تخيلو عندها قصص حب قبل الزواج و مخربتها لاااه و بعد سوالف ثانية

| إيه حاطة هذول للملقوفات اللي يطلون و ما يدخلون

|

|

|

|

|

|

|

|

|

|

|

بنات بالأول تفضلوا حياكم الله

بنات قبل شوي يو عندي بنات و قهويتهم و قعدنا نسولف و ضحك و خبال
المهم وحدة منهم سألت سؤال غريب مدري شتبي و أنا أقترحت أننا نكتب السؤال بالمنتدى و نشوف شتقولون

قالت لي لو تعرفتي على واحد بالأنترنت و حبيتيه تتزوجيه, ولا بس تاخذين العلاقة مع مسألة وناسة حتى تسمعين كلام حلو

و أنا أطالعها

هي طبعا أنا أعرفها زين و ما توقعتها جذي لكن هي تقول أنها قبل لا تتزوج كانت تعرف أكثر من واحد بالنت و التلفون و تكلمهم و تمثل عليهم قصة حب و خرابيط هم رااحين فيها و ما يصدقون خبر, لاااه و بعد تقول أنها كانت تسولف معاااهم سوالف مرة و ريلها عن عيالهم و بيتهم المستقبلي و مدري شنو (يتحلمون بالخيال)

يوم قالت هالكلام أنا أستغربت أنا خبري بس العيال هم اللي يضحكون على البنوتات المسكينات.

طبعا سؤالي لكم هم نفس سؤالها و بعد شيء ثاني,

هل أنت كانت لج علاقة حب قبل الزواج سواء بالتلفون ولا الأنترنت ولا أزود؟

و غيره لو أنج حبيبته هل ممكن تتزوجيه ولا لا؟

طبعا بنوتات نحن الحين قاعدين نتابع المنتدى على الهواء مباشرة و ننتظر الردود و أنا معااي الكنترول << المخرجة ميا

شفيها يعني اذا ريلي عرفته وكلمته وتزوجته و الحمدلله ربي وفقني باختياري

حيااك كويتية بالأول

تكفين أقري زين أنا ما قلت فيها شيء
لكن سؤالي شلون تعرفيتي عليه ؟

وغيره ما جاوبتي على السؤال الثاني
هل كانت لج سوابق ولا لا؟

و هذي هدايا ترضية لج

طبعا اللي بيجاوب كيفه و اللي ما يبي بعد كيفه

لايبه انا ماعندي هالخرابيط مابني على باطل فهو باطل <<<<<<<< وجهة نظري اتمنى احترامها

وجة نظر و أحترمها بسوومة لا تخافين البيت بيتكم

لكن شالسبب اللي يخليك تقولين عن علاقة حب عذرية أنها باطل ؟

والله هذا سخف والبنت الي ينضحك عليها بها الطريقه حقبره وماتستحق ادنى احترام

انا مافيه شي بالشرع اسمه حب عذري
بصراحة اللي تكلم الشباب هذي اكبر خاينة خانت اهلها وربها وسبب لكل المعاصي والعياذ بالله لان ياما نسمع قصص عن اللي يوعدون بالزواج ويلوثون شرف هالمسكينات ويقطونهم والله العظيم والله العظيم ان فيه ام توفت من الحرة لما درت ان بنتها ملج عليها واحد باسم الحب ودخل عليها وبالملجه طلقها وقال انا ماجيتها ولا قربت عندها يعني بعض الشباب الله يهديهم نيتهم باطلة حتى واهم بالحلال فما بالج بوحده يكلمها هل رح يكون حريص عليها وعاى سمعتها وحتى ان صار ت جد بيقول بكل بساطه انا ما آخذ هالاشكال
خليكم واقعيين واحكمومن مبدآ الحلا والحرام و كل شي منعنا عنه رب العباد فيه خير لنا
والله يابنات الدنيا ماتسوى تدخلين عشانها النار وآ خرتج بقبر متر في متر
يقول تعالى : يوم توفى كل نفس ماكسبت وهم لا يظلمون :

انا ما ايد هالشي اني اكلم او تصير لي علاقات سابقه انا تزوجت زواج تقليدي ولا عمري فكرت ادش النت عشان اتعرف واتسلى

مشاء الله عليكم و الله أني خفت من ردج بسمة خجل ^_^
لكن الحب ما حرمه الدين
و هم الغزل العذري ما حرمه الدين لو تبي تتأكدين تذكري قصدة البردة
أنا ما أقصد أني أحلل راعيات الماسنجر و الخرابيط لاااه
لكن لو الحب حب عفيف ما فيه شيء
و أنا أشوف مليون دخلو و لا ردوا و الله البنات شوي ويييهم النوم.

عااد وحدة منهم تقول شلون أقبل بزوج عنده علاقات قبل و أنا لا. لاااه و تقول 99 بالمية من الشباب الحين عنده علاقات
هي مو متزوجة لكن تقول أكيد زوجها بيكون عنده علاقات قبلها و هي بعد من حقها تتمتع بشبابها مثله

حبيت ريلي وعشت قصة حب وتزوجته والحمدالله عسى الله يتمم علينا ويبعد الحسد .. وما عرفت احد قبله اهوا اول واخر حب انشالله

الدين حلل الحب تحت اطار الزواج بس

حبيبتي اكيد الحب ماحرمه الدين بس حط له ضوابط : يعني الدين ماحرم حب الوطن ولا الاهل ولا الزوج ولا العيال لكن بالمقابل
قيسيها على قدوتي وقدوتج وقدوة كل المسلمين هل حب حب عذري ؟؟؟لا طبعا كان رضي الله عنه يحب زوجاته يعني حب حلال
اعطيج من الآخر ترضين بنتج تجيج تقولج يمه انا احب س من الناس حب عذري وابي اتزوجه ترضين ؟؟؟؟؟؟
عن نفسي لا والله لايحطني بهالموقف
اللي ماترضينه على بنتج اكيد ماراح ترضينه لاعلى نفسج ولاعلى بنات الناس .
وبصراحة لو تسمعون اشرطة الجبير ومحاضرات العريفي والجبيلان لسمعتو بنفسكم القصص اللي تقشعر منها الابدان

الله يديم المحبة بينكم يا رب

لكن وحدة من البنات تقول
لا تفتي من عنج لو سمحت أنت و غيرج
و عندها حديث
عن ابن عباس أن رجلا جاء للنبي * غ * وقال له عندنا يتيمة قد خطبها رجلان موسر ومعسر وهي تهوي المعسر ونحن نهوي الموسر فقال * غ *: ‘لم ير للمتحابين مثل التزويج’
صحة الحديث بذمتها
و هي تقول التاريخ الإسلامي يمتلئ بالعشرات من قصص الحب التي تدل علي ان الإسلام لا يحارب الحب ولم يحرمه كما يؤكد بعض المغالين المتشددين.