حماتي وخالتي والسالفة متى بتخلص؟؟؟؟

شلونكم ينظر عيوني

الصراحة كتبت هالموضوع من كثر ما نقرى ونسمع عن مرت الأخو شالت وحطت وفعلت وتركت.
وخالتي تحرش زوجي علي وغيره من حجي الحريم اللي مايخلص.

مرت الأخو: ترى مهما تكون فيها من عيوب وسلبيات الزوج وينه من هذا كله يقدر يعلمها من أول يوم انها تحترم امه وابوه وماتزعلهم واللي بالقلب بالقلب .

– وانتي يالزوجة الحبيبة ماراح ينقص منج شي لي عاملتي امه هالمعامله السنعه وادري فيج انج بنت تعرف السنع والإنسان تمر عليه ساعات يكون مضايق وماله خلق حتى يسولف لي شفتي روحج بهالحاله خلج بدارج مولزوم تقعدين معاهم .
– وترى الهديه تسوي شغل: الرسول صلى الله عليه وسلم قال:تهادوا تحابوا.

– ألزم ماعليج امه وابوه وصدقيني يقلبي بتلاقينه بعيالج و(صري صرير تلاقينه).

– لاتعورين راسج مادام انتي مرتاحة مع زوجج لاتفكرين بغيرج والله اختك سوت واختك قالت اللي مايهمج ما يلزمج.

– الواجب واجب عزيمة احط ايدي بأي شي ولو صحن حلو جاهز — ولادة اوجب وغيره من المناسبات ما أقول اهي ما قدرتني انا اسوي بأصلي وما أزيد.

– ما أرز وجهي كل شوي لي شفت الوضع يعجبني أقعد لا والله القعدة لج عليها ما أقعد أشتري راحتي .
– مو كل شي ينقال أشتري ما أبيع لي قعدوا يسولفون ما أقول كل شي وما اتليقف .
– ليش أحن على الزوج يأجر شقة وبيت الحموله يكفينا بالعكس من صالحج لي ربي رزقج بضنى تخلينه عند خالتج اذا انتي بالدوام او بالجامعه والخدامة تعرف ان فيه احد يراقبها… ولي طلع الزوج ولا سافر الا في حس بالمكان ما تستوحشين.
– خواته حبوني ياهلا ومرحبا ماحبوني كيفهم ترى الحب مو غصب بس الإحترام والتقدير مطلوب .
– اكره شي بالمره الحنه والرنه لاتحنين على الزوج ترى يمل اذا مو اليوم باجر واذا ماقالج وحط بقلبه تحملي اللي يصير ولا تقولين ليش يخوني ولا ليش تزوج علي.

الخاله:
– انتي يالخالة يوم اخترتي زوجة ولدج اخترتيها برضاج يعني لاتحطين اللوم كله عليها.