تجمع جامعه العلوم التطبيقيه في البحرين

هااااااااااااااااااااى بنات

حبيت اسوى تجمع اهنى حق الطلبات بالعلوم التطبيقيه وانشالله الكل يستفيد لانه ماشالله الكل قام يروح يكمل بالبحرين خاصه انه بالاسبوع مره وحده وتخصصات وايد حلوه
وانا انشالله ناويه اكمل بالجامعه

يليت كل وحده مسجله تتكلم عن الجامعه وتكاليفها والمواد والتخصص واى كليه والاوضاع بالجامعه صعبه ولا لا ؟ وشلون الوضع تعب كل اسبوع طريييييييييييييج للبحرين ولا سهالات

يليييييييييييييييت تفيدونا عشان الكل يستفيد

up up

اف اف شدعوه مافي احد

شكلى بس انا اللى بدرس فيها

والله انا كنت بسأل عنها وشفت موضوعج قلت يمكن القى ردود اثاري ماكو الا انتي تحوسين فيه هههههههههه
يالله بنطر معاج الردود ونشوف

اى والله بس انا وانتى

مو مشكله نسولف مع بعد

اظاهر محد يدريس فيها

مسكين ريلي صدق يوم قالي كله شباب
البنات قللللللللللللللللله

لوووووووووووول

سلالالالالالالالالالالالام اشوه لقيت احد بيكمل فيها
انا بكمل فيها انشالله وبسجل فيها بشهر 9
رفيجتي تدرس الحين هناك
وتمدحلي الوضع وايد وايد
انتو سجلتو ولا للحين ؟

انا بفيدكم بالمعلومات الي عرفتها
طبعا جنه سمعت اهي بمنطقه الجفير
يقولج نظامها حلو كل يمعه والسبت وعلى حسب مواد بجدولج
يعني ساعات يكون من 2 الظهر لغايه 10 بليل .. واليوم الي وراه من 7 الصبح لغايه 2 الظهر
واسبوع تروحين واسبوعين اوف جنه ماتروحين علشان تدرسين حق المتيرمات
وطبعا لازم يكون عندج بطاقه جامعيه علشان لما تروحين تحجزين حق التذاكر يطلع ارخص وخصم خاص حق الطلبه
والي اعرفه انه الماده ب200 دينار
وتقدرين تدفعين مبلغ معين والباجي تقسطينه
ويقولج دراستها حلوه وجنه الكويت وترتاحين على طول .. والاساتذه تفهمين منهم
هذا بالنسبه لاساتذه التخصص حقوق .. واكيد الباجي نفس الشي
انشالله افدتكم بشي
وانا ناطره ردودكم واذا عندكم اي زيادات على الكلام الي قلته !!

الو الو اكو احد اهنيييييييييي ؟ ردوووووووو يالله لقيت احد يبي يدرس هناك :s

هلا ياقلبي

انا ريلي راح البحرين وربعه كلهم يدرسون حقوق

يقول البنات قله
كلللللللللللللللللللللللله شباب
وصح في منطقه الجفير

بس ربعه ترى كلهم يروحون بسياره
وقبل كان كل اسبوع
الحين غيرو صار اسبوع وترك
وعلى طاري التذاكر
يقول لازم 25 طالب يجتمعون ويتفقون بشركه طيران عشان التذكره تطلع عليهم 25 دينار الواحد
ويقول ريلي وايد غاليه يعنى بالكورس مو اقل من 1000 يقول حتى الفنادق فلللللللللللللللللللل يعنى تضطرين تقعدين بفندق ليلته 70 او 80
يقول حتى نظام الدفع يعنى بالكورس مرتين يعنى مثلا 400 والدفعه الثانيه هم 400
والسنه 3 كورسات مو كورسين

بس يقول وايد يساعدون وجامعه محترمه مافيها مصخره وكله كويتين
بس من 8 الصبح لييييييييييييييييه 8 بليل
انا ودي اكمل بس تخصصي مو موجود ضايق خلقي
وانتى شنو تخصصج؟وشنو بتكملين

والله خوش معلومات
انا اعرف شقق فندقيه هناك زينه بالجفير وانشالله بتعامل وياهم
انا بكمل حقوق انشالله .. لأنه تخصصي قانون دبلوم
وسألت بنيه بقسم السفر في حال ابي احجز تذكره اوريهم بس بطاقه الطالب مالتي ويسونلي خصم على طول
وانا رفيجتي الحين تدرس هناك
عادي طلع عليها ب4 مواد 800 ومع حجز مقعد 85 دينار
بس تقول خوش جامعه على حسب كلامج
وانشالله سهالات
انتي شنو كان تخصصج ؟

السلااااااااااااااااااام عليكم بنات انا ادرس هناك وخوووووووووووووووش جامعة جنج قاعده بالكويت والله
بس بغيت اعرف شلون سالفت الحجز انا لي الحين التذاكر إلي احجزها غاليه وايد علي فاذا ممكن تساعدوني فيها

والله هذا اللى سمعته انه لازم جم طالب يروحون مع بعض عشان التذكره تصير 25 دينار عالجزيره

ترى اكثر الشباب بسياره يروحون

انا تخصصي دبلوم اتصالات للاسكليه وهالتخصص نادر جان زين اقدر اكمل سنتين واصير مهندسه

وقالولى بالاردن بس صعبه استقر هناك

الحين الموضوع مو جذي

يقولج الحقوق اللى عندهم اذا رديتى فيها الكويت تصيرين باحثه قانونيه بس جمعيه المحامين ماتعترف فيها للاسف
يعنى لو نويتى تصيرين محاميه بالمستقبل

لا البحرين ولا البنان يعترفون فيها جمعيه االمحامين

وهذا اللى مضيق خلق ريلي

بنت جابر انتى شنو تخصصج بالبحرين وشنو كنتى تدرسين بالكويت؟؟
وصج الجامعه الشباب اكثر من البنات؟

شوفي من هالناحيه انا ماحاتي لأنه المحاماة مو حاطتها فبالي كلش لأني مو قد هالشغله
بس راضيه بالباحثه القانونيه