|
تحياتي للجميع
تكثر في القسم اساله حول افضل عيادة للاسنان لذا سيكون موضوعنا هذا عبارة عن تجارب عضواتنا حول
افضل طبيب لتقويم الاسنان
افضل طبيب لزراعه الاسنان
افضل طبيب لتبييض الاسنان
افضل طبيب اطفال
معدل الاسعار في حاله العيادات الخاصه
معدل المواعيد في العيادات والمراكز الحكومية
بالنسبة لتجربتي عصب وحشوات فقــــط ( دكتور سمير مصري ) عيادة باب هاني ماشاء الله عليه ممتاز للعصب وللحشوات وحتى وأنا حامل أسوي عنده وأحسن شي بالعيادة إنها 24 ساعة يوميا … بالنسبة للأسعار مناسبة تنظيف سوس من غير عصب 30 دينار أما إذا واصل عصب 125 دينار …
وبإنتظار تجارب البنات
انا جربت عيادة تيجان فرع الفروانيه لتنظيف الاسنان والصراحه مو شي وتحسفت اني سويت عندهم تنظيف تقريبا مع فتح الملف 20 طبعا اهو تنظيف عادي .
الحين حابه اسوي حشوات تجميليه لان الحشوات اللي بالاسنان لونهم اسود وشكلهم مقزز وحابه اشيلهم كلهم واستبدلهم بحشوات تجميليه ياريت اللي مجربه هالنوع من الحشوات تفيدنا
حسيت اني أسيرة حرب تحت أيدهم ,
تعذبت تعذبت , مراجعتي كانت لضرس العقل وقالي نسوي لج علاج بدال الخلع وياليتني ما وافقت
بالبداية عطاني بنج وماتبنجت!!! ورد عطاني اقوله احس قاعدة أتألم يقولي لا مستحيل
وتوهق فيني وهو يعالجني ويناديلي دكتورة ثانيه والحاله حاله وقطيت 300 دينار وعالفاضي وفلوسي راحت بلاش
لاني راجعت عيادة بيان للاسنان وطلع الضرس يحتاج خلع
وبصراحه عيادة بيان قمة قمة قمة بالاخلاق والتعامل , اليوم راجعتهم وحطينا خطة علاج تبتدي من باجر
وعلى فكرة انا اعاني من فوبيا من الاسنان بس شسوي رضخت لأمر الواقع ومن اول مراجعة مع بيان لطب الاسنان فرع العقيلة ارتحت نفسيا وان شاء الله اتوفق وياهم .
ابي احسن عياده حق تجميل الاسنان والتقويم وما يطول تقويمهم؟؟
ياريت تفيدوننا
بس تحسفت العياده غالية و مواعيدها متاخرة حييل و شغلهم اي شي
سويت تنظيف ب 60 حده عادي لو مسويه بالحكومه احسن لي و
سويت تبييض ليزر تقريبا ب 150 لثتي التهبت شهرين علي الله يهدي الدكتور مخلي السستر تسوي لي و ما طول اكثر من شهر
و سويت عنده الفينير و زيركون اللي اهي ابتسامه هوليوود تقريبا بالف و شي
و ما عجبني كلش و ناويه اعيد الشغل بعياده ثانيه
انا كنت بسوي اسناني العشرة الامامية لانهم رايحين فيها
ورحت اول شي حق عيادة بيان اللي بالبيرق مالت عليهم ودخلوني عالدكتور يوسف وكنت مرتاحة مبدئيا بس صارت اشياء كرهتني فيهم قال لي بالبداية على تكلفتهم 2000 وبعدين لما جيته الموعد الثاني على اساس يبرد ويركب المؤقت طلع لي بسالفه جديده قال في ثلاثه على جنب يبيلهم علاج عصب وحولني عند دكتور ثاني وعذبني ايده ثقييييييييييييييييله المهم خلصت الثلاثه بيوم واحد وعطوني موعد اجي اركب المؤقت
وجيتهم جان يقول لي الدكتور واحد من الاسنان اللي عالجناهم ما استجاب للعلاج ولازم نخلعه وراح نسوي جسر للسن اللي وراه يممممممممه المهم خلاص مراجعاتي والله يابنات قطيت 500 دينار وشي وانا مابلشت عاد لما خرعوني وقالوا شلع انحشت منهم وطلعت ابجي ورحت صليت ركعتين واستخرت ربي انه يوجهني حق عيادة زينه ومايكونون نصابين
والحمدلله ربي ارسلني حق عيادة بيلا كلينك ودخلت عند الدكتور عبدالهادي شهاب الله يجزاه خير ونادى لي دكتور يجيك على السن اللي محتاج خلع جان يقول ابدا مافيه شي واستغرب لانه يقول السن فيه قناتين وبيان منظفين لي قناة ومخلين الثانيه عاد سواها لي وباسبوعين كنت مخلصة كل شغلي
اسبوع مؤقت واللي وراه الدائم ويهبل شحلاته .. عاد انا حولني الدكتور عبدالهادي على الدكتور ابراهيم وماشاء الله شغله نظيف ومرتب
وكلفوني 1200 مثل ماقالوا لي بالبدايه .
وهذي كل سالفتي وان شاء الله اكون افدتكم
عندج رقم بيلا كلينك ابي ضروووري
وارجو من اي وحده تعرفه رقمه تفيدني بليززززززززززز
اب
بس حيل اخاف والمشكله بالسن المسوس طاحت حشوته وطاح شويه من الضرس واخاف اروح المستوصف يلعبون فيني وابي عياده زينه لانه ماقدر احط التقويم الا لما اسنع الاسنان المسوسه
دكتور عصام الحزامي اللي بالشعب ؟؟
انا مو مشكلتي اسناني >>>>>انا لثتي والله يابنات طايحه لي تحت تشوفون ضرسي كامل
اعصابي متوتره وموعارفه شنو احسن عياده تعالجها وترفعفها لي >>>>>شكلها مشوه
يقول سبب نزول اللثه>>>>طريقة تفريش الاسنان غلط>>>>>مع ألتهاب شديد
ياليت اي وحده جربت>>>>اهم شي جربت
عياده تخصصها لثه>>>ادعيلها من كل قلبي