخيانه بكافة اشكالها ولكن المره دائما مضحيه علشان عيالها

فتسكت ةتصبر لعله الله يهديه ويوز عن سوالفه فاكيد اهي تحتر لما تشوفه وتتذكر خيانته فاحسن شيئ لها ان تسوي روحا ما تدري وان الامر طبيعي يعني تجامل ليما يحس بالذنب ويتندم على فعلته ويرجع لام عياله وكل واحد له وجهة نظر

انا بالنسبه لى خيانه المره جايده ….يعنى الريال ممكن انه فى اشياء وايد تاثر عليه …. يعنى خفيف ممكن اى شى ياثر بقلبه

بس المره احس انها تتحكم فى نفسها اكثر

بس المره اذا خانت …. احس انها تطيح من عين نفسها …. ليش المره هى عماد البيت يعنى مدرسه البيت فاذا هى فيها خلل اشلون بيتها واللى فيه بيطلعون زينين…..

بس الريال محد دارى عنه لانه ممكن يسافر ينام بره … فاشلون يمسكين عليه شى

بس المره كل شغلها بالبيت يعنى لو بتكلم او شى الكل كاشفها

يعنى المره اللى تخون انا عندى ما تترقع

واختلاف الراى لا يفسد للود قضيه

طبعا الخيانة وحدة من الريال والمرة والمرة بمجتمعاتنا تصبر لانها تربت على مثل (المرة مو كل يوم عندها ريل) وتحاتي العيال ما تبيهم اتربون بعيد عن ابوهم ومعروف عن المرة انها عاطفية اتفكر بعيالها قبل لاتفكر بروحها وخاصة الخليجية واللريال الخليجي بالعكس ما يفكر الا بروحة وشهوتة عشان جذي المرة تصبر والريال ما يصبر بمجتمعاتنا بس برايي الخيانة وحدة من الطرفين

والله ياحبيبتي الخيانة تكسر الوحده وتحسسها انها ولاشي بس لازم نصبر ونتحمل مو بس عشان بيوتنا لان هم احنا نحبهم ونضيع من عقبهم مهما سوينا حق روحنا وسوولنا اهلنا وهم بعد ليش اخلي ريلي حق وحده من الشارع تاخذه مني هذا صوت العقل
وانا انا ما أأيد سالفت انج تسكتين وتسوين نفسج ماتدرين لازم توقفينه عند حده عشان يحسب لج حساب وعشان ما يتمادى معاها ويتعلق فيها اكثر وقفيه عند حده بس لاتهدمين بيتج زعلي جم يوم وخلاص او فهميه انج طوفتي عشان بيتج وعيالج مو عشانه ودايما ذكريه بربه وانه عند خوات عشان يخاف قبل لايفكر بالشي هذا مره ثانيه هذا رايي
وشكرا

صح لفتي انتباهي انه وايد بنات ينصحوون يقولون غلط غلط تواجهينه !!!!!!! وانا انقهر واحتر على كلمتهم هذي بس ماقول شي لانه مادري تفكيرهم يمكن صح … بس انا احس يعني فوق حرتهم وغثاهم هم يسكتون مايصير … يعني وجهة نظري خلي يدري انج عارفه وتتفننين بردة فعلج … يعني تكونين هاديه وجذي بس المهم يدري ويعرف … مادري اذا صح او غلط بس انا هذا تفكيري … فأبي من البنات اللي يقولون غلط تواجهينه ابي اعرف منهم شنو الحكمة من هالنصيحه ؟؟؟؟؟؟؟؟؟؟؟؟؟؟

الخيانه باب من ابواب ابليس والعياذ بالله لي انفتح للريال قالوا عادي الريال ناقل عيبه ومنو اللي قال هالمثل امهاتنا ويداتنا الاوليين يعني المره اهيا اللي طلعت مصطلح الريال ناقل عيبه وعيبه بجيبه ومن هالحجي اللي مايوكل خبز
ولما المره تخون قامت عليها الدنيا ولاقعدت ليش لانها مره لاحول لها ولاقوه

لونتلفت يمين ويسار وفوق وتحت ونقول ونسأل بعضنا بعض شنو سبب الخيانه؟؟؟؟؟؟؟؟؟؟؟؟؟؟؟؟؟؟؟؟ والله ثم والله قل الدين والبعد عن الطريق المستقيم والركضه ورا ملذات الدنيا وشهواتها اهيا سبب خراب البيوت واللي تصبر علي ريلها اللي يخونها وتحستب الاجر عند الله هذا موضعف فيها بالعكس صدقوني هذى قويه والله ياجرها بمصيبتها ولما الوحده تواجه زوجها وتقول له بدليل خيانته لها بدون مشاكل وبدون هواش ونجره صدقوني انه بيصير معاها عسل وبيحس بغلطته وبيرجع ندمان وتايب والمره طبعها تصبر وتتحمل والله سبحانه خلق المره رقيقه وانثي بكل معاني الكلمه وحبيبه وحنونه ليش؟؟؟؟؟؟لان الجنه تحت اقدام الامهات ويكفي ان نزلت سورة بالقرآن اسمها سورة النساء كل هذا تكريم من الله للحريم من باب أولي اننا نحمد الله ونصبر ونحتسب ونشكر الله سبحانه علي كل حال

الغالية نونو كلامج صح 10000000% و انا معاج بكل حرف كتبتيه

لج منى شهاده الاستشاره الاسريه
كلامج بمكانه

كلامج صحيح مليون بالميه يا نونو الغالية