|
|
أسعد الله أوقاتكم بكل خير
رأيت بعض الأخوات يسألون عن علاج مرض البهاق .. فحبيت أفيدكم بتجربتي
العلاج متطور جدا والأحلى……… مجاني وحكومي!
حالتي: البهاق منتشر في أغلب جسمي من كنت صغيرة ورحنا لمستشفى دلة عندهم علاج بالأشعه والحمدالله دلونا على علاج
بالكويت
طبعا العلاج المستخدم إذا كان البهاق منتشر – هو العلاج الأشعه فوق البنفسجية- وأنا استخدمته بفضل الله 95% من البهاق اللي فيني اختفى بفضل الله عزوجل ثم الأشعه وكما قلت علاج مجاااااااني
ولازم تستخدمين مراهم وكريمات عند العلاج الطبيب يصفها لج
والصعوبة الوحيدة اللي واجهتها فيه هو انه يبعد عن بيتي ساعة إلا ربع – تخيلوا روحه ورده !!
لكن الحمدالله النتيجة ممتازة وأعادوا لي الفرحة إني أكون مثل غيري من البنات
والزبدة : اسم المركز …….. مركز أسعد الحمد للأمراض الجلدية …….. بجانب مستشفى الصباح
الرقم:24831997
وماكتبت هذا الموضوع إلا أبي البنات إللي مثل حالتي يفرحون ويستانسون لأن حاسه فهم ومعاناتهم ونظرات الناس(الله يكون بعونا)
ماأبي منكم إلا دعوة لي بإتمام الشفاء من هالمرض وادعوا لوالديني
ربي يحفظكم
يا ريت تقولينا تجربتج عشان نستفيد منها ,,
والله يتمم عليج شفاك يا رب ,,
بس عندى سؤال مرض البهااااااق من شنو يجى ؟
البهاق ماله سبب محدد
اما يكون الخرعه
اما يكون من العين
اما يكون وراثه
امايكون من كريمات تبيض وصفات عشوائيه