|
|
السلام عليكم ورحمة الله وبركاته
مساء التقويم والشد
شخباركم حبيباتي وشخبار التقويم معكم
بنات انا شايفه هالموضوع بمنتدى ثاني وحبيت نسوي التجمع اهني بعد
عشان نشجع بعض بنخليه خااااااص سبيشل بالتقويم فقط
وطبعا هالموضوع بيفيدنا كلنا ونستفيد من خبرات بعض
يللا نبدا 
اول شي كل وحده تقول بجم حطته 
ثاني شي لمدة جم
وشنو نوعه ؟(عادي ولا شفاف)
والحين جم صار لها ؟؟ وين وصلت ؟؟
وماهي مشكلة اسنانها.gif "Eh S(10)")
ومتى موعدها الجاي ومتى اخر موعد
وشنو سوت بالموعد الاخير
واللي وصلوا للتقويم المتحرك يقولون لنا متى يحطونه ولمدة جم ؟؟
وماهي ماركة فرشة التقويم والعاديه ؟؟ وبالمره معجون الاسنان
ونبي احسن فرشه جربتوها وتنظف زين
واذا عورتكم اسنانكم من الشد وشنو تستخدمون مسكن .gif "Eh S(16)")
و وشنو تاكلون 
واللي خلصت تقويم اسنان اوت برا الموضوع .gif "Eh S(13)")
لالا امزح علمونا بتجاربكم عشان نستفيد 
يللا انتظر تفاعلكم
وان شاء الله بكتب لكم تجربتي بعد ماشوف تفاعلكم
تحياتي لكم يا احلى متقومات 
يالله انا بتابع الموضوع وبستفيد منكم …
انا اسناني الحمدالله معدلين بس الي فؤق احسهم شؤؤي نتفه يعني مقدميين ؤدي ارجعهم شؤي ؤرا
بس سمعت انه عقب تقؤيم بفتره اسناان بعدين تفرق صج هالكلام ؤلا !!
بس عموما انا للحين وايد مرتاحة حق هذه العياده ومواعيدها وحتى الدكاترة الي فيها وايد زينين يعني مو اي شي لان لعلمكم ترى انا كنت مركبة في الحكومة 4 سنين تقويم بس مافاد دكاترتهم خرطي ومواعيدهم هم على الطل … وعلى الفرشة وانتي هناك بس تخلصين من تركيب التقويم تعطيج اورقة فيها نوع الفرشة واهيا عادة ماتكون oral-b ومعاها هم فرشة ثانية نفس الماركة يكون لها راس يتبدل نفس شكل فرشة مميات الياهل المخروطية عشان التنظيف بين الاسنان وبين الحديد وهم غسول للفم من نفس الماركة عشان مايتراكم الجير عندج .. وللعوار انا اخذ cataflam احسن مسكن وسريع والمعجون ماكو فرق الي انتي تحبينة تستخدمينة عادي …. وانشالله اكون فدتكم انشاءالله تصير عندج خبره من تجارب البنات وتستفيدين معانا ..
لازم تأدبين ضرسج وترجعينه مكانه لوووووول
soo-soo
هلا فيج حبيبتي معانا ..اذا ركبتي تقويم بترجع اسنانج
وبيتغير شكل الوجه كله
واذا عن يرجعون بعد التقويم لامو شرط لان بعد التقويم الثابت يعطيج متحرك
تشيلينه وقت الاكل والتنظيف واذا حافضتي عليه عدل ما ترجع ولا تتحرك اسنانج .
