|
|
السلام عليكم ورحمة الله وبركاته ..
خواتي الامهات والحوامل .. الله يسهل لكم حملكم وقومكم بالسلامه ويرزقكم بالذريه الصالحه
حبايبي انا حاليا بالانفاس وصار لي 13 يوم طبعا قيصيره والحمد الله رب العالمين والله يسهل وخفف علي هالايام
بنات ريلي صار له جم يوم يفتح معاي موضوع السفر بعد الاربعين مباشرا وانا مو متقبلا الفكره نهائيا وقول لي بس تغيري 5 ايام وانا متودي ولعدت اسباب
بنات انا هذا مو اول ولاده لي هذي رقم 3 وانا كل مره متعوده انا وريلي اطلع من الاربعين اسافر على طول وبعدها ارجع لبيتي وخلي الياهل عند امي بس هالمره مو حابه وريلي يبي وطبعا انا لي اسبابي ومنها
1-انا ولدت بنتي اصغيره كيلو و600 زرزوره ونتفه والتعامل معاها صعب صايره وايد اخاف عليه بشكل مو طبيعي مادري شنو السبب يمكن لانها صغيره
2-صايره اخاف اخليها مع اي احد لو ثواني كل حاط في بالي ما يعرفون لها
3-احس اني مصتصعبه اخليها عند امي 5 ايام اخاف تغفل عنها او ما تقوم لها خاصه ان الوالده كبرت مو مثل الاول
وخواتي يقولون خليها عندى وما يقصرون بس اخاف ما يقومن لها او يهتمون فيها
4-ودي اصلي صلاة استخاره بس انا بنفاس ماينفع ومحتاره ارسافر وخليها او لا ؟؟
5- السفره هذي محتاجين لها انا وريلي كثير طبعا انتوا عارفين حمال والنفسيه سيئه والمره التغير وتهمل في بعض الاشياء والرومانسيات فالريل محتاج للتعويض وحتى انا ابي اسافر احس اني محتاجه للسفر كثير نفسيتي وايد تعبانه من الحمال واليهال والمدارس والولاده والنفاس ابي اريح وارد احس اني اؤنثى بس قلبي مووووووووووووو مطاوعني ؟؟ وريلي يبي يجدد الحب والشوق والرمانسيه
6-انا ارضع بنتي طبيعي وما ابي اقطعه لانها صغيره وضعيفه ؟
بنات صارحة ريلي بمخاوفي قرد علي قال اوكي 5 ايام ناخذ فندق اهنيه بالكويت بس بدون الصغيره وتظل عند امج ؟؟؟ نفس الشي يعني بخليها عند امي وبعيده عني يعني اسافر احسن ؟؟
حاول اقنعه اخذ الصغيره معانا مارضى وبعد شقول لعيالي اذا خذيته 5 ايام معاي وبعيده عنهم بعد ما تعلقوا فيها وعيالي صغار ما يفهمون ان بنسافر اخاف اثر على نفسيتهم ؟؟؟
وامي تقول سافري وستانسي انتي وريلج دامه يبي وخلي البابي واليهال عندي وانا مو قادره المره يطاوعني قلبي وخليها اخاف عليها انا امها ساعات اتعايز بالقعده لها هالدور اهم
وايد متردد شوروا علي بنات حدي ممحتاره جزاكم الله خير
اسافر مع ريلي ؟؟؟
او اقعد عند بيتي ؟؟؟
جربي اتسافرين وتاخذين بس الصغيره عشان لا تحاتين و اخذي اي خدامه
او ممكن تتدلعين على ابو العيال و تخلينه ياجل السفره لي بعد ما تكملين 6 شهور اتكون بنتج حليوه تخلينها عند الوالدة
وصلي استخاره احسن يا قلبي
وريلي مو راضي يصبر الي قبل الاربعين او لم انظف يقولي برتب اموري وحجز
وما شاء الله تعرفون الرياييل اذا حط شغله او موضوع حار بحار لازم يخلص اموره وسنعها واعرف الي له وعليه غلشان يرتاح 
بس اهو مو راضي ناخذها معانه بالسفر ولا حتى ناخذها اذا بفندق بالكويت يقول شكوا يايبتها احنى برةح نستانس وجدد شهر العسل كل اشوي تصيح وتفزين لها وتعالي شيليها لو طلعنا وغيره
وان نروح فندق اهنيه وكل شوي اروح لها بيت ابوي بصراحه مو حاوه ولا هي عدله يعني رايحين للفندق بس للنوم اظل بيتي احسن ومع اعيالي اذا على النوم والمطاعم
بس اهو يبي يغير جو وانكون هال5 ايام بروحنى لا شي يشغلنا ولا شي بس ننشغل بعض نطلع انسولف انظحك بعني يقول مو عالنومه بس انا مشتاق لدلعجوسوالفج وطلعاتنا وسفراتنا
والله حدي محتااااره اسفر وله لا ؟؟
وامي حبيبتي تقول روحي استاني ودام ماعنده اجازه واهو دبر هال5 ايام بطلعت الروح بعد ما كلم المدير لا تكسرينن فيه
بس والله احاتي وخايفه عليها ومو مطاوعني قلبي
كل اعيالي لم كنت اطلع من الاربعين واسافر كانوا من يطلعون من الاربعين الا واهم اسم الله عليه احليوين ووكبرانين ومتعافين
هذي من كثر ماهي صغيره وانتفه والله حتى لم تبجي ما ينسمع لها صوت بالقصب يطلع على قولت امي تقولي هذي شلون تسمعينها لو بجت وتقومين لها
الله كريم حدي محتاره ؟؟؟
روحي غيري جو و هيصي مع ريليج ربي يخليكم لبعض راح تردين فرش و لاحقه على مجابل اليهال وصيحتهم ^_^
الله يسهل