. تعلق الأبناء بالخادمه .

بنـــــــــــــات
خصوصا الموظفات
واللي يضطرون يخلون فتره النهار والظهر اطفالهم عند الخادمه

وخصوصا خصوصا اللي خدامتها تحب الاطفال نفس اللي عندي ويتعلقون فيها بسررررررعه حتى باقي الاطفال من عيال اختي واخواني يتعلقون فيها
اهي تحب الاطفال حيييييييييل

الحين المشكله قربت تسافر
وهم حييييييييييييييل متعلقين فيها اللهم اذا طلعنا سوق جمعيه نخليها بالبيت تعودو عادي
بس من ارجع للبيت ينادونـــــــــــــــــــها
واهي تنومهم بالليل

طبعا لا تلوموني انا مااقصر عنهم بس اني بالنهار اشتغل والظهر ارتاااااااااح
فاجابلهم المغربيه و باليل والعبهم
بس باليل تنومهم وهذا حالي

ســـــــــــــــــاعدوني
مابي سوالف انتي من الاول غلطتي اللي صار صاااااار وابي الحل الحين

هل راح ينسونها مع الوقت
ومن صار فيها نفسي

انا الحين احاتي سفرها وشنو بسوي

حييييييييييل عااااادي لا تحاتييييييين
مو كثر بنتب انا يبتها وانا بالجامعة صج كنت لاهية دراسة و بحوث و طلعات مع ريلي ماكان عندي وقت لها مسكينة و بعد سنتين سافرت مالتها عانيت بس اول جم يوم و بعدها عادي
(( حبيبتي ربوووني و اعرف اهلي ))

حبيبتي مردهم بينسونها بس اللة يعينج على اليديده انا بصراحه خداناتي ليلحين ما سافرو س اقولج عن اختي خدامتها كانت تومممت اب بنتها حتى بنتها تموت بالخدامه حتى كانت تقعد من النووم تقول وين فلانه بس يومم سافرت واللة كلنا استغربنا والللة واللة ما سالت عنها ولا يابت اريها واصلن تعلقت اب امها اكثر
بس سوال حبيبتي ؟
انتي عندج 4 اللة يخلهم لج و يبلغج فيهم يارب
بس لاحظت بشريط انه عنج بيبين اعمارهم 2
وبينهم اشهر ادري لقافه بس حبيت اعرف اهمه توينز؟

لا ان شاء الله ما يتعبونج حبيبتى اليهال بسرعه ينسون

المهم حاولى من الحين انج تنومينهم بالليل .. مو الخدامه

انشالله ينسونها بس انتي اهم شي نوميهم بالليل حاولي شوي شوي تخفين تعاملهم معاها الا بوقت الدوام ومن تردين شدي على روح شوي وجابليهم علشان ما يفقدونها وايد

اشوا طمنتوني

انا بس ارتاح واطلع من ال40 ببدأ انومهم بروحي,,,,,واشرف عليهم

والله يعينني يااااااااااارب

واي انا بنتي الصغيرة حيل متعلقة بالخدامه

ان شاء الله ينسونها يااااارب اساسا اهي تقولي بروح وبرجعلكم مايندرى لكل حادث حديث

وبالنسبه للتوينز لا مو توام

هذا ولد اختي ميدو بنتي قالت الا تحطينله شريط تحبه حييييل عشتو

اما الباقي عيالي

لا تحاتين الوضع جدا عادي اول شي لا تروح الا وحده ثانيه عندج معلمتها عشان مايتفاجئون بالثانيه صج اول الايام بيذكرونها وتتحطمين شوي عادي مو مثلي يقولون مانبي هذي نبي لاتا والحين متاقلمين بالموضع والله يطلع من النفاس بخير وتردين احلى عروس ويرزقج بالولد ان شاء الله لاتحاتين انتي بالنفاس مو زين لج ولا للبنوتهِ

انا مثلك

انوم ولدي اذا ما بكى
بس اذا بكى اخليها اهي تنومه

تصدقين زوجة اخوي عندها خدامة جابلت ولدها ليمن صار عمره سنتين تقريباً
و الحين عمره 4 سنين و لما نقوله عن اسمها يقول لنا: هذي منو؟
تخيلي نساها

انا نفس حالتج و اردى بعد لاني ارجع من دوامي على الساعه 4 مضطرة لاني بقطاع خاص والحين حامل وولدي متعلق بخدامته حيييييييييييل و اهي حبوبه مع الياهال وايد لدرجه بالليل ساعات اذا قام يبجي ينادي باسمها
لا تحرين نفسج ولا شي ولا عليج ملامة اصلان هذي ظروفنه الحين مو نفس ظروف امهاتنا و يداتنا اللي ماكانوا يضطرون يشتغلون الدنيا تغيرت و لا تحسين بالتقصير نهائيا
انا ارجع العصر القاه توه نايم ما يشوفني الا الساعه 5 و نص ولا 6 و اتم معاه لي بالليل و ينام عندي اكيد ما ينام مع الخدام مستحيييييييييييييييل
و ايام الويك اند غير تلقيني طول اليوم معاه العب و اوكله اعوضه شوي و فعلا بالويك اند ما يبيها يبيني