حابة تعرفون باقي الموضوع

السلام عليكم

دايما انا معاكم ولو من خلف الكواليس اتابع خبراتكم ومقتضى حياتكم

وبيوم من الايام طرقت بابكم بالمنتدى اناشدكم حل في مشكلتي واللي تبي تشوفها أهي
بهاي الرابط
https://www.q8yat.com/t664676.html

مختصرها ان في ظروفي الحالكة اللي اعيشها قرر زوجي يسافر
وبدون راضاي لثقل المسؤلية اللي على راسي و البنات ماقصروا
كلموني واسدلوا لي بالمشورة والنصيحة بس ما دريتوا شلي صار بعدها

اللي صار يا حبيباتي ان بيوم اللي كنت اتوقع ان يرد الديرة اتصلت الصبح على صديقه
وسألته فلان ما يتصل لك ما قال لك على اي طيارة بيوصل
قال لي بلا أهو اتصل الصبح وقال لي على الخمس هو واصل
طبعا هذه كانت المرة الاولى في حياتي اللي اهوا يسافر فيها وانا لا أأخده للمطار ولا استقبله
وطبعا صديقه ما كان يدري شلي بيني وبين زوجي بس اهويعرف ان علاقتنا طيبة وقوية
وما توقع اني ما كنت اعرف
المهم ، اني غليت من القهر بزيادة وصرت اقول الله يالدنيا الصديق صار اقرب مني ليه
يتصل ليه ولا يتصل لي وظليت معصبة وحالتي حالة والقهر ضاربني
وكل شوي اجي اقرا ردود الاخوات واقول بالله شلون اطبق هالنصايح واني بهالقهر

وفجأة على الساعة 5 ما شفت روحي الا مطيبة نفسي واقول ليها بسج عاد الشي صار وخلص
وخل اكسبه بموقفي
وعلى طول وينك يالحمام وأخدت دوش وتروشت وتعدلت وتمكيجت و لبست الاطفال وعدلتهم لاستقبال ابوهم
ودخل البيت واستغرب مننا ، حسيت ان الخجل كله مالي عينه ما عارف يبرر لي اي شي

هذه اول رحلة يسافرها بدون رضاي وفي ظروف قاهرة والعيال مرضى واني بروحي مالي احد وفوقها ما يتصل فيني ـ الله شلي صار – اول مرة يغيب عني وما يتصل
والله اني حسيته منكسرويباعد عيني عن عينه واني عادي ما كأنه شي صاير
ومن بعدها ما عدت فتحت ليه هالموضوع نهائيا ولا كأن شي صاير ومرت الايام

بتسألوني ليش رجعت لكم بالموضوع وبقول ليكم

كل اللي صار على بعضة من اوله لتاليه كان درس ربي كان يمهدني فيه لأن أحمل اعباء اكبر وما انكسرفيها ولا أنحني

اللي صار ان بعد هالمشكلة تقريبا بسنة او ازيد و اني كالمعتاد انتظر عودته من العمل وفجأة كل وسائل الاتصال انقطعت ما عندي خبر عنه غاب ورجاءا لحد يسألني في فتافيت هذا الموضوع لانه يوجع القلب وما اتحمل ذكرياته بس اللي ابي اقوله ان بعد كم ساعة عرفنا الموضوع وعرفنا وين فيه والسبب
عايلته كلها وقفت معاي وقفت رجال محد قصر معاي ولا حتى اهلي الكل يحاول يكون معاي بأزمتي التي اجبرتني ان اكون ام واب البيت والاطفال ولمدى غير معروفة
وكلما مر علي موقف من مواقف الحياة اليومية قلت نعم عندي خبرة فيه وصمتت وتصلدت اكثر علشان عائلتي ما تنهار
كنت احن ابي اسمع صوته واني عارفة اني ما اقدر ، بعد يومين اتصل اخوه يكلمني يقول لي ان زوجي اتصل فيه و عصبت وتهاوشت معاه قلت ليه ابيه يكلمني قولوا ليه بموت بدون ما اسمع صوته
وفي نفس الوقت اقول تجلدي انتي مريتي من هالدرس و ما سمعتي صوته اسبوع فترة غيابة وكنتي قوية قدام الناس عادي تحملي
كنت اقول تركني وسافر وانا ويالمسؤليات ورجعت احمد ربي واشكره ان اللي صار درس علشان هالمصيبة اللي حلت علي و اكرر وبشر الصابرين واحتسب الاجر في هالاطفال اللي مسؤليتهم على راسي
80 يوم غاب عني بدون سابق اندار ما تذوقت طعم النوم ولا الزاد انحسر وزني 20 كيلو و اللي يشوفي لازم يسألني شلون صرتي جذي اللي يعرف يعرف واللي ما يعرف اريح لقلبي
صحتي صارت دمار في فترة غيابة وللحين ما ني مترقعة من المشاكل الصحية بس هذا قدري وهذا اللي انكتب علي صارت الازمة اللي مريت فيها حل لكل مشكلة تواجهني في الحياة
بما اني جربت اتحمل كل هذا في الازمة يعني قادرة على تخطي هذه المشكلة

وصدقوني كل بلوة ومصيبة شفتها فترة غيابه كانت تثير فضول من هم حولي كيف اني صابرة لدرجة اني قلت ذات مرة لصديقي ان كل بلوة شفتها الا شيء واحد الله لا يبلغني اياه هو ان اترمل

