ثقافة الزوجه بنظر الزوج

صباح الخير يابنات ياامهات
مساء الخير يابنات ياامهات
اشلونكم عساكم بخير ان شالله من زمان ودي اتناقش معااااكم في سالفه دايما اشوفها في واقعنا الا وهي ثقافة الزوجه
ليش اقول جذيه لان الزوج مهما كان في اعلي تعليمه وحاصل علي شهادات عاليه دايما يستصغر الزوجه اذا عطته معلومه يكون غافل عنها ليش ماااادري تشوفون الزوج مايسولف او يتناقش بامور السياسة اوامور اللي يحبها من التكنولوجيا بالعكس يخلي مخها مغلق فقط بامور الابناء او البلعة اقصد الاكل والطباخ يعني مثلا :
اتصل الزوج السلام عليكم اشلونج ام فلان واشلون اليهال وشنو الغدا واذا صار الليل تبين نطلب من مطعم او اتسوين لنا خفايف هذي سوالفهم واذا عطاج عمره اشوي يقولج والله بوفلان اتصل علي يبيني في شغل انتي شتدرين عليه تقولي له عسي ماشر خير الله يوفقك بس مايحب تدخلين بالتفاصيل وتساعدينه باموره كل حسباله انج احسن وافهم
والحاله هذي تبين وقت السفر لدول الاوروبيه اذا تكلمتي بالانجليزي تشوفينه يضحك عليج تدرين ليش لانه يكون محتر اشلون تكلمتي بطلاقه واحسن منه وحتي اذا كانت الزوجه تحب تقرا كتب وتقص علي زوجها اللي قرت باسلوب تشده بس بنص السالفه يقطعها ويقول لها يتني النومه يالله بنام
هذي المشكله اللي دايما اسمعها عند اغلب البنات وانا تحصل معااااي هالامور والصراحة في ازواااج تحب تسولف وتعطي من عمرها بس الزوجه ماتعطيه الوقت ودايما تكون مشغوله هذي الدنيا
السؤال اهنيه الي متي نختفظ بالمعلومات والخبرات داخل نفسنا

المشكله مجتمعنا اهو اللي عطا الريال هالفكره انه الكل بالكل وانه البنت او المرا مالها راي ..

انا بالنسبه لي ريلي بكل شي عادي من اللي قلتي عنه الا بالانجليزي لايييت اتكلم تطنز علي ووقت الصجيه قالي تعالي توهق ماتدري شيقولون..

الرياييل في الخليج كلهم نفس الشي مع ان نحن اافهم منهم بملايين المرات…….بس شو نسوي لازم نرضى بالامر الواقع …وصدقيني هم يعرفون ان نحنا افهم منهم بس ما يبون يحسسونا بهالشي عشان ما نشوف عمارنا عليهم او نحس ان نحنا احسن منهم

في مرة سويت اختبار الاي كيو مال الذكاء وطلع مستوى ذكائي عالي جدا يعني فوق المعدل الطبيعي الحمد لله وارسلت حق ريلي نتيجة الاختبار بالايميل وقلتلته يسويه عشان نشوف منو اذكى ….سواه بس ما طاع يخبرني بالنتيييييييييجة موووووووووووووووول وكل مرة اقوله انا ذكية الحمد لله ليش كله تعاملني على اني ما افهم شي يطنشني …. يعني سواه وطلعت انا اذكى وافهم منه هههههههه عاد بموت وبعرف كم نتيجته

انا زوجي يموت بالمرة المتكلمة المثقفة الواعية الفاهمة ولاحظته يحب الكلام معاي الحمدلله و دايما نفتح مواضيع ونتناقش بكلشي بس اهو بالامور الدينية شوي مخه مقفل يعني عنده تابو ، بس الصراحه انا اطلع يمه صفر مع اني جامعية بس اهو اكبر مني و خريج امريكا فتعرض لخبرات و مآسي و امور كثيرة لهالسبب ثقافته اعلى مني . بس مشكلته معاي انه وايد يقاطعني لما نتكلم مايعطيني مجال ياكلني

لا ماا أعتقد كل الرياييل جذي .. مايسولفون بموااضيع غير عن العياااال والأكل ..