حالتي النفسية صايرة مو اوكي وريلي كلا يعصب علي

السلام عليكم بنات اشلوونكم عساكم ابخير …

بنات الحاله النفسية للحامل اتاثر على الجنين والا لاء ؟؟

والحامل اتكون دايما مزاجها متعكر ونفسيتها مو اوكي ؟؟

انا من اول ما حملت وانا مالي خلق ريلي كلش وكلا اتناجر وياه والمشكله انه اهوا مو مقدر اني حامل عشان جذي اعصب لا عباله انا قاعدة اعاندة

شسوي بنات هالشي ياثر على الحمل ؟؟

اللي اعرفه ان تاثر على الجنين لانه يحس بامه

وكلمي ريلج قوليله حامل والفنسيه شلون تاثر

ولا سوي برنت من النت وعطيه يقراه

مشكوورة حبيبيتي …

حبيبتي اكيــــــــــد الحاله النفسيه تأثر علي الجنين خصوصا الاشهر الاولي ..حرصي علي نفسيتج وانا كنت نفسج حتي مرات توصل اني اروح انام بغرفه واخليه بغرفه بس الحين الحمدلله تعدينا هالمرحله ودير بالج تري الياهل يطلع علي نفسيتج وانتي حامل خلج مبتسمه ومستانسه عشان يطلع ونيس .. والله يتمم عليج وتوصلين لي تمامه انشاء الله

بحاول اذا ريلي ما عصبني …

حبيبتي من التكر دريت ان توج حامل وطبيعي والله عادي
حطي بالج انتي بالاشهر الاول ونسي نفسج بأي شييييي وعلى طوول اقري قرااااااااااان ترى الياهل يطلع هادي يوم تقرين قران وايد بالنسبة حق علاقتج تجااه ريلج …. انا الله يسلمج كنت اتنسى عليه ما كان لي خلقه وكل ابيت اميييييي وعلى اقل شي نتناجر ولدرجة اني صرت ماحب يوم ايي صوبي ( فهمي قصدي )بس والله من نهاية الرابع كل شي يتعدل والمزاج يصير اوكي …. والعصبيه شي طبيعي تتنرفزين على اقل شي انا مثلج في ناس تتستمر معاهم العصبيه والمزاج لي اخر الشهر ومرات بروحج بروحج تبجين بدون سبب يعني عادي بس انتي فهمي ريلج وقوليله انج سألتي حوامل وقالولج نفسج الشي

وانا بعد مثلج نفسيتي زفت وصايره عصبيه وايد

عادي وازيدج من الشعر بيت كل ببكي وبطنقر واي شي سخيف يزعلني الله يعين ريلي

عادي حده في الأشهر الأولى تكون نفسيتج جذي بسبب تغير الهرمونات بس لا تحاتين هالشي يروح بعد الشهر الثالث..
وانتي قعدي قعدة خاصة مع ريلج فهمي حالتج وقوليله إن يقدر وضعج وإنج متضايقة من نفسج بس شنو بإيدج؟!!
وهو أكيد بيتفهم إن شاء الله .. وترى النفسية حيل تأثر على الجنين فديري بالج

ريحي نفسج لاتعصبين

مشكوورين بنات وايد على ردودكم .. يعطيكم العافيه ويارب تمم على كل وحة حامل وسهل عليها انشالله …

انا شكثر اتنرفز ونقهر من ريلي واااايد يحن وكل عيزان وما اقدر اتحمل الدرجة كل ابجي من يوم الحمل والحين وانا ابجي وعباله أني ادلع وساعات صج ادلع عشان يحس لان صراحة كل تعب وشغل البيت يبيلة بروحة شغل وغير قعدة مع ريلي ولي يبي اسوي فوق طاقتي بس اعصب ماكو فايدة من ريايل واذا نمت يخرب نومتي عشان يطلع ولا يخلني وانا بس بطني تعورني شنو نسوي الجنين يتعب وااايد بس الله كريم ريلي زين شوي بس واااايد يحن وينرفزني

اللي شايفته من توقيعج انج ببدايه الحمل

يعني بفتره النساه

دشي مواقع تتكلم فيها عن فتره النساه وبتلقين مواضيع وايد تتكلم عن كره الحامل للاكل والناس والاعصاب

وخليه يقراه

لانه ريلي ماكان مقتنع ودشيت له موقع عن الاكل وشافه

لانه ماكان مقتنع اني كرهت الاكلات اللي كنت احبها

ريحي نفسج لاتعصبين