تجمع امهات طلبة المدرسه الكويتيه الباكستانيه الانجليزيه اللي بالسالميه

السلام عليكم و رحمة الله و بركاته

بما اني سجلت ولدي بالمدرسه الكويتيه الباكستانيه اللي بالسالميه

حبيت اسوي تجمع حق أمهات الطلبه فيها

و إن شاء الله نفيد بعض و نستفيد

انا ولدي باولى ابتدائي وهذي اول سنه له بالمدرسه قبل كان بالدانه ثنائية اللغه درس سنتين

كي جي 1 و كي جي 2 و للأسف ولدي طلع منهم ما استفاد شي لا تأسس صح ولا شي

والحين الله يعيني أأسسه من اول و جديد

جبت له مدرسه إنجلش تدرس في البريطانيه والحين قاعده تشد عليه

طبعا امس اول يوم دوام له في الباكستانيه رد عنده هوم ووركات و حفظ بسم الله بس احسن عشان يتعود

بس المشكله ان مدرسة الانجلش تكتب له الكلمات بالخط المشبك و اهوه متعود ع الاحرف العاديه

وامس استخفيت وانا احاول اعلمه الطريقه احس ان راح استسلم واوديه حكومه هذا من اول يوم خخخخ

امس نهاية الدوام حاجتني مدرسته الانجلش بالتليفون وقالت لازم تجين المدرسه عشان اقول لج طريقة الكلمات تشدين ع الولد فيهم

قلت لها تعطين حصص خاصه قالت تعالي وانا اقول لج كل شي ..

و يا حرام يقول ابلة العربي ما خلته يروح الفرصه لما يكتب الكلمات كلهم

ويلا ناطره فضفضة باقي الامهات

سلام

اب اب اب

إمممم

يعني ماكو احد غيري

هلاوغلا كويتيه عالي سماها منو تيجر الانجلش والعربي حقه وليدج انا اقولج زينه او لا وماسألتي كم تاخذ واذا تبين ابله عربي فيه وحده سوريه تأسس خوش وحده

اهلين الهبه نورتي الموضوع حبيبتي

ابلة الانجلش اللي تعطيه دروس خاصه اسمها فردوس

وابلة العربي مصريه تلوع الجبد شكلها مالها خلق شي

والحين باقول لج شي يصدمج

مو انا قلت لج ان ولدي كان بثنائية اللغه سنتين

لما دش الباكستانيه كأنه ما عمره درس ما شاء الله عليهم صج يأسسون اللي بصفه و من عمره

توهم مداومين ما صار لهم جم يوم يكتبون مشبك و يقرأون وولدي يا حظي يا دوب يعرف الاحرف والارقام و يكتب بس مفرق

المهم اتخذت قرار مصيري وساعدتني فيه مدرسته خلتني اشوف إختباراتهم وقالت شوفي لازم يكون قوي عشان ينجح

فقمت نزلته للكي جي 2 هالكورس على أن ينقل للكلاس 1 شهر اربعه يعني بس كورس واحد روضه بعدين التمهيدي الابتدائي شهر اربعه

احس جذي احسن له يمشي معاهم من الاول واليوم اول يوم له بالكي جي

شرايج يا الهبه قراري صح او ضيعت من عمره سنه

وياريت تعطيني ارقام الابلتين اللي قلتي عليهم ابي من الحين أأسسه عدل

جزاج الله خير

ومشكوره غلاتي ع الاهتمام

اب اب

[COLOR="Blue"]هلاوغلا منوره بوجودج والله العظيم من امس كتبت رد شطوله وفصل الوير لس واليوم هم كتبت مادري وين راح زين العقل هالقرار انا كنت بقولج عليه بس انتي سبقتي عليه اول شئ الاطفال اللي بالمدرسه صار عندهم خبره ودارسين هذا لهم الترم الثامن وانتي ولدج يدوب يفك القلم وهو لما يتاسس صح راح تشوفين اهو من كيفك يكتب مشبك وقرارج اهو الصائب وهم حرام عليج تودينه الحكومه راح يتشت مخه هم الحكومه تعليمهم موذاك زود لج عليهم انا اقول قط فلوسك وقعد في الظل وتيجر فردوس خوش وحده وقويه وتاسس صح وانا اعرف ابله قعدت ولدهاسنتين بصف واحد عشان يتسس وابلة العربي راح ادزلج رقمها واي سوال انا حاضرة[/COLOR]

رفع رفع

يا هلا اختي

مشكوره ويعطيج الف عافيه

تصدقين كنت متشوقه تردين علي و كل يوم اجيك ع الموضوع اثاريج قاعده تحطين ردود واتطير خخخخخخخخخ

الله يعينج ما احب هالحركه

بالنسبه للموضوع

مشكوووووووووووه من صميم قلبي

طمنتيني الله يطمنج و يرزقج باللي تتمنينه

كنت أحاتي وخايفه اكون ظلمت ولدي الله يريحج دنيا و آخره

و الحمدلله ان مس فردوس خوش وحده

و تسلمين غلاتي ع رقم ابلات العربي

الله يجعل كل اللي تسوينه في ميزان حسناتج

واي نصيحه او شي يفيدني لا تبخلين علي حبيبتي

فأمان الله

هلا والله كويتيه عالي سماها انتي تامرين امر مايردج الا لسانج

تسلمين وما يامر عليج عدو ان شاء الله

بغيت اسئلج الورقه مالت الخطه الدراسيه اللي يلصقونها بدفتر المتابعه

هذي للشهر او للكورس كله

وشنو المطلوب اسوي انا

لا مالت الكورس ماعطواولدج الجدول مال الامتحانات الاسبوعيه راح يبدون الاثنين

لا والله ما عطوه شي بس اهوه مو بقريد ون يمكن غير

انا مثل ما قلت لج صار 2ukg شهر اربع يصير بقريد

يعني يعطونهم اختبارات بعد ؟؟

الله يعين

ايه في امتحانات بس يمكن عشان بادين متاخر

بيما انه بنتي بالباكستانيه بس اللي بحولي ukg

اليوم ابلتهم الانجليزي كاتبه لهم ( h.w (n.b

يعني شنووو بالله دورت بدفااترها ما اكوو هووم وورك شسوي في بس صفحه مكتوب عليها من فوق c.w يعني هذا واجب الصف

اللي تعرف شنو ان بي اتفيدني الله يعافيها