حدي منغثه من هالأبلة شسوي معاها :(

هـــاااااااااااي ..

شلونكم يا امهااااات و يا خواااااااات ..

انا منغثه واصله حددددي ..

اليوم اختي يايتني ميييته من البجي ..

مسكينه اختي من حررتها تقوولي ابي اشووف هالابلة تبجي مثل ما تبجيني و تحرني !!

شفيج شسالفة !!

جان تقول : اليوم الابلة قالت درجاتنا و منقصتني 8 درجات ولما قالت لي درجتي قاعده تضحك عليي تقولي ويك ويك درجتج موزينه .. و لما قتلها ابلة ليش !! جان تقوليها لانج تسولفين و لان لسانج طويل و قليلة ادب !!!!
جان تقولها انزين ابلة انا ما اسولف !!
جان تقولها لانج فتانه .. خلاص مابي اكلمج لا تحاجيني فهمتي !!..

ومرة من مده اختي قايله حق الابلة ان القروب اللي معاها ماخذين كتابها ويطفرونها .. جان الابلة تقولها يلا يلا ( ….) !!

وكل ماصار عندهم امتحان ..

الابلة تقولهم : ان شاءالله يااارب كلكم تسقطون وماتييبون درجة زينه و بيبلكم امتحان يموتكم من الصعووبه !!

واليوم تقول اختي : انها تقول حق البناات سكتو .. (…) .. و تقررص اذونهم @@

بالله عليكم هذي ابلة صاااحيه ولا شسالفتها بالضبط !!

انا ادري اختي شيطانه بس مو لي درجة انها قليلة ادب و لسانها طويل وانها تنقصها 8 درجات وكل يوم تيي اختي تتشكى من هالابلة يا تحرها او تطفررها او اتضحك عليها جدام البنات!!

واااااااااي اليوم سويت ضجه بالبيت .. اقول حق امي اذا ما رحتي لها وقفتيها عند حدها والله انا اروح لها ..

تكفووون شالحل مع هالابلة !!

لازم شكوى للاداره مباشرة من عدة أولياء أمور
…. اتصلو على أهالي صديقات أختج .. واتفقو تقدمون شكوى موقعه رسميه بورقه … وروحو قدموها للإداره ( ولا تنسون صورو نسخه لكل وحده من أولياء الأمور ) ,, وكتبو بنهاية الشكوى : نرجو التعامل مع المدرسه المذكوره بالتصرف المناسب .. والرد علينا برساله خطيه عما تم اتخاذه من إجراءات للحد من تصرفاتها مع بناتنا ..

حبيبتي مشكوووره على كلامج والله ريحتيني.. يعني الحق معانا مو معاها الحمدلله

تكفين دزيلي عالخاص باي مدرسه جنه الي قاعد يصير معانا بعد

مصيبة معلماتنا ان نفسيات البيت يقطونها ع الطلبه؟؟
يمكن فيها عقد نفسيه لأنه ملاحظ من تصرفها انها مسكينه؟
وبعدين ماقلتيلنا اختج بأي صف؟
علشان نحكم على كيفية تصرفها؟.؟؟
لاتصدميني وتقولين ابتدائي ترى ابجي عاد؟؟؟

اختي بالابتدائي ..

ومشكووورين بناااااات .. واليوم تفاهمنا مع الابلة و بنشوف شبتسوي مع الايام !!

ماكو تفاهم … حبوبه اللي أخلاقها بهالطريقه مع أطفال بالابتدائي شتكون ؟؟ .. ماتتفاهم ولا ينفع معاها تفاهم .. بتحط عالبنت !
لازم شكوى … الله يحفظ عيال الكويت وعليه مساكين.. إبتدائي وجذيه مسويه فيها

شفتي شلوون @@

حاطها دوبها دوب هالياهل !!

احنا بنشوف مع الايام ان ما تعدلت بنشكتي عليها مع مجموعة بنات بعد ..

وايد زين .. الله يصلحها ويهديها ..

الله يهديهااااااااااااااا

كوارث والله كوارث حق بناتنا وعيالنا.
الله يهديهم يارب.ويفرج للي حالاتهم مستعصيه.

والله اول كــآنت عنــدنــآ أبلــه بالمتوسطــه بنآت كآنت تطــق طــق وتــزف زف وعصبيــه والله تطق بالمسطره حيييييييل آخر شي يتنــآ مكسوووره إيــدهآ وآلآ تقول وحــده ان هي يم بيتهم ان ريلهــآ كل يوم يطقهــآ و ….. واحنا صج ملآحظين ورمآت عليهآ وعيونهآ دآيمآ زرقآء وهذي اكييد فيهــآ نقص صدقيني وتطلع الكبت عالبنــآت مشوهآ سيــدآء او اشتكوا عليهــآ

والله يصلــح بآلكم يــآرب

* تم تعديل الرد بواسطة الإشراف : حلم الطفولة *

للاسف وايد ابلات جذي يطلعون حرتهم باليهال

الله يهديها

والله يعين الطلاب عليها

يوووه والله ذكرتينــي بأبلاتنـآ آلمهبــل

ههههههههههههههه

إحنـآ أبلتنـآ آلكيميـآ نسألهـآ أبلــه شنو هذآ مو فآهمين آلمسأله

تقول دبرو أعمـآركم << عسسسى ماشششر بس

خليها على الله

انا نفس المعانااااااااه يوم الثلاااااء امخلي بنتي تبجيي تقول للها بسقطج ولا صار شهر 6 راح تعيدين السنه كل ابوهاااااااااااااااا

رحت وتفاهمت معها ومالقييييييييييييييييت حل ابدااااااااااااااااااااااا حطت الغلط كله على البنت

امري لله وحسبي الله ونعم الوكيل اذا هي شايفه نفسها كبيره فوقها الي اكبر منها

والله يعنكم ويعينا على هلابلااات