تجربتي مع الاستقالة والتقديم على الديوان وكتاب الاجتياج

مدرس وكاره وظيفتي سنتين قدمت طلب للعمل الاداري ورفض ما لقيت قدامي الا الاستقالة وكانت خدمتي وقتها خمس سنين وهذا اللي صار قدمت الاستقالة واكثر من ثلاث اشهر يالله اخلصها بسبب كسل الموظفات بالتربية واهمالهم المهم خلصتها وعلى طول رحت قدمتها للتامينات عشان يشيلون اسمي عشان اقدر اقدم بالديوان والحمدلله التامينات من افضل الجهات الحكومية في الاتقان والمعاملة عشر ايام وانشال اسمي وقدمت على الديوان بالتلفون بعد خمس ايام من تسجيلي رشحني الديوان للتربية مرة ثانية وهذا الاجراء متوقع رحت للديوان ورفضت عشان ما يرشحوني للتربية مرة ثانية المهم بعد اسبوع او اثنين طلع الترتيب لان التسجيل خلص وبعد فترة بسيطة يطلع الترتيب وهذا نصه:-
2 / 3
مرفوض من جهة الترشيح
إن الترتيب لأولوية الترشيح بين المسجلين في نظام التوظيف يتغير بالنقص أو الزيادة حسب عمليات الترشيح والرفض واستكمال البيانات بصفة يومية

وخلوني افسر لكم النص السابق
2 يعني قدامي بس واحد
3 يعني اللي نفس تخصصي 3 باحثين عن عمل مثل تخصصي
مرفوض من جهة الترشيح —– يعني ترشيح التربية اللي رفضته
والباقي واضح
بعد شهر ونص او شهرين صار رقمي واحد واهني المهم
على طول كلمت سكرتير عضو وقلتله رقمي 1 وابي كتاب احتياج قالي تبي الصحة قلتله اي مكان رد قالي سو الكتاب وجيبه لي على طول مريت مكتبة الطالب وبنص دينار سوالي الكتاب وقدمته للسكرتير ووقعه بعدها توجهت للديوان وقدمت الكتاب واول دفعه نزلت من بعد تقديمي للكتاب نزل اسمي بالصحة راجعت وزارة الصحة وتوظفت

وصراحة كتبت الموضوع عشان اللي يبي يستفيد وما ابي غير الدعاء ماراح تخسرك لما تقول الله يوفق اللي كتب هالموضوع او الله يجزاه خير لان عيوني تفضخت وانا ابحث عن مواضيع تفهمني الاجراءات
واكثر موقعين استفدت منهم هذا المنتدى وحساب الديوان بالتويتر مع ان اللي يكتب بالحساب يطنش ومايرد بس قمت اقرأ التوتات اللي كاتبها والاسئلة اللي تنطرح عليه
صورت كتاب الاحتياج وحاولت ارفقه مع الموضوع بس عليمي ما عرفت راح احاول مرة ثانية واذا ما قدرت اكتبة لكم نص كتاب الاحتياج<<<<<<<<<<< يبي يوفر عليكم نص دينار

جذي تخلونا نطالب بانشاء جمعية للمطالبة بحقوق الرجل انا ما ادري اذا ممنوع او لا بس لما سجلت بالمنتدى قبلني النظام وانا كتبت الموضوع لان هذا المنتدى اكثر منتدى نفعني بالبحث عشان اعرف الاجراءات واعتبريه رد جميل لهالمنتدى

ما شاء الله عليك … مبروك الوظيفة
وعسى تكون مرتاااااااااااااااااااح

بس اخاف الحريم يختلفون عن رياجيل في حال
استقالة واروح واقدم وأسأل سكرتير والخ من الأمور ..

تقدرين تروحين الديوان وتسالين اذا قدمتي استقالتج جم يكون ترتيبج اذا الرقم قريب تكون سهله وبعدها تقدمين الاستقالة لان كتاب الاحتياج لازم يكون رقمج واحد واذا الرقم بعيد الله المستعان اصبري انا قبل لا اقدم ماكنت اعرف هالتفاصيل عبالي الامور سهالة شهرين واتوظف والحمدلله اني ما عرفت لو عرفت هالتفاصيل كان خفت وما قدمت الاستقالة وبقيت مع هالجهال اللي صغري عقلي معاهم

ادارة الاختيار الدور الاول لا المصري مالة دخل روحي سيدة بين المكاتب الصغيرة بعدها يمين تلقين اخر مكتب على ايديج اليسار مكتب كبير مو كبينه خشب اسالي هناك الموظف المسؤول اخلاقة عالية وصبور ويرد على اتفه الاسئلة اذكر كان قدامي واحد نشف ريجه من الاسئلة التافهه ويرد عليه بكل صبر اسأليه اللي تبينها يرد عليج وينصحج انا عطيته البطاقة المدنية وقالي حتى اسماء اللى قبلي واللي بعدي وشنو رفضوا

ادارة الاختيار الدور الاول لا المصري مالة دخل روحي سيدة بين المكاتب الصغيرة بعدها يمين تلقين اخر مكتب على ايديج اليسار مكتب كبير مو كبينه خشب اسالي هناك الموظف المسؤول اخلاقة عالية وصبور ويرد على اتفه الاسئلة اذكر كان قدامي واحد نشف ريجه من الاسئلة التافهه ويرد عليه بكل صبر اسأليه اللي تبينها يرد عليج وينصحج انا عطيته البطاقة المدنية وقالي حتى اسماء اللى قبلي واللي بعدي وشنو رفضوا

بس اللي انصدمت من عقب اسقالتي ان ما في احتياجات لتخصصي غير التربية وهذا اللى اضطرني اني اجيب كتاب احتياج لان مافي احتياجات للتخصصي فلا تنسين تسئلين عن الاحتياجات والدور

abdullahkh مشكووور اخوي ويعطيك العافيه بس شسمه الي اسئله وعادي لو شهادتي قديمه

السلام عليكم
يعطيك العافيه وماقصرت على المعلومات فعلا وايد يبون يعرفون عن الاستقاله والتعيين اليديد
بس بسألك انت تخصصك تربيه ولا شي ثاني؟
لان اللي اعرفه تخصصات التربيه مايرشحونهم لمكان غير التربيه
اعرف وحده تربيه و تبي تطلع بس توها صارلها سنه مدرسه
يصير ولا لأ؟

يعطيك العافية ومبروك على الوظيفة
اخوي بغيت اسألك كتاب الاحتياج انت تكتبه ويوقعولك عليه ولا لازم الوزارة اللي تبيك بنفسها تكتب الكتاب ؟؟

انا الحين بوزاره الداخليه ودوامنا حده كرف وشغل وظغط من المسؤلين والمكان حدث ولا حرج مكان قديم حده حده وزحمه حده حده ولا فيه تقدير وحاولت انقل الى نفس الوزاره بس في منطقتي وقالو لا لازم بديل مميز عشان انقل وغيري من الموظفات انتقلو بدون بديل وماقوول الا حسبي الله ونعم الوكيل فيهم على ناس وناس المهم انا مستحيل استمر بهالمكان وابي اقدم استقالتي واقدم على الديوان مره ثانيه فبغيت اسأل اهو يصير ولا لا ؟وشنو الاجراءات؟

بغيت اعرف اي مكتبة الطالب اللي طبعة منها الكتاب ضروري اخوي ومشكور