|
|
السلام عليكم
ابي اسأل عن حكم تاتو العيون(تحديد العين مثل الكحل)
مع العلم انه يظل فترة ويروح بعدين و ما يبقى له اثر
وشكرا
( نقلا عن فتوى للشيخ الدكتور عبدالعزيز القصار )
عضو هيئة التدريس بجامعة أم القرى
الرجاء الإفادة عن حكم الوشم غير الدائم، وهو ما يبقى لمدة عامين ويذهب، وهو عبارة عن لون يوضع في الشفتين أو في العينين لمدة سنتين ويزول بعد ذلك، هل حكمه حكم الوشم الدائم، الرجاء الإجابة ولكم جزيل الشكر وفقكم الله؟
هذا من الأمور المحرمة التي نهت عنها الشريعة، ولعنت فاعلها كما جاء في الحديث الصحيح: "لعن الله الواصلة والمستوصلة، والواشمة والمستوشمة" أخرجه البخاري (5933) ومسلم (2127) من حديث أبي هريرة –رضي الله عنه-، والمذكور في السؤال داخل في المنهي عنه؛ لأن النهي لم يرد فيه تفصيلُ بين ما يبقى أبداً، وما يزول بعد سنة أو سنتين، ويستوى في ذلك الرجال والنساء، وإنما ورد اللعن للنساء؛ لأنّ الغالب حصول الوشم والنمص والوصل للشعر من النساء.
وفقنا الله واياكم
والله تعالى اعلم
يعني مثل حالات الجروح اللي تصير بالحاجب وتغير من شكله يجوز تسدين الجرح بهالنوع من التاتو فقط
اما التاتو اللي متعارف عليه وهو اللي قالت عنه اختي لوكريسيا فهو ينقض الوضوء وعليه لاتقبل لك صلاة
لاني احسه حرام سبحان الله احس الواحد بقلبه يعرف الحلال من الحرام
مشكورين على الرد
بنات حبيت اشارك بالموضوع بس حبيت اقولان الوشم اللي الحين يسونه الصالونات حق الحواجب والشفايف مو يطلعون الدم ويردونه مع لون لاء ابره بلاستك ضعيييييييييفه فيها اللون اللي تبونه تقزه بخك صغير بالمكان اللي تبينه وترد تعيد تسوي نفس الحركه لين تترس المكان اللي مسويتله التاتو يعني بس لون تحت الجلد
انا كنت مع رفيجتي واهي تسوي حواجبها بهالطريقه ماطلع دم منها نهائي الا مكان ابره او ابرتين
بس حكم هالطريقه مادري ما افتي الله واعلم
بس حبيت اوضح طريقه التاتو مالت الصالونات لان طريقه اخراج الدم وارجاعه مالت تاتو الجسم اللي يكون على اشكال وفيه الوان
للعلم فقط
وشكرا
بس الحنه الي حلال
هذا الي اعرفه 
قبل لي شفنا وحده ويهها موشم قلنا عنها كاوليه الحين ماتدرين منهي الكاوليه ومنهي الكويتيه الله لايبلانا ههههههههههههههههههههههههههههههه
|
المشاركة الأصلية كتبت بواسطة الغاليه نونو
والله الوشم موحلووو بذمتكم في وحده صاحيه بالدنيا تروح تشخبط بويهها هذى ان حددت براطمها بالله راحت عزااااا شتسوي جدام الناس علي افتراض صار بيتهم عزا شتسوي جدام الحريم عاد اخذى طنازه وشماته المحدد بو اميه فلس مليون لوووووووون بنص دينار اخذيه وبس شكوو تعذبين نفسج بالتاتو
قبل لي شفنا وحده ويهها موشم قلنا عنها كاوليه الحين ماتدرين منهي الكاوليه ومنهي الكويتيه الله لايبلانا ههههههههههههههههههههههههههههههه |
اختي مو كل وحده واشمه تكون كاوليه ؟!! البدو بشكل عام كانوا يتزينون بالوشم يعني مكياج اول …تجدين بدو سوريا وبدو مصر وبدو الخليج
نساءهم يضعن الوشم الاخضر ايضا.
تحياتي.