حدي متوهقه بالأسبوع التمهيدي

السلام عليكم كويتيات
حدي متوهقه
احنا الإثنين هذا دوامنا
المديره طلبت مني اسوي ملف عن الإسبوع التمهيدي وكافه البرامج اللي نسويها
وعمل المطويات

وأبي تعطوني افكار لأن حدي متوهقه مدري وش اسوي
تكفووون معروووف عنكم راعيات فزعات افزعوا لي
ولكم الدعوه والأجر

مافهمت شنو المطلوب بالضبط
ممكن توضحين

حبيبتي المقصود وش الأنشطة اللي تسووها للمرحلة الأبتدائية بالأسبوع التمهيدي للصف الأول
يعني وش الأطباق اللي تعملوها ووش الرسومات
وش الألعاب الحركية اللي تعملوها
وكيف تعرّفوا الطلاب على بعض
انا حطيت الأطباق عمل ساندوتش
بس هذا اللي ببالي
ابيكم تساعدوني

انا مو فاهمه انتي شنو تبين بالضبط يعني تبين تسوين افكار لاستقبال الطلبه بالعام الدراسي الجديد ؟؟؟

ما ادري انا برايي الاطباق شكو بالعام الدراسي الجديد
ما ادري حبيبتي لو توظحين لنه بالضبط شنو الي تبينه انشالله مانقصر وياج

أفا عليج بس انتي قولي شنو الشي اللي تبينه بالضبط و احنا نعطيج أحلا للأفكار
اللي فهمته انتي المسئوله عن تعريف طلبة الصف الأول بالمدرسة و الدراسة و ببعضهم بعض؟؟
شنو بالضبط قولي حبيبتي شنو الشغلات الأساسية؟؟