|
|
السلام عليكم
اليوم الصبح حاشني عوار مو طبيعي انا مو نوعي اصرخ وابجي اذا حاشني ألم
بس هذا العوار كان خيالي والله حتى الدكاتره اصرخ عليهم بس حمدالله عطوني مسكنات الم ومشى الحال
ومع الفحوص تبين انه معاي حصوه بالكلى
سؤالي
شلون تروح هالحصوه ؟؟ وانا خايفه يرجعلي الالم مره ثانيه الله لايقوله
في دكتور او عياده معينه تنصحون فيها ؟
ويارب اللي ترد على موضوعي او ترفعه الله يوفقها دنيا واخره 
شوفي على حسب حجمها أنا قالولي أغلي البقدونس وحطيه بالخلاط وشربيه وسويته
استغفر الله يلوع الجبد بس طلعت حصوة صغيرة احسب أن الحمدلله خلاص برتاح
بعد ساعتين رجع الألم مع شوية دم رحت المستشفى قالولي وحده طاحت والثانيه كبيرة من البقدونس تحركت بس ما تطلع كبيرة
فسويت عمليه حيييل بسييطه بالمنظار والحمدلله ارتحت وحطلي دعامه حق الكلى لأنها كانت تعبانه بعد اسبوع شالها
وهم عمليه بسييطه حييل
أنا دكتوري عبدالناصر السعيد بس مادري وين راح كان بمستشفى الفروانيه
لا تفكرين تسويينها هناك إلا إذا عندج واسطه أنا ولد خالي دكتور كان بمستشفى الفروانيه ويعرف الدكتور حتى ما نمت
لن المستشفى تخرع
في دكتور بمستشفى السلام أسمه شي فؤاد مادري نسيت بس عموما المستشفى أغلب دكاترتها زينيين
ما تشوفين شر
لان بالسونار قالي الحصوه اللي فيج كبيره بس بالاشعه مابينت مادري ليش
وعبدالناصر اعرفه
بس اهوا جراح مسالك بوليه للاطفال وراح الحين ابن سينا صار رئيس قسم جراحه الاطفال
اخاف اجرب البقدونس وتتحرك ويرد العوار عوارها يذبح مابي اتحرش فيها
انزيت مخالف اخر سؤال
ماعطوج حبوب لتوسعه الحالب ؟؟ انا عطاني دكتور الطوارئ وامي خوفتني قالتلي لاتاكلينهم
اب
اب
اب
العلاج الله يسلمج كثري سوائل وكثر ماتقدرين تشربين ماي شربي خصوصا ماي فلتر شربي كل شوي لمايطلع من خشمج لول
ومغلي البقدونس هم وايد ممتاز
كثري من البقدونس عموما…
وكثر ماتقدرين وخري عن الطماط والملفوف لانها من الممنوعات حق الحصوة!
بس لازم علاج,,, سألي دكتورج يسير تاخذين دوا اسمه سيستون ماركة هملايا هذا وايد ممتاز
وبالنسبه لتوسعه الحالب اللي اعرفه فيه دوا وظيفته الاساسيه شغله حق الراييل مادري حق البروستات شي جذي بس له وظيفه ثانيه انه يوسع الحالب
بحاول ادورلج اسمه
وفي حبوب صفره مدوره
طبعا ماتاخذينهم بكيفج شاوري دكتورج
وعسى ربي يشافيج ويعافيج طمنيني عليج عالخاص حبوبه لان يمكن مارد للموضوع مرة 2
ودوا اللي يوسع الحالب omnic
عليج بالمااي قد ما تقدرين لان الماي ينزل الحصواات ..
والله يشاافيج ويشاافي كل مريض ياارب ,,
اخوي الله يحفظه نفسج بالضبط
اسم الله عليه صار يشرب عصيرررر بقدوونس
وياكل حبوب صفراء صغيره بس والله ما اعرف اسمها
والحمدلله احسن من اوووول
الحمدالله انا بخير الحين دخلت المستشفى عشان يسولي فحوصات وطلعت رب لك الحمد
بس حصواتي الحبيبات للحين معاي والحمدالله انهم مو كلسيين فعطوني بودر اشربه طعمه مللللللللللللللللللح يلوع الجبد
.. كااان فيني حصووه بالكليه وكاانت تعورني بين فتره وفتره ورحت مستشفى السلاااام وربي هالمستشفي فظييييييييييييييييييع زين زين بمعني الكلمه.. سووو لي فحوصااات واشعه بس لازم تقووولين شنو معاااج بالضبط يعني كل شي فيييج لانه يسووون لج اشعه ملوونه واحتمال يعطوونج كورتيزوون وطبعاا الكورتيزون يتعب المهم سويت الاشعه الملونه وقعدت جم يووم رجوولي تعورني من الابره ولما طلعت قالي الدكتور تعالي باجر اسويلج عمليه تفتيت للحصوه العمليه سهله الحمد الله ماتحسين بالعوار يعني تحسين بنغزات خفيفه وطبعا يعطونج بنج .. قعدت تقريباا ساعه ونص بالعمليه اكوون وااعيه بس جسمي مخدر المهم انا سويت جلسه تفتيت وحده لانه حصوتي كانت صغيره 8 سانتي والحمد الله صارلي 3 شهور مفتته الحصوه ومافيني شي .. انا كنت خاايفه لانه قاالولي الحصوه اذا طولتي واهي فييج تسبب فشل كلوي من جذيه خفت ..والاهم من هذا كله صلي استخاره وشووفي شنو يريحج وسووويه .. ومااا تشوفين شر ياااقلبي .. انا قالي الطبيب انه الحصوات اللي فيني مفتته بس في جزء منهم ملتحم بالكلى وتارسه نص الكلى
ومايبي يسويلي جراحه لان انا من قبل مسويه عمليه عوده واهوا ماوده يتعبني بجراحه ثانيه
الحين يبيني اسوي اشعه نوويه بس متردده وخايفه ياربي اسمها يخرع
الاستخارة وماكو الا العافية
كثري من المااااااااااااااي