|
|
بسم الله الرحمن الرحيم
بنات أنا مشكلتي اني خريجة دبلوم. سياحة وسفر ومتزوجة وعمري 27وسويت هالتجمع علشان نعرف إحنا لي متي راح نقعد ننطر الديوان ولازم نلقا لنا حل حق تخصصنا أنا صارلي ثلاث سنين وعشر شهور وتخرجت من 2024 ورقمي من سنة او اكثر واقف علي رقم 26/5 المرفوضين صفر انزين لي متي راح نسكت والله ظلم التطبيقي خلونا ندخل هالتخصص وعشمونا بالوظايف بعد التخرج وتفاجانا *ان هذا التخصص غير مرغوب في جميع الدوائر الحكومية وحاولت اقدم علي الشركات ومايبون تخصصي وقالو أنشغلج علي الثانوية عيل ليش تعبت نفسي سنتين ونص والدراسة كلها بالانجليزي وآخر شي ما يبون تخصصنا ولمن اروح حق الديوان يقولون لازم الي جدامج يشتغلون انزين شلون يشتغلون والمرفوظين صفر يعني بالعربي مافي احد من التخصص اشتغل ومايبون تخصصنا والشي الي يحز فيني اني كويتية وبنت هالديرة والوظايف مو لنا حق الوافدين والي عندهم واسطات والله مو طالبة شي كبير ابي اشتغل واعتمد علي نفسي سامحوني بنات قرقت وايد حبيت افضفض والله كريم وإنشاء الله ماينسى عبدة
ملحوظة : بنات أنتو شصار عليكم توظفتو ولا لا وياريت الي ناطرة الديوان معاي نتجمع ونطالب بحقوقنا لي متي راح نسكت علي هالظلم.