تكملت موضوعي المميز حياكم عن المعلمات المنتقلات او الجدد

اول شي هذا رابط موضوعي الاول حق الي ما شافه
https://www.q8yat.net/showthread.php?t=684329

وهذه التكملة ّّّّ

ثانياااا

أهما لهم شغل من عملج وبس

الإدارة تحب وااايد المعلمة إللي ما تغيب إللي دايما تقول إن شاء الله ما تطول لسانها إللي كل يوم الصبح ما تتأخر إللي البنات يحبونها إللي لها بصمة واضحة بقلوب البنات وأولياء الأمور ..
مرات إذا شافوج واايد تقولين إن شاء الله الإدارة تمصخها بالطلبات

إنتي قولي إن شاء الله على الطلبات الطبيعية وإللي ما تقدرين عليه لا تضغطين على نفسج رديهم بس بأسلوب حلو مو بنزارة

يعني مثلا

بما إنج معلمة يديدة أتوقع يعطونج إحتياط وايد ..وعلى فكرة في البداية إنتي بمحطة إختيار بيشوفون إذا إنتي تاخذين وما تعترضين بيقولون هذي حبوبة خل نعطيها واايد احتياط ..إنتي بيني لم إنج حبوبة بس ما ترضين بالظلم وفاهم بالقانون ..فقولي حق رئيسة القسم بالبداية إنه وااايد يعطوني إحتياط ما يصير لازم يكون فيه عدل في الموضوع يعني بين لها إنج بديتي تتضايقين من الموضوع عشان توضحه للإدارة

بس ها مو من أول إحتياط

يعني طبيعي جدا إذا عليج حصتين يعطونج إحتياط هذي في المدارس الطبيعية

وإذا صار في ضغط على الجدول ممكن إذا عندج ثلاث حصص يعطونج إحتياط

إنتي أول مرة سكتي ..يعني إذا عندج حصتين وعطوج إحتياط سكتي لأنه عااااااااااادي

بس ثلاث حصص واحتياط قبلي بعض المرات وبعدين بيني لهم إنه ما يصير جذي

بس بإسلوب …

وإذا شفتي رئيسة القسم مو متعاونة معاج كلمي المديرة المساعدة مباااااشرة
عادي ..بس تعودي ليما تكلمينها لا تكلمينها جدام المدرسات ..كلميها ليما تكون بروحها

ونفس الشي رئيسة القسم كلميها بروحها بأي سؤال عندج ..مو جدام الأبلات

المديرة والمديرة المساعدة كل ما شفتيهم ابتسمي بوييهم وسلمي عليهم ..عادي قولي لها شلونج أبلة فلانة بشري عنج إن شاء الله بخير

يمكن اول يوم ما ترد عليج عدل ..عااااااااااادي جدا ..مع الوقت بيلين قلبها وبتحس إنج حبوبة وبتحطج في بالها

تذكرين حديث الرسول صلى الله عليه وسلم ((أولا أدلكم على شيء إذا فعلتموه تحاببتم ..أفشوا السلام بينكم ))

وسوي هالطريقة مع كل وحدة تشوفينها بالمدرسة حتى الأقسام الثانية

لأنه مع السلام راح تصير محبة …

عادي لا تستحين قعدي سولفي مع الوكيلة ..يعني وإنتي رايحة الصبح تشوفين الجدول قولي لها شلونج شخبارج

دايما خليج مبتسمة بس وقت الحزم حزم ..

كوني علاقات مع الأقسام الثانية لا تكونين متقوقعة على قسمج وبس

بس ها قسمج لازم يكونون غيييييييييييير ..لا يقولون كونت علاقة مع غيرنا وخلتنا

إخذي أرقام الأبلات إللي معاج من تدخلين ورقم رئيسة القسم

ويوم الجمعة دزي لهم مسج حب مشمولة بدعاء

عن تجربة ما تتصورين شكثر لها أثر كبيييييييييييير كبييييييييييييييييييير كبيييييييييييير بالقلب

دزيها حق كل الأبلات إللي معاج للطيبة ..والنحيسة ..لأنه النحيسة مع الوقت بتعرف إنج طيبة

إذا غابت أبلة من الأبلات دقي عليها وسألي عنها وقولي لها فقدناج عسى ما شر يعني عشان تحس إنج تعزينها

مع الوقت الأبلات جذي راح يحبونج وراح تكونين عندهم غير غير غير

و اتمنى انكم استفدتو

وتابعونيي بموضوعي الثالث طرق التحضير

بصراحه موضوعج حلو

تسلميين يالغالية يالبندريي

تستااهلوون كل خير

ماشاء الله عليج

موضوع مهم للكل .. سواء الجدد او القدامى

عسااج عالقووة

تسلمين ..

بس مو تحسين صعبة أول ما أدخل آخذ أرقامهم وأرسلهم مسجات .. انا وحده أستحي حيل ماسويها .. زين أحاجيهم بالقسم

حبايبيي تستاهلوووون

لا حبيبتي بلسم عاادي و مو شرط من اول يوم ثالث يوم لما تحسين انهم ارتاحولج

الله يعطيج العافيه على النصايح

حياج حبيبتي

يزاج الله خيييييير حبيبتي والله يجعله في ميزان حسناتج….
كثري من هالمواضيع والنصايح ..,,يايين بوقتهم ..،،وبجرب طريقتج باول يوم دوام لي انشالله ..

يزااكم الله خيير

ماشاء الله

الموضوووع يهبل

يا مال العافية

مشكورهــ

مشكووووووووووورة و جزاج الله خير على هالنصايح الحلوة

جزاج الله خير

يعطيج العافية ,,,ياريت كل المعلمات اليدد و القدامى يتأثرون بكلاج … و على فكرة آنا مو معلمة يديدة ….. رئيسة قسم يديدة<< حدي مستانسة بصير رئيسة قسم <<<