حل لمشكلة مص الاصبع عند الاطفال

السلام عليكم انا ولد اختي عمره 3 سنين و مدمن على مص صبعه و صاير ضعيف وايد و ماياكل من كثر ما يمص صبعه فاللي عندي حله يقولي جزاكم الله خير

هلا شمعة ..

اللي اعرفه انه ينقعون اصابع الياهل ابشي مر .. مادري مرة مذوبة بماي او شي ثاني غير المرة

ان شاء الله اذا ما نسيت أسأل و أتأكد لج ..

مرة مرتين و يتوب ان شاء الله .. بس كان المفروض تحاولون من قبل لأنه يعتبر كبير

انا سمعت ان يحطون شاي زنجبيل على صبعه لأنه طعمه مر وحار شوي
جربو هالطريقه انا ولدي نفس الشي بس عمره سنه

مثل حال بنتي
بيصير عمرها سنتين ولي الحين تمص صبعها

مادري شسوي لها

الله يعينكم هذه مشكلة أزليه … اختي عمرها 23 سنة وليلحين تمص صبعها …

والله صج مشكلة مشكورين على هالحلول البسيطة وانشالله تييب نتيجة دعواتكم

من خبرتي
لاتهاوشين الطفل إذا مص اصبعه لانه بيتعلق فيها اكثر.
لكن راقبي ولمن تشوفينه بيمص اصبعه اشغلي يده بقلم تكتبون مع بعض فيه،
او دمية تعطيها ممية إذا كان طفلك بنت أو سيارات صغيرة يمسك وحدة وانت الثانية ….الزبدة اشغلي يده ينسى المص.
لانها عادة (لاتقولين عيب،لاتقولين لا….)
جربوا ولاتيأسوا على فكرة مافية برأة لو حطيتي مر بيغسلها اويمسحها او بيتحمل المر للعناد فقط وهذا طبيعي.

ماعندي أي فكرة