توكلي على الله وركبيه وصيري من ذوات الابتسامه الحديديه لووووول
محاره
مشكوره حياتي لعرض تجربتج والمعلومات الي قلتيها ,, بس الله يعينج جنه كلف عليج مبالغ وطولتي بالتقويم
عمليتج اخر الشهر الله يقومج بالسلامه وترجعين لنا بأبتسامه هوليوديه وتحرينا 
يلا بنات بعد بعد نبي مشاركاتكم
بعد ما بلغت اعتفست مادري شكو الاسنان بالبلوغ!!! صار ضرس فوق الثاني يعني زحمه شوي
اما الفك الي تحت مافيه شي ما تغير …ومن كان عمري 14 امي وابوي يحنون ركبي تقويم وانا اعاند لاني كنت خايفه يعورني وانا ما اواطن
عيادات الاسنان من ادخلها ادوخ وتلوع جبدي من ريحة البنج
المهم بعد ما صك عمري 19 قلت خلاص عاد جني مصختها بالدلع لازم اركب واعدل ابتسامتي
وفعلا توكلت على الله ورحت عيادة الحكمه الي بالفحيحيل عند دكتور هندي طق عصي عنده زحمه
وركبته تاريخ 1-10-2007 يعني صارلي سنه الا شوي حطيته بألف واميه لانه شفاف زاد اميه لو عادي بالف ..وقالي بيخليه لمدة سنه ونص راحت سن والله يعيني عالنص
..موعدي الجاي بعد العيد عشان يششششششششد
بالنسبه للفرش عندي الفرشه العاديه من سانسوداين اتهبل وتصلح للتقويم لان راسها صغير وناعمه ,وفرشة التقويم اهي اورال بس الي تكون محفوره شوي بالنص هذي خاصه للتقويم وهم الفرشه الصغيره حدها مهمه للتقويم وعجيبه في التنظيف يكون لها راسين شكل الفرشه مخروطي وتقدرين ادخلينها بين الاسنان وحدايد التقويم وتنظفين عدل مدل ..اما المعجون عادي اي شي
اذا عورتني اسناني من الشد مالي غير بندول
بالنسبه للاكل كان عذاب لي في بدايت التقويم ما اقدر اكل بس اشرب واذا ابي اكل اكل اي شي ذايب مثل اكل الاطفال او اقطعه الف قطعه واكله حبه حبه يعني باختصار ممتاز حق الي تسوي رجيم وتبي تضعف
بس انا ابي امتن..بس الحين بعد ما تعودت عليه صرت اكل الاخضر واليابس عادي |
المشاركة الأصلية كتبت بواسطة "محارة"
 سلام انا قريت موضوعكم وحبيت اشارك معاكم واقول تجربتي .. انا مركبة تقويم عند عيادة الميدان عند دكتورة ريم الشطي .. وصارلي في سنة وعشرة شهور وانا بس مشكلتي مو في اسناني بس انا عندي الفك بعد فتقويمي حق الاثنين .. وتقويمي الحديد مو الشفاف لان احسن واقوى والشفاف مع الوقت وفي بعض انواع الاكل يتغير لونة يعني ياخذ صبغت الاكل … وقيمت التقويم من 1500 الى 2000 دينار ….واذا عادي بس تعديل اسنان تقريبا يكون 1500 دينار وانا تقويمي لانة جراحي كلفني 1800 دينار هذا من غير الاشعة وجم شغلة سويتها عندهم مثل التنظيف قبل لا اركب وضرس العقل شلعتة عندهم عند دكتور نائل الهزيم يعني كله تقريبا للحين وصل 2500 دينار … وعندي عملية نهاية الشهر الي اهي للفك تكلفتها بعد 5500 دينار بس سعر التقويم تقدرين تقسطينة يعني كل شهر تدفعين 50 دينار اقل شي وعندهم التقويم المتحرك بس يصير ثابت من داخل الاسنان يعني ماينشال ويتم معاج مدة طويلة احسن من المتحرك الي ساعه ضايع ساعة بالزبالة تلقينة واذا صرتي بمطعم تستحين تشيلينة
بس عموما انا للحين وايد مرتاحة حق هذه العياده ومواعيدها وحتى الدكاترة الي فيها وايد زينين يعني مو اي شي لان لعلمكم ترى انا كنت مركبة في الحكومة 4 سنين تقويم بس مافاد دكاترتهم خرطي ومواعيدهم هم على الطل … وعلى الفرشة وانتي هناك بس تخلصين من تركيب التقويم تعطيج اورقة فيها نوع الفرشة واهيا عادة ماتكون oral-b ومعاها هم فرشة ثانية نفس الماركة يكون لها راس يتبدل نفس شكل فرشة مميات الياهل المخروطية عشان التنظيف بين الاسنان وبين الحديد وهم غسول للفم من نفس الماركة عشان مايتراكم الجير عندج .. وللعوار انا اخذ cataflam احسن مسكن وسريع والمعجون ماكو فرق الي انتي تحبينة تستخدمينة عادي …. وانشالله اكون فدتكم |
ممكن رقمهم ؟؟
ووين مكانهم بليز ؟؟
لاا انا سمعت انه الاسناان بمكاانهاااا مرتبه بس انه يتفررق شؤي يصير بين كل سن ؤسن فراااغ حتى مع المتحرك !!