المهم طولت عليكم
بس خلاصة القول ان مو كل شي يواجهنا بالحياة حتي لو ما كنا حابينه ما منه عبرة ولا فايدة
فقط علينا الصبر والحمد والثناء والشكر و الله وعدنا بالقران بالبشارة (( وبشر الصابرين )) والاجر ثابت عنده اكيد

مافهمت شسصار فيه؟
بس مأقدر اقول الله يهديلج عيالج ويصلحهم لج ويثبتج يارب العالمين

ولا انا الصراحه
بس الله يصلح الحاال

ريلج وينه الحين ؟؟؟؟؟؟
ترا مو فاهمين شي

دايما اقول الزوج مش اهم من صحتي وسعادتي

اذا اقتنعتي بالجمله اللي فوق

الامراض والتعاسه لا تعرف طريقها لك

فوفو

الله يسخر لك زوجك ان شالله والله يصلح عيالك

اهم شي ياقلبي الصبر والدعااااء ولاتنسين سهااام الليل الصلاه

الله يصبرك ويصلح شانك

الله يسخر لج زوجج ويرده لج
بس شنو السالفه العنوان حابه تعرفون باقي الموضوع ولا عرفنا شي كانه لغز كلامج

اي صبري ماقلنه شي بس لمن شافج ماحاسبتيه وجنه ماصار شي عادها
وانتي بينتيله انج راظيه عن الوظع
لازم يعرف شنو موقفج
حطي حد للموضوع

االله يصبر قلبج ويفرجها لج ربي

[الجوهرا=QUOTE]
مافهمت شسصار فيه؟
بس مأقدر اقول الله يهديلج عيالج ويصلحهم لج ويثبتج يارب العالمين
[/QUOTE]

يمكن لآنج ما قرأي اللي بالراط ، لان هذا الموضوع تتمته للي صار من بعده

وشكرا لك عزيزتي وبارك الله فيج

شكرا اختي نونو ,,

علشان تفهمي الموضوع يفترض انك قرأتي الموضوع اللي بالرابط
https://www.q8yat.com/t664676.html

وانا كاتبته بأول الموضوع
واذا ما وضح لج ارجع واعيده ، يسلم راسج

شكرا لك

رجع بالسلامة بعد غياب عنا 80 يوم دون سابق انذار
محنه انفرضت عليه وانفرض علينا نتحمل تبعاتها
بس هدفي من الموضوع ان الكل يعرف ان رغم الالم رغم المحن رغم عتمت الليل في وسط البلاء والكرب شي واحد علينا نفهمه ونستعقله حقا بأن الله موجود معنا دائما

شكرا لك يا اميرة

معاج باللي تقوليه انه مو اهم من الصحة
وبالاساس المرأة ما يفترض تخلي حملها على الزوج لآن بأي لحضة بيغيب راح تغيب حياتها
معاه ويفترض ان تكون صلبة وصلدة كالرجال علشان تتحمل الشدائد
بس ما يعني ان الصحة ما تنهار وسط زحمة الحياة وخصوصا لمن تكابدها المسؤليات

يعني مو معقولة اقضي يومي بالجيم والسبا وانا عيالي مالهم احد غير رب العالمين في غياب ابوهم غيري , شي طبيعي ان كل وقتي لهم
واذا المخ انشغل والقلب ركبه الهم بعد لا تسألي في الصحة هذا مو شي باليد الواحد يقدر يتحكم فيه وزر كهربا ينطفي ويولع بارادتنا
احنا بشر وتمتلكنا المشاعر واللي صار ليه فوق احتمال المشاعر الانسانية وشي طبيعي اتأثر ليه لاني زوجته

شكرا لك جزيلا و شكرا لكلماتك

ويبارك رب العالمين فيكي ويكفي هم الدنيا والاخرة ، شكرا لك

شكرا لك ريم خانوم ، بارك الله فيكي

شكرا لك عل الرابط وترا اني وحدة بالفعل ما اعرفه وان شاء الله امر عليه اشوف ايش صاير

شكرا لك وشرفنا مروركم العطر

ما ادري اذا انتي فتحتي الموضوع اللي بالرابط لو لآ ؟

هذا هو
https://www.q8yat.com/t664676.html

في هالموضوع اذا حابة تقريه بتعرفي ان مريت بظرف وحسيته صعب والدنيا وهمومها كلها ركبتني على اثر سفر زوجي المفاجي وفيه ردود حلوة للبنات واللي اخدو خاطري
بس مع الايام عرفت ان اللي صار كان كله درس علشان لحظات اصعب ذكرتها في هذا الموضوع

بالاول وبالتالي لازم نعرف ان الله سبحانه وتعالي حين ينزل علينا محنة او بلاء او مشكلة انما هي دروس وعبر لنا ولغيرنا و ان الله معانا في كل وقت

هذه الخلاصة ونورتينا بوجودج ، شكرا لك

أحد حد للموضوع لمن يكون الشي بيده وبأختياره
بس لمن يكون اجباري يبتعد عني وما يتصل لي وما اقدر اوصل ليه فهذا شي ثاني

مثل ما تقولي لكل مقام مقال

شكرا لكي وحياج الله

تشكري غلاتي ، ونعم بالله
نحن حقا نجاهد داخل بيوتنا

الصراااااااااااااحة والله مافهمت شي وين زوجك؟؟؟ والجزء التاني شو الحكمة منه

الله يعوضج خير على صبرج
لازم نتعلم خير الامور الوسط لا نكون متطرفين بمشاعرنا اتجاه الزوج ولا الغي شخصيتي واعتمد
اعتماد كلي عليه بالنهايه اهوا بشر ودوام الحال من المحال

الله يعينج