|
|
بنات والله ضايق خلقي حيل
جلبي متوعد يفتر بالفريج من 6 سنين ياخذله جولات ويرد لي عادي
ذاك اليوم فقدته يومين ما ياني البيت ولا طق الباب ولا شي رحت غرفته ماكو احد الحوش نظيف اهو كل مره يعفسه
ويحذف القى له اثر على الاقل هم مااااكو
اليوم الثالث وانا رايحه الدوام لقيته نايم مو عوايده اناديه ما يرد قلت الحبيب زعلان يمكن
طليت بويه ولا شنو والله صاعقه
طاقينه على عينه باطينها ومشلوعه نصها !!!!!!!!!!!
واااااااااااااااااي ما ادري شصار فيني بغيت اودي مستوصفنا من الخرعه حراااام والله منظر بشع ونمل وذبان على عينه
وااي بنات والله ضايق خلقي
المهم شفطت على الدوام ووديته البيطري ودشيت على الدكتور وقال عمليه ضروريه الحين
دخلوه العمليات وقالي ترى تعبان قالي دفعي 50 دينار على العمليه وتعالي الساعه 7 ونص اخذيه
رجعت له ولا حاطينه بغرفه ودرب ونايم مخدر والله بنات انا احب الحيوانات
وخاصه اهو انا احبه لان ذكي حيل ويفهم ويعرف ان البيت ما يدشه نهائي يوقف عند عتبة الباب
وما يرضى اي احد غريب يدش البيت
متعوده اشوفه عند الباب
المهم كل يوم اروح له حضرته مخدر ومخيطين عينه وما ياكل ولا يشرب بالابره انقط بلحجه
صج لوعت جبد ما احباجيس الجلاب والله كاسر خاطري اول مره يصير فيني جذي
ولي الحين وعليااااا وضايق خلقي ما ادري شسوي عندكم شي تفيدوني فيه حق عيونه ؟؟؟
بموت ولا لا ؟؟
قلبي عورني.. شوفي صح تربية الجلابه ما تجوز بس انتي لازم تهتمين فيه وتاخذين اجره.. وشوفي شيصير معاه..
سؤال عين وحده ولا ثنتين؟؟
اذا ثنتين خليه بحوشج لما يتشافى وكل يوم حطي اكله وماي لأن راح يكون عاجز..
يا الله راسي عورني حسبي الله عليهم
شنو هذا صج مابقلبهم رحمة اللي سوو فيه جذي وراح يتحاسبون عند الله حساب عسير
المشكلة حبيبتي للاسف العين اللي انشلعت ماترد خلاص نفس الإنسان
بس اهم شي الحين ترد عافيته ويصير زين لاتحاتين اهم شي الاهتمام ابهالوقت بالذات لانه تعبان حيل بس راح يعيش ابعين وحدة وهذا امر الله مانقدر انسوي شي،،،،،انا عارفة ومن غير مانوصيج راح تهتمين فيه وان شاء الله لج الاجر يارب
وخليه عندج بالحوش أجر لج
بميزان اعمالج انشالله وديري بالج عليه
بس ديري بالج عليه هذا روح مثل الانسان
والله الحيوان اخلص من الانسان واوفى
ربي يجازيهم الجزاء اللي يستحقونه في الدنيا
قبل الاخرة
طبعا ما يتحرك انا دخلته عندي البيت بالممر حطيته مال الحديقه سويتله مكان وهديته مو قفص
كل يوم اعطيه ادويه صبح وعصر لوع جبدي بالسباحه 5 مرات اتسبح باليوم بسبته
والادول والكالبول كل 4 ساعات ومضاد حيوي مال اطفال بالابره كل 8 ساعات وعطيته فيتامينات ملوت بنتي هم بالابره مرتين عشان ياكل لانكله مخدر وما ياكل من الادويه اللي معطيه اياه الدكتور الظاهر قويه
لان مسكين ساعات يون ويبجي من الالام بعد عمري فديته
احاول العب معاه ما يلعب
والله كريم حسبي الله ونعم الوكيل حسبي الله ونعم الوكيل حسبي الله ونعم الوكيل على كل من يأذي الحيوانات ويعذبهم
كسر خااااطري
الله يخفف عنة ويقوووومة ويعطية الصحة والعاااافية
والله يجزااااااج خييير على الي تسوينة ماعلية تحسبي الاجر فديتج
وطمنينة عنة مو تنسين
حراااااام قولي للطبيبب اللي يعالجة يعطيك دوا لعينه وله لما يرجع البيت بالسلامه
انشالله بيصير احسن لا تحاتين
يالله متى هالديره تحط قانون يكون في حقوق للحيوان مثل باجي دول
تكون فيه عقوبات قانونيه عشان جد الناس اتوب
لان بني ادم شكله مايكفيه كلام ربه او مستبعد عذاب الاخره وما يخاف الا من بني ادم نفسه
سبحان الله شوف الدنيا شلون صار
استغفرالله واتوب اليك
حبوبه والله كل في ميزان حسناتج ويارب يشافي هالمخلوق المسكين ويرحمه برحمته