ؤبسأل عن عؤااار الشد يعؤر حددده ؤلا خفييف ؟
اول كانو اسناني حلوين بس من طلعتلي ضروس العقل واسنانس تخربطو اللي فوق جدام طلعو شوي والناب ماادري شفيه رد قري 
قوليلي شنو احسن عياده؟؟ ويصير اسوي تقويم بس فوق؟؟وجم السعر؟؟ ابي سعر مناسب بس مو الف لان وايد
انا مسويته صار لى سنتين و10 شهور كلفني 1700دولار عشان تعرفون حدود 7 الاف 8 المهم
مشكلتيه اسناني لى تحت كل واحد فصوب والحين الحمد الله صفه كانهم حب لولو وعندي لى فوق شوي شي بصيط متقدمات
وعشان جي ركبت وباقي شهرين وبفكه وبيعطوني الجهاز المثبت شفايفي كبرن ما عرفليش وحنجي تغير للاحسن
سوسو والله مادري اول مره اسمع انه يصير بينهم فراغ يمكن حسب كل حاله
وبالنسبه لعوار الشد اول جم يوم يعور شوي بس تقدرين تتحملينه عادي ومع الايام يخف
هلا فيج that’s it !
اذا اسنانج تحتاج سوي الحين احسن لان كل ما كبرتي تصعب السالفه ..ومو عافسنا الا ضرس العقل
والعيادات الي اسمع عنها ويمدحونها اهي ابها والميدان والحكمه عيادات خاصه اما الحكومه الاميري اشكثر بنات اعرفهم مسوين عندهم شغلهم عجيب بالتقويم وزحمه عندهم …
في حالات يسونلهم بس الي فوق حسب كل حاله لازم يشوفج الدكتور ويقولج حسب حالتج..
السعر هم حسب كل حاله في بنات 600 وتحت لانه حالتهم بسيط وماتحتاج واذا تبين سعر زين روحي الاميري حلو وبلاش بس مواعيدهم اطول كل الي عليج انج تشترين جهاز التقويم والاشياء الي يطلبونها منج واهم يركبونها لج ببلاش,, هذا ا
لي اعرفه ان شاء الله اكون فدتج واذا في بنات مسوين عند الاميري ان شاء الله يفيدونا بعد
ام حمدان حياج الله حبيبتي
واااااااااااي حمستيني متى اشيله وافتك ودي اشوف شكل اسناني بدون تقويم .. ان شاء الله تشيلين الي فوق بعد وتقولين لنا شكل اسنانج شلون صار حمسينا اكثر .. ههههههه حتى انا شفايفي كبرت جني مسويه تفخ ونااااسه
دااشه عرض بينكم<<<هههههه
_03ba:
انا مشكلتي عندي بروز شوي بالفك العلوي .. رحت عيااده ابهاااا خااص .. سواالي اشعه وكل شي وشلعت ضرس وااحد بالفك العلوي على اساس مع التقوييم يردووون … وفتره العلاج كانت سنه ونص والحمدالله تعدلووا البرووز اختفى واتعدلت اسناني .. وكان عادي مو شفاف وحاليا انا احط المتحرك
طبعا فووق المتحرك العاادي اللي تركبينه وتشيلييينه وقت الاكل بس يعني مو ثاابت لانه الدكتور مانصحني فييه قالي اقدر احطلج واغلى بس مو زين الاسنان ترد بسرعه .. بس حق الفك السفلي حطلي ثاابت عاادي اما الفك العلوي ما ينفعله ..
طبعا المتحرك احطه طوول اليوووم ما عدا وقت الاكل اشيييله
الموعد اللي طااف كاان 20-8 وطبعا انا بهاليووم شلت التقويييم يعني توني شايلته
وموعدي الياي بعد 6 اسابيييع تقريبا بعد العيد برووح واخر موعد مادري بس يبيلي سنه احطه وانا سامعه الاحسن تحطييينه سنتين يعني حاولي ماتقطعينه عشان مايردوون اسنانج
وكنت استخدم فرشه ماركه Gum يووم كنت حاطه تقويمي وللحين استخدمها
وكلفي العلاج 1,300 تقريباا
وصج وقت الشد والعواار اشربلي شي بااارد اول ماطلع من العيااده على طوول الضاحيه اشرب عوار قلب
وبس
المملوحه ان شاء الله يفيدونج البنات الي عندهم خبره او المجربات
GoDDeSs حياج الله حبيبتي
وناسه خلصتي من التقويم الثابت الف مبروك وعقبال المتحرك …شلون شكل اسنانج الحين! مثل ما كنتي تبينهم ولا احلى
, وبغيت اسألج عن المتحرك يعور ولا اخف من الثابت عواره ؟؟وفي شد يعني كل شهر تروحين تشدين مثل العادي ولا لا ؟؟<<غشيمه بالمتحرك