تجربتي القطاوة

قوة بنات شلونكم؟
قبل يومين شريتلي قطوي تعالو سمعو سالفتي معاه
الله يعافيكم شريت قطو شيرازي ذكر لونه رمادي
عمره شهرين ونص ليلحين ما سوا فحص
انا كنت ناوية اشتريه عقب الامتحانات بس مادري شلون قص علي راعي المحل شريته قبل ما اخلص امتحانات
المهم كنت مستاااااانسة ومادري شييب وشخلي حق قطوي توشي
رحنا طيراااااااااان حق مركز سلطان
ناديتلي واحد يساعدني بالاكل والليتر بوكس لأني ما اعرف وما قصر معاي
بعدين ردينا البيت اول شي سويته وكلته وشربته لأنه كان عطشان وكان تقريبا الساعة 8 بالليل
زهبت الليتر بوكس وخليته يمه عشان يتعرف عليه
عقب ما خلص اكل قعد يحوس بالصالة وانا احاتي لا يسويها برة الليتر بوكس
بس اشوا اهو من نفسه يا حق الليتر بوكس وخلص شغلة – وانتو بكرامة-
شلته سيده وغيرته
قلت بخليه يحوس بالصالة وانا ادرس
ما خلااااااني ادرس كل شوي رايح ورا التلفزيون ويعضض الوايرات
واشيله ويروح يتدعس تحت الكراسي وورا القنفات
نام نص ساعة استانست قلت فرصة ادرس بس رد قعد
صارت الساعة 11 وكنت بنام
حطيته بفراشه وسكرت الليتات
بس ما ناااااااااااااام
ويطلع وارده فراشه ويطلع وارده
اذاااااااني
بعدين حقرته
قام يصارخ مياااااو وميااااااااو
وانا وراي امتحان بغيت اين منه
دقيت على رفيجتي المسكينة الفير قلتلها شسوي فيه مو راضي يناااااام
قالتلي مسحي على راسه ليما يدوخ وما فاد
جان احطه بقفص كبير عشان ما ينحاش منه
وقعد يعاوي طول الليل صكني رااااااااسي
رحت حق ابوي الساعة 4 الفير شوي وابجي يباه مابيييييه رده رده ما اقدر على هالحالة كل يوم
قالي نطري ليما يفتح المحل ونرده
والمحل ما يفتح الا العصر
ما نام الا الساعة 8 الصبح ورد قعد على ال 11 قعدني معاه

خليته بالصالة يحوس كيفه وريقته وقعدت اختي معاه مسكينه كسر خاطرها لأن عندي امتحان وما اقدر اجابله
رد نام الساعة 1 ليي ال 3 ونص
واول ما صارت الساعة 4 على طوووووووووول رحنا المحل رديناه
عرفت ان القطاوة مسئولية ويبيلهم مجابل
وهذي كانت تجربتي الفاشلة مع قطوي توشي

لوووووووول تجربتج تونس صح القطو يبيله اهتمام وماكان المفروض تحبسينه هههههههه
كنتي تقدرين تحطينه بمكان وتعلقين له العبه ماتلته بخيط وخليه يلعب بروحه اهو يينن لازم بس انتي وراج امتحنات لو ناطره
واكيد راعي المحل مارد الفلوس كامه لانهم نصابين

مسكييييييينة كسررررتي خاااااطري

بس حسااافة لوو امخلتة عند احد من اهللج والله حرااام ردييتيية

وتجربتج مو فاااشلة بس القطاااوة يبيلها طووولة باااال وصبر

وهذا رايي

هههههههههههههههههههههههههههههههههه
ليييش .؟؟؟
يلا مــاعليه أهم شي عرفتي نفسج انج مو قادره عليه زين سويتي ..
بس ترى يبيلهم صبر بس ماصبرتي وأهو كان يكتشف المكان الجديد مو قصده يزعجج وده يتعرف ع بيته الجديد ..

يلا خيرها بغيررهاااا..

حياتي القطوه نفس البيبي يبلها مجابل وحرام صغيره شهرين وشكله مستاحش المكان يديد عليه

القطاوة اذا جاو مكان جديد لازم يتعرفون عليه وياخذ له فترة على بال ماتعودون كل قطو غير يعني بعض القطاوة اسبوع ويتعودون على المكان وبعضهم اقل وبعضهم اكثر بس انتي لان وراج امتحانات مايصلح جان جاتي في العطلة

ليش ماخدتي نثيه

احسن من دكر .. هاديه

واهو كان بيتعرف عالبيت اتوقع .. لان مكان يديد

امبيه حرام مانطرتي عليه

اهو مايقدر ينام من اول يوم لازم يتعرف على المكان

يبيله يومين على مايتعود

كان المفروض تخلينه وغلط انج حطيتيه بقفص مسكين
عور قلبي خخخ

اي حرام حابسته مسكين انا بعد هالسالفه عورة قلبي بس هم اهي مسكينه كانت تبي تنام لوووول

فديته واللللللله انا الحين جذي توني يايبته صرعنااهههههه

بس احبه شسوي

والله زين يعرف للحمام لو منج ماافرط فيه غيرهم يجننونج لين يعرفون للحمام (:

وانا افضل النثيه لآنها هاديه الذكر لويه ..

والله يكون بعونج ويعوضج احسن ممنه بس انتي الظاهر كلش مو بتاع تربيه وشغل والخ ..

هههههههههههههههههههههههه حرام بالعكس شوفي احنا ربينا شيرازي .. و هيمالايا و سيامي … السيامي مع ان جيييكر بس حركاته تهبل و يونس اكثر قطو حبيته و نظيف لان مملط ما عنده شعر …….. ما اذونا نفس ما تقولين يمكن عشان بدايه لوما الحساسيه اللي فيني جان شريت قطوة … بس ما اقدر ايدي تحكني و تصير حمررررررررة منهم و احس قاعده اتنفس شعر وعععععععععع والله لوعه احسن شئ السيامي

7
7
7
7
ليش حراام عليج اختي ليش اتقولين انها مو مال تربية حيوانات المسكين بس القصة وما فيها كان عندهاا امتحانات