جهاز المشي ؟؟

السلام عليكم شلونكم بنوتات شخباركم ..منو فيكم جربت تضعف على جهاز المشي وهل مثل مايقولون ينسق الجسم من الترهلات ؟؟
لأني مفكرة اشتري جهاز واجابلة ..ناطره ردودكم الحلوة

والله اذا فيج حيل حلو
بس ممل حطيه مقابل التلفزيون
والي يمدحونه حيل اوربت تراك والغزال الطائر

ممتاز الجهاز بس اول 3 يام امشي نص ساعه بعدين زيدي 40 دقيقه بعدين زيدي 60 دقيقه وطبعا نفس الشي السرعه وعجيب وراح تضعفين حبيبه

المشي على المدى الطويل ينسق الجسم وايد

وهذا غير الفوائد الثانيه

ينزل الكوليسترول السئ ويرفع الكوليسترول الجيد << هذا اهم شي

وغير انه يشط الدوره الدمويه

بس اهم شي انه تزيدين السرعه مع الوقت والمده طبعا

ولا تنسين السترجنغ ( تمارين التمدد ) قبل وبعد المشي << علشان ما يصير فيج شد عضلي

المشي بحد ذاتة روعه للجسم بس الاجهزة وعن تجربه تخرب الركبه

وهذي نصيحه لج قبل لا تخسرين ركبتج

حتى جهاز المشي يخرب الركب؟

اتوقع الجهاز وايد زين ومن عمر جهاز المشي الكل يشتريه

انا ودي بس اعرف نفسي كسوله ومالي خلق والا لو لي خلق جان صرت غزاله

ياحياتي يابنات شاكرة ردودكم الحلوه وياي ..
وفادي ليدي اتوقع سبب ألم الركبه يمكن لمه الواحد مايبدي بالمشي بتدرج او يكون بين فترات بس اذا كانت بفترة متواصله ومثل ماقالت الحبوبه جولي لازم قبلها تمارين السترنجنغ تمارين التمدمد يكون مافيه اي مشكلة ..